قلبي من الزجاج

البارت الاول

سلام عليكم... اليوم أبدا بقصة جديدة...(( قلبي من الزجاج))... بقلمي فاطمة الخالدي
.
.
.
اسمي شمس عمري 16 سنه الصف الرابع اعدادي من محافظه النجف وحيدة لاهلي بشرتي بيضه عيوني لون اخضر غامق شعري سرح لحد خصري

طولي 155 وزني 54 جسمي زين لاضعيفه ولا سمينن ماما مهندسه تشتغل بشركه بابا تاجر يشتغل بتركيا

عدنا شقه بتركيا كل عطله صيفيه نروح ويه بابا عندي 3 عمام و2 خوال وعمه و2 خالات عمتي عايشه بلبصرة وخالاتي وخوالي ببغداد

اني مدلله بابا اي شي اريدة يسوية وشنو احتاج بس اكوله يجيبه الي فاحب بابا كلش هواي
.
.
.
محمد: يمة اني احبها واريد ازوجها ليش توكفون بطريقي

ام محمد: وليدي متفيدك اذا هيه بنت شريفه متحجي وياك وتحبك

ــ اني اعرفها لبنيه شريفه واخلاق

ابو محمد: شنو هلصوت العالي بويه شكو

ــ تعال حجي شوف ابنك يحب وحدة بلكليه ويريد يزوجها

ــ هل حجي صحيح محمد

ــ ايي بويه اني احبها وهيه تحبني وواعدها بلزواج

ــ ليش احنا موديك للكليه تدرس لو تحبلك وتواعدلك وحدة وتجي

ــ بويه اني جبير واعرف شجاي اسوي

ــ الجبير ميكسر كلامي واني مو حاجز بنت عمك الك

ــ بويه بنت عمي مااتزوجها واريد ازوج لاحبها

ــ يعني تعاندنيتعاندني وتكسر بنت عمك لمنتظرتك لسه

ــ اني اتزوج لاحبها وغصبن على الكل

طلعت من بيت عصبي كلش وضايج اخذت سيارة ابويه وضليت افتر بشوارع النجف رحت لصحن الامام علي (ع) دخلت للصحن

ضليت بس ابجي ايي ابجي لان احبها تعرفون شنو شخص تحبه وكلها توكف ضدك صليت صلاة المغرب وضليت اقرة قران ارتاحيت

رجعت للبيت تلكاني اخويه علي (ابو ليث)

علي: ابويه وعمي يردوك

ــ ليش شكو

ــ شعرفني روح وشوفهم كاعدين بلصاله

ــ رحت للصاله لكيت ابويه وعمي.....سلام عليكم

الكل:  وعليكم السلامه

ــ ها حجي ردتني

ابو محمد: ايي بويه اني حجيت ويه عمك واجه حتى نتفق

ــ على شنو حجي خير

ــ على خطوبتك وان شاءالله الاسبوع الجاي العقد

ــ صدك يعني وافقت

العم: بويه احنا كم محمد عدنا اني انطيتك بنتي من انت صغير