وفجاة صحيت من اوهامي شنو الي ديصير ويايه وصلت بعدها لباب غرفتي وضليت ادور على الكتاب وين راح عبالك فص ملح وذاب جربت ادور جوه الجربايه لمن شلت الغطه لكيت شي غريب الكتاب مفتوح وديطلع ضوه كلش ساطع جريت الكتاب وباوعت على الورقه الي مفتوحه فجئه خفت الضوه لكيت مثل النمل ديتجمع جوه رقم مكتوب بي ٣٠٠٠ سنه ضليت اقرا شديكول الكتاب عن هذا الرقم (الفضائي يعيش اكثر من مليون سنه وعالمهم .. اثناء مدا أقراء هذا السطر انسد الكتاب بكل قوته ونشمر من ايدي .. بعدها سمعت صوت طقطقه بالمطبخ كلش خفت وجسمي ارتعش بس قويت روحي وقررت انزل وصلت الدرج وصحت ماما هاي انتي المرعب انو محد يرد يعني مو امي نزلت الدرج شويه شويه وتوجهة للمطبخ داسمع صوت الماعين تتحرك فتحت باب المطبخ وتفاجئت بوجود طفل صغير مشوه الشكل واكف فوق ميز الطعام انصابيت بصدمه وحاولت اركض واطلع من البيت مكدرت الباب مغلقه من برا ختلت بخزانه الاحذيه وفتحت الخزانه شويه اشوف شديسوي هذا الكائن وشيريد مني الكائن ضل يدور عليه وفاتح حلكة وديطلع مثل الهوه البارد يجمد كلشي توجه للحايط وبده يكتب بسرعه باصابعه المخيفه لمن كمل كتابه اختفى تماما من المكان خرجت من الخزانه وتوجهة للحايط اقرا الي كتبه مكتوب بالدم (اتركي قرائت هذا الكتاب والا راح اتندمين ) شنو الي يقصده بهذا الكلام انفتح سرجي الباب اني فزعت وضليت اصيح اجتي امي تركض وحضنتني شكو حبيبتي شصاير كتلها كلشي وتوجهة للحايط لكيت الكلام اختفى والبيت رجع مثل ما كان حسيت امي هلمره راح تتهمني بالجنون الرسمي كرستين اليوم لازم نروح للعياده هذا الشي بعد مينسكت عليه يعني بيوم الي تحجين ويطلع صوتج هيج تحجين اني تهسترت عليها وكتلها كافي لازم تصدكيني وبعد ماروح لاي مكان اذا شايفتني مجنونه وديني لدار المجانين حتى تخلصون مني وطلعت اركض للحديقه امي بنفس الدقيقه خابرت على الدكتوره مثل ما توقعت الو الكساندرا اليوم لازم تجين حالة كرستين دتسوء اكثر اني اليوم يمكم الساعه ب٩ المساء وره ماخلص كلشي واسد العياده مادام هي متريد تجي وحاسه بالخوف اتجاه العلاج اني راح اعالجها بطريقه ثانيه ونفتهم الي ديصير بيها ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
اسفه على التاخير حبايبي احبكم كلش هواي شتتوقعون حالة كرستين حقيقيه لو من خيالها ؟
