ضليت اتلفت منا ومنا ادرو على مصدر الصوت داخلي احساس انو هذا الشخص قريب اليه وبنفس الوقت حسيت بسعاده قويه فرحت حيل بس دادور عليه مدالكي ماموجود باي مكان مجرد صوت سمعته واختفى بعدها امي جانت كلش خايفه عليه وادور من بعد ما لكتني سالتني ماما وين رحتي كلش قلقت عليج بعد نهائيا لتبتعدين عني وحضنتني بعد ما نصبنا الخيمه صارت الدنيا ظلمه حيل قررنا نبات هناك طلعنا من السياره المنقله والصوصج وكمنا نشوي ونحضر العشاء جنت كلش متونسه بالاوقات عشت اوقات حلوه كلش وسعيده وضحك ولعب ويه امي من خلصنا الاكل طبينا للخيمه وضلت امي تسولفلي عن ايام ابويه الحلوه لمن جان يجيبنا هنا ف مي بدت تسولفلي عن سبب وفاة ابويه اني جنت متحمسه اعرف السبب حطت الفراش وطبينا جوه اللحاف وتغطينا وبدات تحجيلي عن قصة كفاح ابويه مع مرض السل ومات في عمر الاربعين سنه كان عمري في وقتها ٦ سنوات وهسه ٩ سنوات مر على وفاته ٣ سنين هذا وقت كلش طويل بس اني اذكر تفاصيل حلوه من حياته ويانا وتدليله الي ضلت امي من بعدها وحيده وقررت تتفرغلي تماما اني راح اكمللكم القصه امي نامت في سابع حلم وهسه هي تشتغل في بنك موضفه وعدها صديقه اسمها الكساندرا طبيبه نفسيه تعرفت عليها من بعد ما كانت تتعالج يمها بسبب وفاة ابويه وصارن بعدها صديقات اني احبها لان هي الي طلعت امي من حالتها النفسيه حبيبتي ماما نامت تبوس راسها طلعت برا الخيمه وكعدت على البحر افكر في الصوت الي سمعته داخلي امل كلش جبير وفرحه وتخيلت حياتي بالعالم الجديد مع الكائنات الي رسمتها في عقلي اتمنيت انو هذا الصوت الي سمعته واحد من عدهم لحسن الحظ جنت جايبه ويايه اوراق الريم واقلامي كلها كعدت بديت ارسم الكائن الي تخيلته عيونه كبار كلش ولونهن شذري (سمائي فاتح) خشم ماعدهم حلكهم كلش صغير والراس بيضوي وبي قرنين استشعار بشرتهم لونها ازرق وعدهم اجنحه تساعدهم على الطياران ورسمت مراكب فضائيه وكائنات دتركض من الخوف ماعرف شنو السبب وجع فضيع براسي وعيوني دتشوفني احداث غريبه مكان ابيض بابيض يتردد اليه وكائنات تركض من شي خايفين فزيت بعدها فتحت عيني وقررت ارجع للخيمه كلش جنت بردانه وخايفه من الي شفته على حياتهم حاسه اكو شي اكو فد ربط بين الي شفته لا لازم اطلع واشوف المكان الي سمعت منه الصوت اخذت الايت ورحت امشي بعيد عن الخيمه المكان جان يخوف كلش واظلم فجاة سمعت صوت قوي وهبت ريح ختلت وره شجره شفت منظر مريب مؤكبه فضائيه تنزل من السماء وياها ضوء ودتنزل كائن الى الارض من بعدها اختفت المركبه واختفى الكائن طلعت من وره الشجرة وضليت ادور عليه عن طريق اثار برجل غريبه الشكل بيها اصبعين بس الى ان وصلت لمجموعه من العشب ديطلع منها صوت شلون مال بزازين من تكون عصبيه تقربت كلش وتجرأت وطبيت داخله المفاجئه لكيت كائن مثل ما اني راسمته بالضبط طرت من الفرحه بس خفت اتقرب منه جان كاعد مكنبص ويباوع عليه لمن تقرب ولمسته طلع من عيونه ضوه خلاني اخاف واغمض بعد ثواني فتحت عيوني لا لكيت الكائن ولا لكيت الرسمه مالتي صوت مشي من وره العشب جسمي يرجف يارب بس لا ياذيني ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
هلمره راح اسوي فقرة سؤال عن الحلقه السؤال يكول شنو المرض الي مات بي الاب ؟ انتظروني بالبارت الجاي احداث مشوقه جدا شتتوقعون راح يصير ؟❤
