متلازمه السجن
البارت ٣٠
للكاتبه مريم السعدي
............🍁...........
سانه - كمت اراسل بابا ميرد ميت مره دزيت رساله ماكو رد انتضر يستلم ماكو كلبي كام يوجعني كمت مااستلم دراسه باجر وعكبه اخر امتحانين اقره وماكو استلام من الصبح للضهر اختنكت بعد احتصرت طبيت لغرفتي ابجي شوي وسكتت طلعت بالطرمه الوب ---
حسام- صحت
عمر
عمر...ها حسام شونك
...زين ساعدني اكوم وسام وساام اباوعله حاير يخابر
وسام.- ها يابه
حسام.- ماكو اخبار
...لا بعد مغلق جهازه
....امشي خل نروح لاهلي لابد مخابر شيلان سانه نشوف اخر مره شوكت حاجاها
وسام- خوش طلعنا من المستشفى رحنا بيت مهند طبيت لكيت سانه بالطرمه عالمرجوحه تبجي وامها يمها تحاجيها شيلان مو محجبه من عدنا اشرتلها عمر اجه سانه فكت عينها وكفت
سانه- من شفت عمامي ثنينهم طابين الوجوه مخطوفه ---عمو شكو الله عليك
...انتي شبيج تبجين عمو امشي لبسي شي على راسج عمر ديفوت
....اي لبست ركض وطلعت طبو للهول واحد يباوع بوجه اللخ
-- عمو عفيه شبيك بابا بي شي
حسام- ابوج شبي فكيت عيني شوكت حاجيتي اخر مره
.....عمو من البارحه المغرب بعد مجاوب كمت ابجي عمو شكو
حسام - ماكو شي عمو جيبي تلفونج
سانه - ركضت جبته ورجعت طيتهيا كام يكلب بالمحادثه جر نفس باوعلي
....بعدمخابرج مسمعتي صوته
سانه....لا بس دزلي رساله صوتيه من غير رقم لان تلفونه سماعته عطلانه كال هاي صاحبي اني اخ
حسام...لا بس خابرني هو نفس الوكت تقريبا شو خل ااشوف رقم صاحبه -- احاول اهدي روحي مابين انفعالي بس وسام مفضوح هزه رجله ونترته بالحجي وعصبيته
سانه....هاك عمو باوعت لعمو وسام كعدت بصفه عمو شبيك حباب بابا بي شي
وسام - باوعتلها درت وجهي خليتها جوه ايدي حضنتها باوعت لحسام شال التلفون دك عالرقم يباوع بقلق عالصوره المحطوطه بالصاله مالتهم صوره مهند شيلان تطكطك باصابعها متوتره دخل رائد كال شكو
حسام-دك دك دك اخر شي رد ولد شاب --
فراس- نايم ودك التلفون اباوع رقم سانه كعدت عدل ارتبكت فركت وجهي شسوي شسوي حرد اكولها اني صديق ابوج وماعرف وينه
فراس...الو
حسام...الو الو السلام عليكم
...عليكم السلام منو
....ااني العفو والله ماعرف شكولك ابو رائد موجود
....لا هذا مو تلفونه
....اخويه الف رحمه على ابيك اني اخو ومن البارحه اتصالاته مكطوعه وخابرني احواله مخربطه مدري شون حجه ويايه الله يخليك شوكت اخر مره حاجيته
فراس...والله اني من البارحه شفته بعد مشفته
حسام....زين تكدر ولو حتعبك بس والله اعصابنا تلفت بس اريد اسمع صوته مبي شي بس طمني عنه اذا تكدر تروحله لمكان سكنه
