يسسعد صبـااحگ .، 🌸
___________¶
اذا جرحك عشيره وفوكاهم الشيخ
انا جرحي يتامه ومالهم والي
___________¶
بقلمي فاطمة الخالدي
شمس: وصلنا لمطار بغداد ردت اروح لبيت جدو اهل امي بس ترددت لان لو تريدني مبقت لسه يمهم وصلنا للنجف بيت عمو ابو ليث بليل دخلني ليث لغرفتة وقفل الباب وطلع
ضليت ساكتة لان مليت وتعبت من حجي عرفت ناوي يمشيني ع قراراته ثاني يوم الصبح فتح الباب
ليث: كومي طلعي
ــ وين
ــ نريد نحجي وياج
ــ منو
ــ دكومي بدون حجي يله
ــ اوك… طلعت وياه اتجه لغرفة الضيوف (الستقبال)
ــ ليث منو هنا
ــ ولد عمتي وابويه
ــ ليش شعدهم جايين
ــ مو كتلج امشي بدون حجي
ــ بس انتظرني اللبس حجابي
ــ ليش مو شوكت تلبسين حجاب كدامهم
ــ مدخلك… سحبني من ايدي قبل لا اللبس ودخلني سلمت عليهم
خالد: بقية بحياتج خوية
ــ حياتك الباقية تسلم
ابو ليث: شمس شلونه سفرج تونستي
ــ ضليت صافنة عليه شنو اكوله
ليث: ها شو سكتي
ــ حمدلله عمو زين وتونست هواي
ــ ليش رجعتو
ــ احسن عمو
ــ لا كوليله ليش رجعنه خلي يسمع الكل ليش
ــ هاي شبيك ليث
جود: ليش شكو
ــ ياابن عمتي بنت خالك يمك واسئلها
ــ شكو شمس
ــ دنكت ضليت ابجي موقف كلش صعب… شتاقيت لريحة بابا ورجعنا
ــ اممم ايي خوية رجعنا لان متتحمل تبقه
ــ الله يصبرج
ــ تسلم خوية اني اترخص
ــ مرخوصة
ــ رحت للغرفة ضليت ابجي لان محتاجة بابا هواي دخل ليث للغرفة كمت من مكاني ضليت اضرب ع صدرة بكل قوتي
ليث: كافي دتوجعيني تخبلتي
ــ كلها منك انت موتت ابوية كلها منك
ــ دوخري
ــ شمرني للكاع حسيت ضهري نقسم من الام … عود انت تحبني وهيج تسوي اذا متحبني شسوي
ــ ايي هو هذا لموتني كلبي يحبج بس انتي متحسين دتموتيني بعنادج انتي وافقي تزوجيني واني اعيشج ملكة
أنت تقرأ
قلبي من الزجاج
Ficción Generalالقصه حقيقية ... اسفه بنيتي بعدت عنج _ بعدت عنها..... انتي شجاي تحجين منو انتي اصلا ــ اني امج _تفاجأت واباوعلها وارجع خطوات لورة وابجي صح جنت احلم اشوف امي واحضنها واعيش وياها بس من شفتها تذكرت كلامها مثل كابوس مر عليه... انتي مو بنتي... مااحبه...
