ضغوطات الحياة ( روايات ليبية )

حلقة 8🔥

الحلقة الثامنة ضغوطات الحياة
ناضت ندى في الصبح
ندى:-حبيبي
مالقتش حسن قاعد
صبت ندى ادور في حسن مالقتش ندى:-ههه شكله مشى للشغل حبيبي ياخيا
فتحت الدولاب بتاخض ديشنمبر
ندى:-😳😳وينه هذا !!وين دبشه!!
البست الديشمبر وعدت تجري شور التليفون الارضي رنت عليه لقت تليفونه قاعد
ندى:-وين عدهه هذا وينهه ياربي ساعدني راهو يكون هربب
شن اندير في روحي بعدها وشن اندير بفضيحتي حامل بالحرام 💔
ياربي ارجوكك ماتنهينيش هك ياربي ساعدني
  
 
____________
عندنا نحن
انا:-هلك مزلتي تحكيلهم
ماما:-شن بندير في النهاية بكل هلي وتحمليهم بيتغدوا عندنا
انا:-اوففف
  
عند رنا والبنات
رنا تبكي
سلسبيل:-نرنوش خلاص سادكك بكيتي واجد
رنا:-تعبانة ياسلسسبيل مريضهه بكلل
سلسبيل:-ربي يكسر يديه الي دار فيكن هك خلاص حبيبتي عيونك انتفخن من البكى
رنا:-نبي نفهم حاجة وحدة وخاطري السؤال هذا يجاوبوني عليه نحن بناته ليش يعامل فينا بالشكل هذا ويضحك علينا في الناس ليش ترا!!
سلسبيل:-خلاص رنا انا هنسيبك لين تهدي شكلك تعبانة بكلل
رنا:-كلهم يتهربوا ومايبوش يسمعوني ياربي شكلي نفختلكم راسي عدي خلاص
سلسبيل:-مش هكي
رنا:-خلاص ياسلسبيل فهمتك عدي خلاص
ناضت فرح
فرح:-رنا كنك!!
رنا:-شي بس مضايقة
فرح:-منو هذي
رنا:-مرات خالي
فرح:-قصدك عيت جدك جووكم !!
رنا:-اها 💔
فرح:-باهي نلبس وشاحي ونجي
رنا:-مافيش حد جدتي ومرات خالي بس
فرح:-باهي كويس احكيلي يارنا
رنا:-فرح ساعديني
فرح قعظت اتدمع ووجعها حالة رنا:-لو نقدر انساعدك اندير الي عليا عشان معش انخلي دموعك الجميلات ينزلن
رنا:-نبي نسمع صوت خالد ونطمنه عليا
فرح:-برايك هيسامحك خالد!!
رنا:-ارجوكك عطيني انكلمه ولي يديره يديرهه
فرح:-خلاص امسكي انا هنطلع ونسيبك بروحك
رنا:-لا خليك
فرح:-به
رنا رنت على خالد ومابش يرد
وردنت اخرهه المرهه الاخيره رد
خالد:-الو؟!
رنا:-خالد 😢
خالد:-منوو
رنا تبكي:-معقولة ماعرفتنيش 💔
خالد:-لا واللهِ
رنا:-معقولة من كثرة البنات معش تعرفني
خالد:-منوو!!
رنا:-رنا
خالد صكر الخط طول
رنا قعدت تبكي
فرح:-شن صار
رنا:-اهههههههه ياربيي
فرح:-رنا بحتي فيا شن قالك
رنا:-صكر عليا
فرح:-قتلك انا
  
