متلازمه السجن
البارت ٥١
للكاتبه مريم السعدي
...........🍁............
حسام - طلعت وراسي مسطور سطر رجع يقبط ورجعت بيه الخنكه بس ثواني وتروح ادري بروحي دااتراجع بس موهامني شي سوال ببالي يدور معقوله عناد بيه سوت سفرتها معقوله رجعت لشغلها وتركتني هيج عدها عادي اذيتي
رجعت للبيت نمت امي بس تباوعلي بعينها وين ماروح متاذيه لاذيتي تعبانه لتعبي تخاف تصعد فوك لان كم مره صعدت نترت بيها سوده بوجههي مو بيدي مااتحمل يجيبون سيرتها كدامي مشينا لوسام على رغيد جان فرحان ونفس الوكت متوتر دلشاد رفض لان بعده ممكمل دراسه كل الكاله
خلي يتخرج والله كريم
وسام خايف من علي ابن خال ايهاب لان كايل لايهاب رايدها ورفيف كالت لرنا وجتي كالت لامي وسمعها كال
اكلبها كربلا على راسهم وره كم يوم تقدم ورفضه دلشاد او بالاحرى مو رفض يعتبر تاجيل اعصابه انهارت وبس يصيح واني منا واج البيت صار مينطاق وامي وكعت بيننا
رائد كلسا مترزل مني ومنه
وشيلان كامت تخجل تطب عدنا مرت ايام واني بقهري واخويه بقهره وسمعت من عمر علي متقدم ودلشاد كايله طيني مجال هنا قامت القيامه وسام لبس وطلع واحنا تخبلنا
تعال يمعود مندري وين راح واحنا ندري بي يخزي اكبر واحد اخويه لحكته وبين هبطه ورجفه جسمي خوف عليه وتقبيطه راسي اختنكت حنيت جسمي بالطرمه طب مهند نصه عليه شبيك يول لزمتني دوخه مكدرت ارد عليه صدري قبط ايدي من وحدها نزلت مكدرت ارفعها ومكدرت احرك رجلي صار بيها خدر بالفخذ غواش بعيني صوته يروح ويجي
حسسام تسمعني شبيك يابه حسسام لك حسسام دتسمعني يا الله لج شيلان رائد يممممه وسام وين
لك يمه الحكه طلع فاير ويغلط على علي يمه ابني شبي
يمه رحمه لا الله مااكدر اشيله رجلي بس صيحي رائد لك حسسسام اباوعله حلكه بده ينعوج حيلي انهد كعدت على ركبي كدامه يابه حسام فدوه لطولك. يفر بعينه وحلكه انعوج. تخبلت لك حسسسسسام حسيت احد فتح الباب الجبيره وامي رجعتلي تركض ورائد هم وحده ورايه صاحت
شبي شبي حسام
باوعتلها صبا رائد كدامي نحاول نشيله تشنج صاحت لحد يحركه لحد يحركه
اباوع نضرته تحولت عليه نزعت دنبوس من ربطتها ترجف ايدها نغزت اطراف اصابعه التلفون على اذنها كال
دكتور فدوه لعينك دزلي اسعاف فوري اي لبيت دكتور حسام اي اي بيت زوجي. سديته ورجعت اجك اجك باصابعه اطرافها واعصر الدم جكيته من اذنه وعصرتها اباوع وجهه صار ازرك دخيلك ربي فركت اذنه
يرجع النفس بصدره شهك بقوه سياره الاسعاف وصلت مستشفانا قريب يصيح مهند خل ناخذه واكوله ميصير تحركه جلطه عده جلطه صرخت طبو اهل الاسعاف شالو وركضنا وراه خالتي خطيه تخبلت صعدو للسياره مال مهند واني وياهم
باوعلي مهند نتر
وين جنتييي ويييين هسه تذكررتي تجين
مو وكتها مهند باوعت لخالتي تبجي
خاله قوي كلبج مبي شي
يمه ابني حيروح من ايدي
خاله فدوه لعينج ماكو شي وصلنا نزلو وركضت وياهم دكتور فيصل جان. ينتضرني بالباب اخذو وضل يسالني دكتور مااعرف الله يخليك هو وصلت وسويت اللازم بس دزلي على دكتور جواد دز عليه راسن ونزل خطيه مقصر تلحكوله قبل الجلطه الحمد لله طبيت للغرفه اباوعله ساد عينه ومهند يمه ووسام هم وامه همست امه ماشرتلي
