سرقوا حياتي

21

10:55ليلا

مراد/تمددت عالجربايه فتحت الموبايل /بله خل اشوف هاي الخبله

مراد/سلام

فاطمه/وعليكم السلام
تفضل

مراد/لايابه جنج متعرفينه

فاطمه/هههه

مراد/شلونج

فاطمه /تمام وانت😊

مراد/الحمدلله

فاطمه/دومك

مراد/انتي شكد عمرج

فاطمه/18

مراد/يعني بكد زينب

فاطمه/اي😊

وستمرت السوالف الحد ساعه2:45 صباحا

مراد/يله تصبحين عله خير

فاطمه/همست بداخلي اف دبقه شويه /اوك وانته من اهله

مراد/سديت الموبايل خليته عله صفحه
وحاولت انام بكل طريقه بس ماكو فايده
همست/😔شوكت انام ياربي

3:20 فجرا

ليله ظلمه وموحشه ماكو اي صوت غيرصوت الاذان  لدرجه تسمع صوت نفسك والغرفه هندس .كعدت بنص الجربايه وشابكت اديه عله رجيه رفعت راسي عالسكف ونتجيت همست/ياربي افتحها بوجي بعد ماتحمل ..

9:10 صباحا

تحسين/بويه زينب روحي اندهي اخوج  يجب الفحص

زينب/اي بابا هسه ..صعدت وصلت الباب دكيته وفحته ../شفته كاعد عله حيله ومغمض عيونه كلش خفت من المنظر وصلت يمه وندهته بهدوء/مرااد

مراد/فزيت عصوت زينب وتفاجأت بنفسي /اني شلون نمت هيج

زينب/همست/الحمد لله/صدك ليش نايم هيج

مراد/غلست ورديت/بيش الساعه😴

زينب/ب9

مراد/كمت عحيل بنعاس/زينب روحي صبيلي اكل بسرعه
غسلت وبدلت نزلت تريكت عالسريع ورحت عالمستشفى

زينب/بابا

تحسين/كاعد اكلب بالتلفزيون /هابويه

زينب/مدام باجر جمعة خل نطلع سفره😊

تحسين/سفرتيش

زينب/نغير جوو لان صارنه مده مطالعين ها شكلت

تحسين/والله مادري

زينب/لاعفيه فدوه اقبل😯

تحسين/اني اقبل بس شوفي الولد اذا فارغين

زينب/همست بداخلي غصبن ماعليهم فارغين😏/رديت ايييي😀واخيرا

ورحت انظف بالبيت بحماس من الفرحه😄اخيرا حطلع من البيت

12:23 ظهرا

مراد/وصلت للبيت وبقيت كاعد بالسياره وافكر بتوتر وقلق/ياربي هسه شلون راح اكله 😔
والله ميتحمل ياربي ساعدني
بلعت ريقي ونزلت بهدوء دخلت للبيت ولفيت ورقت الفحص وخليتهة وراي 😔