________
نردوا السنتين قدام
رنا كانت اتحب واحد اسمه هله كويسيه حالتهم عنده ثلاث خوت واختين ودكتور بشري جراحة
كان يعشق رنا الدرجة مستحيل يبحت في بنت غيرها
رنا ماكنتش تحبهه في البداية
وبعدين حباتههه وقلتله هيا انه اتحبهه وهو صرحها بعدها وقعد جوهم تمام بكلل وبعدين عارفين رنا حالتها لا عندها تليفون لا شي وكل مرة رانه عليه بشفرة
وكان ديما يتحمل فيها وعارف بوها شن بالزبط بس من كثر مايحبها مايشوفش في عيوبها ولا عيوب هلها
دزتله رسالة كتبتله فيها (انا مانحبكش ولا نبيك وسيبني وحل من عليا ولو ماتسيبنيش يقعد معايا معاك موضوع ثاني)
خالد في الايام هذينا نهار وحالته حالة وياما صار فيه وقللها عطيني السبب وبس تخلت عليه ومابتش تعطيه اي تبرير قللها انا راضي بيك حتى ناخضك بعد اربعين سنة عادي وبرض مابتش اتعدل عليه وسيباته وطبعاً هذا كله مش من قلبها لكن خوفاً من هلها وحطاته بلوك خالد قعد يدير في شفرات ويرن عليها وبرض كل مايقوللها انا خالد تسكر في وجه لعند اخر لحظة دزلها منورههه ومن يومها خالد كل ماترن عليه رنا وتقوله انا متعذبة وتعال اخطبني وخلصني من الي انا فيه مايردش عليها وباعها زي ماهيا بعاته ودار زي مادارت ومن يومها معش حلمت حتى يدوي معاها
  
__________
نردوا
فرح:-باهي دزيله رسالة
رنا:-تحكي جد واللهِ
فرح:-رناا فكيني من عنادك وجو الكرامة هذا هي دزي
رنا:-هو مابينيش خلاص عليش اندور فيه
فرح:-دزي يارنا ماتضيعيش الفرصة هذي من يدك
رنا:-به
دزت رنا
(خالد انا كل الي درته عشان مصلحتيي ومصلحتك عاطيني فرصة ونوعدك اني مستحيل نخذلك مرهه ثانية )
دزت رنا الرسالة وخايفة
طولت هيا وفرح يفتحن موضوع ويسكرن موضوع وخالد ماردش
رنا:-صبي شكله مش صاير منه
فرح:-رنا اهوههه دزز
رنا:-تحكي جديات
فرح:-اقسم بالله
رنا فتحت الرسالة
لقاته كتبلها
(مش هنرد بنجي نخطبك من هلك موافقة تم مش موافقة كل واحد يعدي في طريق )
فرح:-قولي موافقة وتريحي من عذاب باتك قولي ياغبية
رنا:-مستحيلل
فرح:قولي ماتنرفزينيش
(انت الي اتشوفهه مناسب انا موافقة )
فرح:-براذوو عليك 😍
رن عليها طول
رنا:-حبيبي
خالد:-غلايا رايفتلك
رنا:-حتى انا مش غير رايفتلك ياعمري
خالد:-نحبكككك ياغلايا
رنا:-حتى انا بس امتر بتجي البابا!!
خالد:-انا مستعد من بكرا ندوي مع باتك عطيني مكان عمله وبس
رنا:-مايشتغلش بابا
خالد:-اممم باهي ديري اي حل
رنا:-خلي باتك يدوي ويسأله وديروحهه يسأله ديروحه يخطب الولده ويدور على بنت كويسة والجو يمشي تمام عدي الكافي ... تلقاه ديما قاعد غادي
خالد:-تم ياقلبي توا صكري انكلمك بعدين مشغول
رنا:-تمام
خالد:-نحبك
رنا:-ونموتت فيكك 😍😍
سكرت
فرح:-ووووههه واخيراً
رنا:-الله عليك جووو بس كيف يهون عليا انسيب ماما والبنات مع المجرم هذا
فرح:-رنا اسمعييني كويس الله غالب هذي سنت الحياة وكل واحد ياخض نصيبه وانتي بوجودك ولا بلاه مستحيل باتك يتغير وكلنا عارفين
رنا:-اوففففف
فرح :-خلاص فكيني مت الافافه كل شي تمام توا فكري في جوك 😂😂😂واسمعي التليفون خليه معاك
رنا:-فرح من جدك انتي
فرح:-تي يابنتي عندي نقالين انا هذا اصلاً نستخدمش فيه واجد وحاطه فيه الشفرة الثانية خليه عندك ووقت اتجيبي ناخضه منك نحن صاحبات كنك
رنا اضبطت فرح
رنا:-انعني مانفقدك ياعمري
فرح:-امين كان مانصبوش البعضنا من بيصبيلنا يابختي
رنا:-نحبككك 😍😂
فرح:-قلبي انتي والله حتى انا 😍
______________
  
