قلبي من الزجاج

بارت سابع عشر

يسسعد صبـااحگ .، 🌸

_________>>
وتهدينا الحياة أضواء في آخر النفق
تدعونا كي ننسى ألماً عشناه ..💙
_________>>

شمس : هلو جدو تفضل

ابو محمد: هله بيج بنيتي امج موجودة

_ لا بلدوام ادخل... دخل جدو بلصالة

_جاي تقرين

_ ايي جدو عندي متحانات

_ تعالي كعدي

_ هسه جدو بس اجيبلك ماي

_ ميحتاج تعالي كعدي اريد احجي وياج

_ اوك جدو كول

_ شمس ميصير تعيشين وحدج

_ بس جدو ماما وياي

_ خلي اكمل كلامي بنيتي

_ اسفه جدو كمل

_ جدو لازم احد يعيش وياكم ميصير تبقون هيج لازم تزوجين ولا تكولين صغيرة وكدامي مستقبل لبعمرج عدها اثنين اطفال

_ جدو عادي اتزوج بس خلي اشوف مستقبلي وادخل جامعة وتدلل

_ لا بعد هواي للجامعة ودراسة متستفادين منها

_ جدو جاي تحجي صدك

_ بنيتي اطلب منج طلب وياريت مترفضية

_ كول جدو

_ اريد تزوجين ليث

_ بس ليث متزوج ومطلك شلون اتزوجة

_ عادي بنيتي

_ اني اسفه بس ليث مااتزوجة لو اموت

_ ليش

_ قراري نهائي جدو بدون ليش ارجوك

_ اوك لعد اختاري لو تبطلين من دراسة وتنازلين ع كل شي تملكية لعمامج لو تزوجين ليث

_ جدو اني بنت ابنك معقولة هيج تسوي بيه

_ اختاري

_ ضليت ابجي مااعرف شنو اكولة... جدو الله يخليك لتسوي هيج لتظلمني

_ اختاري شمس

_ اني مااكدر اترك دراستي

_ يعني موافقة تزوجين

_ جدو اني مااريد ازوج بس اريد اكمل دراستي

_ لعد اتنازلي كل شي تملكية لعمامج

_ بس اني شلون راح اعيش

_ ماشي لعد بعد اسبوعين زواجج حضري نفسج يله اني رايح

_ جدو شلون تحجي صدك وين رايح خلي احجي وياك

_ باي

_ طلع وسد الباب كعدت بلكاع ضليت صافنة حتى دموعي خلصت صفنت ع حياتي ليش اني هيج ليش معندي ام اسند عليها وليش الاحبة مو قريب عليه حتى يساعدني وكل العالم ضدي كلها صح واني الغلط