اجتي امي يمي واني طاكه بجي اريد اسكت ومااحجي بس الي ديصير ويايه فوق طاقه تحملي بعدها طلعت برا اشم شويه هوى كعدت يم الباب وضليت اباوع على السماء وافكر بهذا الكائن قررت بعدها ماافتح هذا الكتاب نهائيا اكيد بي شي راح يضر صديقي الكائن واكيد هم الي دزوا الطفل المشوه عليه حتى يحذرني لازم اشوف صديقي الكائن واساله واحجيلي الي صار فجاة صار بالسماء ضوه مثل الشهب كأنما علامه منه يارب يجي واشوفه باقرب وقت لان راح اجن بالحقيقه والكل راح يكرهني ويعتقدني مجنونه وره ساعه طبيت للبيت لكيت امي دتشوي وتحضر اكلات وحلويات صاحتني بس اني غلست وقررت اسكت مره ثانيه وبعد ماحجي كرستين حبيبتي تعالي ضوكي هذا الحلى سويته علمودج هزيت راسي ورفضت ردت عليه ماما لا تزعلين عليه اني خايفه عليج وعلى مستقبلج اليوم عمتج راح تزونا باليل تطمن عليج ونكعد هم سوا ونسوي سهره حلوه عفتها وطبيت جوه شقت بعيون امي القهر تجاه تصرفاتي بس غصبا عني محد فاهمني جلست بالصاله وتمددت وتمنيت اخلص من هذا العالم ويجي الكائن ياخذني ويا لابعد مكان صارت الساعه ب٩ وربع دك الجرص اكيد عمتي الكساندرا وصلت صوت امي وهي ترحب بيها صاحوني رحت من باب الادب وسلمت على دكتورة العائله وبتعدت عنهم بس ضلت اذني يم امي امي تحجي للدكتوره حالتي الكساندرا صدكيني حالة كرستين دتسوء اكثر واكثر اليوم انصدمت من تصرفاتها لهذا اتصلت بيج باعي لتحجين هيج كدامها هذا راح يضر صحتها اني اعرف شلون افتهم منها واخيرا حسيت عمتي صارت تفتهمني وقررت من بعدها اكعد واحجيلها كلشي بس متردده بدأت امي تحضر بالاكل والطاوله نملت اشهى الاكلات والاطباق والحلويات رحت كعدت يمهم بدوا ياكلون اني اكلي جان كلش قليل بس حتى لحد يكول اني مريضه جبرت روحي اكل من صحني باوعت على الصحن نفس النمل الي شفته بالكتاب ديلتم على التمن واللحم ضليت اصيح شنو هذا ورميت الصحن وكسرته امي ضربتني لاول مره كف بجيت ونقهرت من كل كلبي كرستين شنو هاي التصرفات ردت عليها الدكتوره عوفيها لو سمحتي وخلينا وحدنا اني راح اخذها ونطب للصاله مال ضيوف ولحد يدخل علينا تعالي كرستين لزمتني من ايدي وطبينا للغرفه يلا كرستين احجيلي الي ديصير وياج اني تشجعت من شفتها ردت امي يعني راح تصدكني ماشي عمتي انتظريني دقايق اجيب الكتاب من غرفتي كرستين وين رايحه اي كتاب عمتي هسه تفتهمين كلشي من تشوفين بعينج ..
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