عند ندى ""
تبكي على سرير وحالتها حالة ومش لاقية حد تتصل بيه ونقال حسن قاعد
ندى خطرتلها انه تاخض تفتح تليفون حسن وترن على واكد من اصحابه
ندى مقصقصة على كلمة سر حسن من قبل فتحاته
ولقت اول رقم رنت عليه الي هو رقم غريب رنت وخلاص
  
رنت في البداية طول مش رد الرقم
ندى:-الو!!
طبعاً ردت عليها بنت
البنت:-حسن !
ندى:-انتي من !!
البنت:-انتي الي من
ندى:-انا واللهِ مراته ياحبي
البنت:-وعارفتيني انا من !!
ندى:-ههه من
البنت:-انا ياماما حبيبته وحب من سنين
ندى رقتلها :-هههههه ضحكتيني والله شن جيب حبيبته لمراته وام اعياله
البنت:-شن تحكي انتي تي عدي انتحري حبيبتي معروفة انا الحسن وحسن ليا وسادك كذب هي وجك
ندى:-وكان نكذب كان مارديت عليك انا توا
البنت:-انتي قديشك مضحكة 😂😂😂
ندى:-مضحكة عينك هذي انتي ياحبيبة اممك
البنت:-انتي البنت الرخيصة الي هرب معاها ولا نقولك الي ماتسوهه فرنكك يلي باعت روحها ولا !!
ندى:-صقعع عليكك ياماما مصمصي فمك بالزهر ببل ماتحكي عليا
البنت:-بالله عليك اين زهر الي نمصمصه تي انتي ذنوبك بروحهن مايمصمصهن زهر
ندى:-لا سمطتيها انتي وبزيادة
البنت:-غير عدي شوفي حسن وين يامضحكة قبل ماتحكي هي باي
البنت:-وراس امكك ردي وراس امكك وينه !!
البنت:-كم تعطيني فيها 😂😌
البنت:-الي تبيهه بس وينهه حلفتك براس امك
البنت:-يابنتي انتي قديشك مسكينة وهبلة حسن يافالحة هرب وهذا كله اوامري عشان انا قلتله يمشي من عندك وبسرعة لأنه نحن الاثنين نحبوا بعضنا وهو حمالي قصتك من بدايتها النهايتها يارخيصة وانتي عارفة حسن هذا الي تجري في جرته انا انقوله اركع على كرعيا يركع صدقيني هي توا مش فاضيا الوحدين زيكك
ندى:-انتي الرخيصة ياروح امك
صكرت في وجها
ندى طاحت على وطا وقعدت تبكي وتخبط على وطا
  
