الساعه 10:03 ليلا
مراد/تعشيت فايت وكت لان جنت نايم وخلصت ورحت ع غرفتي وتمددت عالجربايه ولزمت موبايلي ودخلت عله رسائل رواء معه انو ماريد احجي وهمست/بس هيه شنو ذنبهة ابوهة الرفض
رحت فتحت الرسائل وانصدمت
رواء/مراد فدوه الحك
..ابويه سواها هوسه وميقبل بيك
..لتجي باجر فدوه
..جاوب الوووو....
..لك مراااد
...الرسائل الجديده...
رواء/اسفه كلش عله موقف ابويه اليوم وياك
رواء/بس صدكني اني هم مثلك ماعندي علم بخطبة ابن خالتي الي صدكني والله
...بس رد فدوه ..
مراد/عصبت كلش ورديت/ليش بله مو انتي رايدته
رواء/اخيرا جاوبت
والله ماريده
انته بس افهمني
مراد/شفهم بله ...بعد لتراسليني وهاذ رقمج راح امسحه
رواء/بروح امك افهمني😢
مراد/سحبت نفسي ورديت/احجي
رواء/وره متصلتو ابويه كلي لتوافقين واذا وافقتي حتشوفين شي موزين
مراد/ليش😐
رواء/والله ماعرف حته اعترفتله بحبي الك ومسمعني جرني من ايدي وخلاني بالغرفه وقفلهة عليه الحد مرحتو يله طلعني
مراد/وليش حته يسوي هيج😡
رواء/ماعرف والله وكل الكلك بيه عله خطبت ابن خالتي جذب
اصلا ولد خالاتي كلهم مزوجين واحد هستوه خطب بنت عمه
مراد/بديت انصدم ومعرفت شحجي/شلون😕
يعني حجيه جذب
رواء/اي مو صحيح بس
رواء/مراد لتعوفني فدوه كم يوم وتصلح الامور بس اتحمل
مراد/وليش مكتيلي من زمان
رواء/حركت الموبايل عليك بالرسائل بس انته مجاوبت
مراد/اذكرت اشعاراتهة المسحتهن وكلش اتندمت غمضت عيوني بعصبيه ورديت/شوفي يابت الناس
اني الله الله شاهد عليه حبيتج حب حلال وتمنيتج تصيرين زوجتي بس بعد مافيدج شوفي طريقج
رواء/ش ش شنو هالحجي ياطريق
مراد/اي انسيني فدوه
رواء/هسه انته عود صدك زعلت من كلمتين مراد هاي غلطه وتصلح لتنطي قرار هسه ادري بيك انته عصبي وضايج كم يوم وتهدء الامور وتصالحون والله
مراد/لاضايج ولا عصبي كتلج شوفي طريقج
رواء/ليش تحجي هيج والله راح ابجي
مراد/مو قصدي ابجيج والله
بس اني بعد ماكدر اسوي شي مدام اهلج مقابلين بيه هاي هيه بعد شوفي طريقج
رواء/بس اني احبك والله😢
مراد/بلعت ريقي ورديت/اني هم احبج والله شاهد عليه بس ماطالع بيدي شي
أنت تقرأ
سرقوا حياتي
No Ficciónقصه حقيقيه وحزينه تتكلم عن شاب صارع كل الضروف حتى يتخلص من ظلم ابوه له ولكن كل شيء يخرج عن السيطره 👍❤.....
