أحببت فضائي(بالعراقي)مكتملة

طبيبه نفسيه

دكتوره الكساندرا حالة كرستين كلش صعبه ودتزيد خطوره اليوم صارت مشكله بالمدرسه واستدعوني وكالوا اخذيها اجازه الى ان تتعالج
الكساندرا:ليش هي شبيها احجيلي
باعي كل يوم تكعد ترسم كائنات ومركبات ومدري شنو غرفتها مليانه ملي وفوك القهر حتى بدروسها كامت ترسم وتحجي للطالبات وللمعلم اشياء غريبه من عقلها هسه اذا تطبين غرفتها تلكين كوه رسمات غريبه وكامت متحجي ويايه ولا ترد
الكساندرا:خوش لعد اليوم جيبيها وتعاليلي ب٣ هسه الساعه ب١٢ بين ماتاكلون بين ما ترتاحون اني موجوده لل٥ العصر
خوش لعد حياتي متفقين
انداريت لكيت كرستين ورايه
ماما شبيج حبيبتي
تعالي خلي ناكل ومن بعدها نروح يم خالتج الكاساندرا للعياده اوك
نشوفها ونتونس نغير جو واوعدج وراها راح اطلعج طلعه تخبل
هزيت راسي واستسلمت للامر الواقع
حسيت حتى امي مثل الباقين حالها حالهم محد راح يصدكني
هديت ايدها وركضت لغرفتي
كرستين ماما ب٣ نطلع حضري نفسج قبلها
صعدت لغرفتي واني كلش مقهوره
حطيت ورقه جبيره وبديت ارسم الكائن الي احلم اشوفه العالم الي اتمنى اعيش بي
الى ان اخذتني الغفه
وره كم ساعه
يلا ماما كومي بدلي دنطلع
هزيت راسي
وبدلت هدومي ونزلت من بعدها طلعنا للعياده
الكاساندرا :لج هلو ماما شنو هذا الجمال ماشاء الله اميره كل يوم تكبر تحلى اكثر واكثر
ضحك اخذتني بالاحضان
وطبيت بغرفه
اكلج سام الاحسن نبقى وحدنا بالغرفه انتي اطلعي هسه
اوك عيني اني انتظرج برا
تعالي كرستين حبيبتي خلي ندردش شويه
شلونج بالمدرسه ؟
ضليت اني صافنه من غير ما رد عليها
حسيت اول مجابت طاري المدرسه انقبضت روحي
ردت بس اطلع
عرفت بوكتها انو امي جابتي عند الخاله الي هي طبيه نفسيه حتى تعالجني نفسيا!
فسالتني كرستين منو هذوله الرسمات الي بغرفتج ؟
فقررت اجاوبها
هذوله الكائنات اني جنت احس نفسي عايشه وياهم قبل هم بس الي يفهموني احب اتواصل وياهم احب ارسمهم احب اشوف شكلهم حتلو صوره لان اني مااكدر اتوالم ويه البشر
لمن اروح للمدرسه الكل يضحك عليه الكل يكرهني محد يريد يسمع افكاري
يكولولي انتي شدترسمين ويستهزئون
مع العلم انهم موجودين عايشين بخيالي
فمن بعد هذا الكلام لكيتها مستغربه حالها حالهم الصراحه تندمت لان حجيت الها
طلعت حجت لامي وقرروا ياخذوني جلسات علاج نفسي
لمن رجعنا من العياده للبيت
بعد دقايق اجاني اتصال تلفوني ردت امي
المتكلمه جانت الدكتوره الكساندرا
سمعت امي تنادي باسمها
والي افتهمتها انو هم اتفقوا يطلعوني خارج البيت تغير جو
صاحتني امي نزلت ركض
وكالتلي كرستين اليوم راح اخذج لمكان تحبي حيل
قبل جنا نروحله ويه ابوج الله يرحمه
اني كلش فرحت وردت اطير من الفرح حسيت حالتي النفسيه تغيرت شويه
جنت احب هذا المكان لان بي ذكريات حلوه حيل ويه ابويه
المهم بعد شكم ساعه حضرنا جنطنا مال ضهر واخذنا شكم لبسه ويانا مال سباحه
والخيمه الي راح ننصبها هناك
وصلنا للشاطيء
جانت دنيا ليل والساعه تقريبا ب٧ المغرب
بدت امي
اطلع بالغراض اني حبيت اتمشى شويه بعيده عنها
واني داتمشه سمعت صوت حركه غريبه
ومثل الانين شلون واحد ديستغيث بيه وفجاة..
كرستين ساعديني !
خفت حيل ونرعبت من الصوت وجمدت بمكاني ..

انتظروا البارت الي بعده اكتبولي توقعاتكم للحلقه الجايه وشنو رايكم بالقصه 😻😍
سؤال الحلقه
شنو اسم الدكتوره الي عالجت كرستين ؟