بعد مرور أيام
.
.
.
.
.مراد/رجعت للبيت دخلت للاستقبال وكلش متأذي
واجن البنات سلمن عليه وبقن يبجن
مراد/انتبهت للبنات لابسات اسود 😕
زهراء/كلش نقهرت عليه وشلون يتلوه من الوجع ومكدرت الزم نفسي/😢وبجيت بصوت عالي
مراد/رديت بهدوء/ليش لابسات اسود
البنات بقن مصدومات ومعرفن شيكولن
حسام/بلعت ريقي ورديت/علمود استشاهد الامام الكاظم .ع.
مراد/هاا...حسيت بيهم ضامين عليه شي وبقه كلبي يدك عالسريع رديت بخوف وقلق/لعد عمتي وين
حسام/رديت بسرعه/راحت لزياره هيه وخالاتي
مراد/ بلعت ريقي واطمنت بس بعده كلبي مامرتاح ابتسمت ورديت/شوكت ترجع والله مشتاقلهة
حسام/حجيت بكلبي بعد ماترجع ورديت/كم يوم وتجي ..وحاولت اغير السالفه عنه
اي مراد سولفنه اصار وياك
مراد/اذكرت اصار وياي عصبت كلش وبقه جسمي يرجف غمضت عيوني ورديت/حسام اسكت لتذكرني فدوه..خليت راسي عالمخده واحاول انسه الصار وياي
تحسين/بدلت الموضوع ورديت/بويه شمحضراتنه اكل
زهراء/الاكل جاهز عمو
تحسين/خوش بوين دروحن حظرنه اكيد مراد هسه جوعان
البنات/اي صار
اسماء/رحت احضر بالاكل واجت زهراء وراي
زهراء/وج اسماء هسه شلون راح نكله😓
اسماء/خنكتني العبره ودموعي صارن بطرف عيني خليت الشال عله عيوني تذكرت امي وبقيت ابجي
زهراء/وج اسماء فدوه لتبجين بس كليلي شلون راح نكله
اسماء/مسحت دموعي ورديت/والله مادري شوفي حسام شيسوي
زهراء/رحت وكفت يم باب الاستقبال واشرت الحسام /تعال ...
اجه للمطبخ /حسام شلون راح دكلوله لو سأل عله عمته
حسام/دنكت راسي ورديت/راح اكله اتوفت لعد شكله
اسماء/هسه اتكله
حسام/لا بعد ميصير زين
..
تحسين/كعدت يم راسه وحسيت بشعور كلش غريب تجاهة وفكرت بداخلي/معقوله يطلع يقشمر علينه ويطلع شارد ومن عمده سوه هالمخطط حته انسه واسامحه /اني اعلمك😡حسبالك ناسي عملتك
زينب/طار عقلي من الفرح.من سمعت مراد عايش والله كلبي جان حاس ورحت كعدت يمه لان كلش مشتاقتله بس بعدين متحملت منظره ونزلن دموعي ورحت ع غرفت بابه
وشبعت بجي مدري ابجي عليه مدري عله عمتي الي جانت امي بهاي الدنيه 😭😭
ااااخ ياربي
بعد مرور 5ايام
.
.
حسام/بعد ماصار مراد زين رحت الغرفته ودكيت الباب ورد/ادخل
حسام/رحت يمه وكلش متوتر كعدت بصفه ورديت/اريد اكلك شي بس ماريدك تزعل
مراد/مازعل كول
حسام/بلعت ريقي وتوترت حيل رديت/البقيه بحياتك عمتك سهام اطتك عمرهة
مراد/نصدمت /شش شنو
حسام/ملزمت نفسي وبقيت ابجي
مراد/كلبي كام يدك حيل فتحت عيوني من الصدمه ورديت بهدوء/انته اشتحجي
حسام/اي توفت
مراد/كلبي بس مايوكف من الخوف والصدمه ورديت /ولك شلووووون
حسام/من قهرهة عليك صعدت عدهة اليوريه ومتحملت
مراد/نزلن دموعي وكمت ع حيلي نزلت
وصلت للصاله صحت/ولكم ليش ماكتولي
ااااخ يايمه ليش هيج يااااربي
زينب/فزيت عصوت اخويه مراد وخفت كلش من منظره كلش يقهر
حسام/بقه يبجي ويكسر بالدنيه متحملت منظره رحت يمه اهدي ودموعي بطرف عيني
ولك كافي
مراد كافي شدحيلك
مراد/مكدرت الزم نفسي حسيت روحي تريد تطلع التفتت عله حسام حضنته بقوه وبقيت ابجي
حسام/رحت حضنته وبجينه سوه وهمست/كااافي ولك هاذ امر الله كافي مراد بروح امك كافي بجي
خلصت بجي ورحت كعدت عالقنفه صافن وبالي بعيد كلش...
سمعت البنات يسولفن بعرس بت عمي
مراد/نتبهت عليهن وخزرتهن/عرسمن؟
اسماء/بلعت ريقي وترددت/ءءه ه ه ه
مراد/احجي
زهراء/عرس رواء بت عمي نورالدين
مراد/انصدمت ورديت بهدوء/شوكت
زهراء/صار شهر
مراد/بلعت ريقي وكمت عحيلي صعدت الغرفتي وركعت الباب بعصبيه
.
.
8:24صباحا
مراد/نزلت بكل تعب وضوجه وقهر غسلت وجي ورحت اتريك
كعدت كبال الاكل وصافن عليه
تحسين/ماتاكل
مراد/ماشتهي
تحسين/خلص اكل وانتضرني بالاستقبال اريد احجي وياك
مراد/كول محد غريب
تحسين/لا موهنا
مراد/خلصت اكل بس منوره خشمي ورحت كعدت بالاستقبال وكلت بهمس/شكو انوب من مصيبه
تحسين/خلصت ريوك ورحت كعدت يمه وحجيت
راح اسئلك وجاوبني الصدك
مراد/انشالله قلقتني خير
تحسين/ليش اتحارشت ابت عمك رواء
مراد/فتحت عيوني بصدمه ورديت /شنو !! اني ماسوي هيج
تحسين/لاجذب وكول الصدك
مراد/عمي شجذب والله مامسوي شي
تحسين/خزرته بعصبيه وصحت/لعد ليش اجتني البنيه تبجي وتتوسل منك
مراد/😕وروح امي مامسوي شي
تحسين/همست بداخلي/هاذ بعد المصايب السمعها مراح يحجي ورديت/امشي ولي
أنت تقرأ
سرقوا حياتي
Non-Fictionقصه حقيقيه وحزينه تتكلم عن شاب صارع كل الضروف حتى يتخلص من ظلم ابوه له ولكن كل شيء يخرج عن السيطره 👍❤.....
