مراد/تمددت عالجربايه واديه جوه راسي وافكر بقلق من ابويه/كل هاذ الظلم السويته بحقي مستحيل اسامحك لو شيصير
حسام/دكيت الباب فتحته ولكيت مراد صافن ويحجي ويه روحه رديت/هامنو ماخذك بعيد كول لتستحي.
مراد/عصبت ومرديت
حسام/العفو يابه قاطعناك وسألته /شاحنتك وين محتاجهة
مراد/مادري
حسام/ شفته مهموم وضايج وعصبي كلش قهرني ورديت/مراد خومابيك شي اكو شي مضوجك هالكد
مراد/كعدت عله حيلي ورديت بهدوء/انشالله مراح يصير شي
حسام/شنو قصدك؟
مراد/اخذت نفس ورديت/حسام انته مو تعرف علاقتي بابويه شلون زفت
حسام/وانته من هاي ضايج
مراد/ولك مو بس ضايج طاكه روحي منه وبذات من يجيبون طاريه
حسام/انته لاتهتمله وعوفك منه اصلا هوه ناسيك وميدري بيك وين الله شامرك
مراد/رديت بقهر/ولك تعبني كلش حته باحلامي ماخلصان منه يوميه يجيني ويضوجني
كلي شسوي انتحر حته ارتاح
حسام/رديت بعصبيه /دير بالك تنتحر لان مراح تستفاد راح تتعذب بالزايد يوم القيامه وانته الهدرجه خايف منه ومتعب منفسك علموده
مراد/شابكت اصابعي بتوتر وعيني عالكاع ورديت/بهدوء/لا مخايف منه
حسام/مدامك مخايف منه قوي نفسك او واجهة
ولتخلي يستغلك خوش
مراد/بلعت ريقي ورديت/انشالله
حسام/يله اني رايح لشغل ابدالك وانته ابقه هنا ريح تفكيرك زين يله فيمالله..طلعت من الغرفه وسديت الباب
نزلت من الدرج وبوجي عالاستقبال وماحس اله نصدمت بزينب
زينب/اجيت امشي عالسريع ومنتبهت ع حسام ونضربت بي رديت بوجع/اااااخ شنو مشوف
حسام/اني مصدكت من نضربت بيهة طار عقلي ومحسيت بشي ابد بس سويت نفسي متوجع ورديت/ثول هوه انتي المشوفين
زينب/لابله هوه انته الجيت طاير
حسام/انتجيت عالمحجر وابتسم بخباثه/اجيت علمودج حبيبتي
زينب/خجلت كلش وتوترت من سمعته هيج كلي ورديت بعصبيه/شنو هاي الالفاض هاا اني لامرتك ولا خطيبتك حته دكلي هيج بله وخر اريد اصعد
حسام/باوعت عليهة وضحكت بهدوء/اي عيوني باجر عكبه تصيرين مرتي ودكليلي حبيبي 😏
زينب/يااعززاا هاي شبيك دروووح
...بصراحه حبيت حجيه كلش وفرحت من طلع يحبني
اجه يوم العزيمه ولتمت العوائل اجه اخو تحسين (عزالدين)الي هوه جبير اخوته (المتسلط ) واجه(نورالدين)الوسطاني هم شويه عنده اخبال وتحسين الزغير الي هوه العاقل والمتفهم بيناتهم
واجن اخوات سهام وبناتهن ولدهن
وراها كامن البنات وحضرن كلشي وصبن الغده
مراد/جنت متمدد بالغرفه واكلب بالموبايل واسمع الهوسه جوه وضجت حيل لانو لا احجي ويه ابويه ولاعمي نور الدين ولا همه يحجون وياي بسبب مشاكل صارت بسبب ابويه
تحسين/ كعدنه نسولف ونضحك قبل الاكل واللمه حلوه وبعدين انتبهت انو مراد ماموجود وصحت عله حسام/حسام اشو اخوك ماكو
حسام/تفاجئت مراد ماموجود ورديت/جاي يسبح هسه ينزل
تحسين/خوش بويه
حيدر/اخو مراد من الاب بس من غير ام عمره 32 سنه مزوج وموضف بالمركز برتبت ملازم وعنده 2 ولد الجبير عمره 10س والزغير عمره 4س وبنيه وحده عمرهة 12....
اني اعرف بمراد يضوج منهم وميحبهم فصعدتله للغرفه ودكيت الباب ومارد فتحته ودخلت
ولكيته نازع تيشيرته ونايم عله بطنه
رديت بعصبيه/مرراااد لك كووم جنك شايب كوم يله
مراد/فزيت عصوت اخوي حيدر ورديت بنعاس/ شكو
حيدر/كوم مو عدك عزيمه يله شو بدل وكوم وراي
مراد/غطيت راسي بالبطانيه ورديت بنعاس/ اي هسه
حيدر/نزلت جبت كلاص مي وصعدتله جريت الغطه وبديت المي عله وجه ورديت/لك كوووم
مراد/فزيت من وره المي البارد ورديت بعصبيه/خرب يومك حيدر
حيدر/يله اني نازل وتعال وراي
مراد/رديت بعصبيه/اي نازل😠
زينب/فرحت كلش من اجن بنات خالتي وبنات عمي رواء وبنين وبنات خالاتي غدير وفاطمه وتقى وعبير وكل وحده استلمت شغلها واني ورواء كمنه نصفط الاكل عالسفره
مراد/نزلت من الدرج وسلمت عله خالاتي وعالبنات وبعدين رحت وسلمت عالاستقبال بس ردولي السلام من وره خشمهم ...زين من ردو السلام... تعصبت كلش كعدت يم الباب رفعت رجل وخليت ايدي عليها حته احسسهم انو ضايج منهم
عزالدين/لزمت كلاص المي خليته عله حلكي وبقيت اخزر مراد بعصبيه وطول الوقت عيني عليه
مراد/التفتت عله ابويه شفته خازرني بعصبيه كلش خفت من نظراته الطويله عليه وفجأه صاحلي
عزالدين/بله تعال هنا اريد احجي وياك
مراد /تفاجأت من رده وبقيت مصدوم كلش مو من عادته يصيحلي ويحجي
أنت تقرأ
سرقوا حياتي
Non-Fictionقصه حقيقيه وحزينه تتكلم عن شاب صارع كل الضروف حتى يتخلص من ظلم ابوه له ولكن كل شيء يخرج عن السيطره 👍❤.....
