متلازمه السجن
البارت ٤١
للكاتبه مريم السعدي
..............🍁.................
رنا - نزلت لمحاضرتي جان هو الاستاذ بيها كمت مااهتم بعد منا لشهر ميت عمامه تنكلب رجعت للبيت شيلان دتعزل هي وشيرين وامي
هاي شكو ههه اعمال شاقه
ام مهند - امشي ماما بدلي وصلي وتغدي وتعاي عزلي البوفيه
اي جيت طبيت لكيت حسام يصبغ باب الحمام ويغني
حسومي فدوه للعرسان
امشي لج لتصجميني مرتي ماتقبل
كالها وغمض وعظ شفه عود هو خجلان يابه خربني ضحك
يمههه انزولات.
طبيت للغرفه بدلت وصليت طلعت اكلت وكمت وياهم كرب كرب لحد ماكملنا البيت حتى وسام شغلنا مرت الايام ومبقه لعرس حسام غير عشر ايام وامي وشيلان يجهزون بالعروس والعرس وميتلحك واليوم عازميها لاول مره وره العقد اول مره اتشوف بيتنا صبا. سوينا غده كلنا مجموعين حتى بيت خالتي واني وشيرين وسانه لابسين حجابنا وكاعدين دنصب بالغده وشيلان دتفرغ باللبن وصبا تخلي الكلاصات اخذت علينا راسن كيفت بيها ماما
خاله سعاد- يمه رناوي فدوه
نعم خاله
حبيبه جيبي الخبز عالكاونتر
اي جيت كمت من الهول داروح للمطبخ صاح عمر يا الله يااهل البيت ردت ماما تعال عمتك تحبك
اخذت الخبز باوعتله كال
جيبي جيبي عساس اني جايبه جاي ايد وره وايد كدام شكد عيب
ضحكت عليه ونصيت اخذه مني مباوع بوجهي وطب كال
هاي بعد شتردون جبتلكم خبز جديد وحار يخبل
وسام- سبحان الله نفس العلاكه الجبتها قبل شويه دتعال تعال شون دولمه عاللبن من ايد شيلانه الا بشده ونص
مهندد - والله اليجي اخر واحد يغسل المواعين
عمر - باوعت لحسام شفت مرتي هذا الينزل على مرته ضره الناس تاكله.
-- كعدت يم وسام ومديت ايدي اكل رفعت راسي اللبن بعيد ومااكدر اكل اذا مانزل اللكمه بي باوعت لرنا بصفه الدولكه باوعتلي اشرت ها
اشرتلها لبن صبت بالكلاص وناوشتني شكررررا
ام عمر- يمه فدوه الله يحفضكم
رنا- يبووو كلت بداخلي بعد مااباوعله اروح ااطلع مموته روحي عليه كملنا اكل وانلمينا داير مداير صبا نسولف ونضحك سوالفها تصنيفها تضحك بفطاريه حسام يباوعلها من بعيد واني اباوع لعيونهم شون حلوين الله يحفضهم
شوي وصاحها حسام كلها تعاي اشوفج الغرفه كامت صاح عمر
عمر - اي شوفها زين الغرفه باعي صبا تره كلها ارضه مقشمرج بيها
صبا- عسى ماكنتور قماش انت شحارك حمامك سويتله حركه الدوده موتي يمرته الاولى ثنه عليج بفوله ههههه
حسام- اسسسمع عود اني كلت خاف يخجلها
صبا- لا مو مال اخجل ياخذك مني
حسام- ههه همست محد ياخذج مني واني اباوعلها صعدنا فوك طبت للغرفه تباوع مبتسمه جتفت ايدي وارتجيت عالباب اباوعلها دايخ بتفاصيل حتى مشيتها
