مراد/جنت بغرفتي واكلب بالفيس وفجأه
لكيت فيديو الصديقي سامر كاتبين عليه حداد
ونعي /لك هاي شنوو شلون ياربي دخيلك
اتصلت عله صديقي ابراهيم الي ناشر الفيديو
الووو
ابراهيم/وعليكم السلام
مراد/ولك ابراهيم شنو هاذ فيديو سامر وحداد ومدري شنو اصاير
ابراهيم/ليش ماتدري؟
مراد/لاوالله شدري
ابراهيم/غير اتوفه بحادث
مراد/انصدمت وكلبي صار طبل وتوترت /كول غيرهة يمعود
ابراهيم/والله ياخويه حكمت ربك ..صدك شو مالكيتك بالفاتحه
مراد/يااخي والله مادري ليش ماكتولي
ابراهيم/والله مادري حسبالي عندك علم
مراد/مشكور هسه صار عندي علم...فيمالله
ابراهيم/الله وياك
.
مراد/هاي شنو اشجاي يصير ياربي كون يطلع حلم
توترت كلش وماعرفت شحجي كمت ع حيلي وهمسة/يارب كون حلم 😟بدلت ولبست بنطرون اسود وقميص احمر مخطط ردن نزلت واني خايف ومتوتر فتحت الباب وطلعت عالسريع
حسام/جنت كاعد بالصاله ولازم موبايلي وشفت مراد نزل ركض من الدرج وطلع عالسريع وهمست/ياستار شكو
مراد/صعدت بالسياره وطلعت عالشارع خليت ايدي عالجامه ورفعت شعري وكلبي يدك بسرعه همست/ليش سامر تعوفني وتمشي
مو وعدتني تبقه صاحبي ليش هسه عفتني ورحت 😢
وصلت البيت سامر دكيت الباب وطلعتلي بنيه زغيره
عمو صيحيلي بابا
البنيه/هسه
مراد/اجه ابو سامر وشفته الظيم حاله والدمعه بطرف عينه /الله يساعدك حجي
ابو سامر/شفت صديق سامر اجه رحت عليه حضنته وبقيت ابجي/ راح سامر راح وليدي
مراد/مكدرت الزم نفسي حضنته ونزلن دموعي
ابوسامر/مسحت دموعي /تفضل ابني
مراد/زاد فضلك حجي
كعدنه بالستقبال وبدينه نسولف بس ماحبيت اجيب طاري سامر كدامه خفت ليتأذه
حجي اريدك تعذرني قصرت وياك وما أديت الواجب بس جانت عندي ضروف مكدرت اجي
حقك عله راسي
ابو سامر/رديت بكل حزن/سالم راسك وليدي
سامر هواي جان يسولف بيك وكل مااكله وين رحت يكلي يم مراد:اااخ بويه عفتنه ورحت
مراد/خنكتني العبره ودمعن عيوني رحت يمه /كافي حجي لاتبجي هاذ امر الله واحنه مانكدر نعترض عله امره
وسامر بطل افتخر بي ضحه علمودك وعلمود امه كافي حجي عليك بداعت سامر لاتبجي
واني اعتبرني مثل ابنك شتريد اني حاظر كدامك بس لاتبجي
.
.
.كلش نقهرت عليه شلون رجال جبير وديبجي عله ابنه
أنت تقرأ
سرقوا حياتي
No Ficciónقصه حقيقيه وحزينه تتكلم عن شاب صارع كل الضروف حتى يتخلص من ظلم ابوه له ولكن كل شيء يخرج عن السيطره 👍❤.....
