قلبي من الزجاج

البارت الثامن

مسااء الخيّر أتمنّى فيه أن تكون أرواحكم مشرقة أكثر من الشمس
⭐⭐⭐⭐⭐⭐⭐⭐⭐⭐
بقلمي فاطمة الخالدي
شمس: رجعت للبيت صعدت للغرفه وقفلت الباب ضليت صافنه معقولة هيج يسوي معقولة كل لعشناه حلم وبسهولة يتركني ويجذب عليه بحبه ضليت اكسر شنو شي كدامي واصيح بعلات صوتي

مووتووني مووتووني دمرتووو حياتي ليش لييش … بابا يدك بلباب كسرت الجام مالت الغرفه اديه صارت كلها دم بابا كسر الباب ودخل

ــ شمس شجاي تسوين ليش هيج

ــ بابا ابوس ايدك مووتني وارحمني ارييد ارتاح عفيه مااريد اعيش… اخذني لحضنه

ــ كافي يروحي والله حتنسيه وداعتج تنسيه ويصير ذكره بس

ــ لزمت ايد بابا… بابا ساعدني ونهاريت بلبجي

ــ اشوستي انتي قوية انسيه لخاطري يعني انتي تردين تموتني هيج

ــ بابا لتكول هيج لخاطري

ــ صيري قوية وحاربي الحياة لان الحياة مو لشخص ضعيف

ــ ماشي… قررت من اليوم اغير حياتي وشخصيتي واصير انسانه ثانية وانسه كل شي
.
.
.
.
شمس: صرت انسانه ثانيه غيرت لبسي وصرت قويه ومااسكت عن حقي باي شي صار عندي صديقات واصدقاء ونطلع سفرات وونسه

اخر يوم الامتحانات خلصت امتحان طلعنا اني واصدقائي طيبة والق وزيد وسامر رحنا للمطعم دناكل اشوف احد كاعد بباب المطعم شخص شايفته بس وين مااعرف كاعد وحدة وحالته تقهر شكلة فقير

استأذنت منهم ورحت يمه… هلو ممكن اكعد

ــ اختي ممحتاج مساعدة

ــ اوك بس عادي اتعرف عليك

ــ تفضلي

ــ شنو اسمك وليش هيج حالتك

مصطفى : اني مصطفى وقبل اسبوع اهلي وزوجتي وابني سوو حادث وتوفو

ــ ضليت صافنه عليه ايي هووه نفسه هووه مصطفى
ــ انتي شنو اسمج

ــ اني شمس… ضل يباوع بعيوني ومصدوم… هههههه لاتنصدم اي اني شمس لحبتك وضحت بحياتها ع مودك بس انت متقدر بس صراحه عجبتني حالتك واكولك لمرة ثانيه الف مبروك الزواج بااي

طلعنا من مطعم رحنا اني وزيد للمول اشتريت اشياء محتاجتها ورجعت للبيت لكيت عمو ابو ليث وعمي ابو عمر وعمر موجودين سلمت عليهم وصعدت دخلت للحمام وغيرت ملابسي كعدت اتصفح بلتلفون اجه بابا

محمد:  شموستي ممكن ادخل

ــ ايي بابا تفضل

ــ شلونج

ــ حمدلله زينه انت شلونك

ــ حمدلله حياتي عمامج اجو يطلبون ايدج لعمر