متلازمه السجن
البارت ٤٣
للكاتبه مريم السعدي
...........🍁............
رنا- الصبح كعدت لكيته كاعد كبلي ديحضر ريوك طلعت اشيل بشعري مطايقته ياالله اكيد عده علاقات هي بقت عليها ورنا انتي جفصتي بعد عوفي يطبه طوب طلعت بيض طلعت خاله كالت
ها كعدتو صباح الخير
عمر- هله يمه وينج صار يومين مشايفج
رحت البارحه وي منتهى للكاضم باوع امي بعد وره العشره متطلع
ليش يابه ههه تحبسيني
اي وضع مزين وانت تزوجت انت بعد بتسعه بلبيت تجيني بوحده والثتين ميصرف فاهم
ههه زين حجيه زين بس لتعصبين ليطكلج عرج رحت فدوه لشيباتج بستها من راسها رفعت راسي باوعت لرنا تباوع مبتسمه دارت وجهه من التقت عيننا كلت بداخلي حتشوفين انسان ثاني تشكين لامي مو بسيطه هينه طلعنا للجامعه كملنا محاضرات دااطلع صاح حسام عمرر
ها التفتت عليه رافع حاجبي بداخلي كلت اي شي يكوله اكوله لتتدخل رجال ومرته تقرب كال
يابه شنو السالفه لاتمر لا ترد على تلفونات شنو الفلم
تعبان مالي خلك والله باوعت رنا جتي وكفت تنتضر تباوع لحسام جرني على صفحه كال
شوكت تترك المشروب مو تركت شهر وكلنا يا الله يهادي
باوعتله ودرت وجهي عليها جريت نفس كمل كلامه
قسما بالله عمر اخذها منك وبعد مارجعها تدري بمعزتها
هزيت راسي ماشي وطلعت جتي ورايه صعدت السياره كعدت التفتت عليها بغضب
باوعتله ودرت وجهي عالشباك كال
بعد المن تشكيلي لا الله مشكيتي
شنو
المن كايله بعد لامي كمت اعدد باصابعي ولحسام ووسام بعد
والله محاجيه لاحد وروح بابا
جريت نفس ودرت وجهي طلعت الطريق كله ساكت طبيت للبيت وسديت الباب طبت كبل نزعت وطلعت وي امي بقيت بالغرفه اكلب بالتلفون واراسل مروه البنيه المطلقه جانت فري للاخير كلما ما يطك بيه الدهر اتصل والبنيه متكول لا بكم هديه دااراسل دزتلي كم صوره دك تلفون رنا التفتت عالشحن كمت مديت راسي مكتوب رساله
الو مرحبا
منو هاي لزمت التلفون انكتب
عذرا للازعاج رنا اني فراس تذكرتيني بس ردت اسال وين هالغيبه وياريت تتصلين ضروري من ترحين لبيتكم
بقيت صافن تذكرت فراس دهوك ذبيت التلفون صرت نار صحتت بعلو صوتي كانما مصدكت لزمت لزمه صرخت
رنااااااا سمعت وكعه شي عالصيحه فزت
شكوو
تعاي تعاي
ام عمر- يمه شبيكم شكو
عمر- يمه لتتدخلين بيننا طبت بثكل اباوع عيونها مفتوحه وصله الجدر بيدها جريتها من ايدها قوي وسديت الباب قفلتها رحت عالتلفون بسرعه لزمته