________________
     
عند عمر
عمر:-انت شنو ماعندكش ضمير انت شن اتحس ياراجل
حسن:-عمر لو سمحت انا البنت مانحبهش ولا نبيها اصلاً
عمر:-ماتحبهش ليش هربت معاها ها ياتافهه ياصايععع
حسن:-والله انا مضايق بروحي وراس امككك ياعمر
احمد:-اسمع انت واسمعني زين في كل حرف انقولهه
حسن:-شنوو !!
احمد:-مش البنت حامل
عمر:-حامل 😳!!
حسن:-حي على امك ياحسن
عمر:-انت عارف انه هذا كلام كبير
حسن:-شن بندير انت عرفني انسان مانقدرش انشوف بنت قدامي الا و
عمر:-الا وشنو انت ترضاها في خواتك الكلام الي اتقول فيه !ها اتقول انه الله غالب  اصلاً مانقدرش انشوف بنت قدامي الا اندير الشي وغصبن عنها
حسن:-مش غصبن عنها برضاها
احمد:-البنت هذي ياعمر اصلاً مانعرفهش بس شلتها نعرفها كويس صاح بنت صغيرة بس شلششش بكلل اتحقهن كأنك اتحق شياطين قدامك بنات بكلل ماديات
عمر:-صكر فمك انت اسمعني انت زين وافتحلي ادماغك البنت الي سيبتها وهيا في بكنها طفل مش ذنبه شي اتردلها وتجوزها وتمشي وتحكي الهلها على صار
حسن:-ياراجل انت تحكي في حاجة مستحيلة هلها يقتلوها ويقتلوني انت مجنون انا مش مستعد انخاطر بنفسي بنهرب المصر ونريح راسي وبعد كم مدهه بلكي تنساني وخلاص معش  دخلني ونخطب زينب
عمر صفقله:-مشالله الله واكبر عليك شوف هنا كلمتين باتمشي اترد للبنت وتجوزها وتخليها اتجيب العيل هذا على خير وتريحنا من مشاكلك يااما معش نبي انشوفك لا صاحبي ولا نعرفك
وعدهه عمر
حسن:-عمر كنه هك يااحمد
احمد:-عمر هك ننا برايي ديما مع عمر دير زي ماقالك عمر
حسن:-بس
احمد:-لا بس لا خس انتهى الموضوع امشي توا رد
حسن:-تمام عندوا وديروا الي في روسكم لكن البنت هذي مش هنستمر معاها هتجيب ونسيبها
احمد:- لا حول الله اهم شي اثبت الهلها انك اجوزتها
حسن:-هلها مانبيش انشوفهم انا توا نحصلها مكان اتعيش فيه هيا وولدها وكان تبي اترد الهلها اترد مادخلنيش بيها تربح
احمد:-واللهِ عيب عليك اتخرب في مستقبل بنت صغيرة
حسن:-حرام على يسرق ولي يكذب انا ماقلتلهش امشي معايا غصب هيا مشت بأرادتها هي السلام عليكم
احمد:-لا حول الله يعني بنفهم منك ماشيلها توا !!
حسن:-ها مش تبوا هكي انتوا
وعداا
____________
 
عندنا نحن
جوا الجيران يطمنوا علينا اليوم وتهاني جارتنا حقت عيت جدي وقعدت اتقصقص اتشوف في ندى
تهاني:-يابتي وين ندى معقولة ماتجيش تطمن على خواتها
انا وماما انبحتوا في بعضنا وجدتي خافت وطبعاً كلنا سكتنا
سلسبيل:-اها ندى كلمت امس البنات وطمنت عليهن وعندها امتحانين واعرات اليوم ونوران قلتلها ماتجيش مافيش داعي
انا:-اها ايوهه
تهاني قربت من وداد
تهاني:-القصة غامضة شويا
وداد:-غير اسكتي ياتهاني وين بتكون البنت يعني !!
تهاني:-الله واعلم نرات البنت تطفش من بوهم
وداد:-خلاص ياتهاني شككتيني حتى في روحي شنو هذا وشن انتي تحسابي روحك تحكي على حاجة ساهلة انتي تحشمي واسكتي
تهاني:-بهه وكان ماطلع كلامي صاح تعالي قابليني باهي
وداد:-والله انك فاضية
ماما:-ها ياصبايا هدرزن احكن
تهاني:-هيا ندى سنة كم
وداد:-حي لما تلصقي
ماما:-ثانية اعدادي انا ماشية اندير قهوة
وعدت ماما
تهاني:-بنات بكرا خلنها اتجي خيتكن ندى بنهدرز معاها شويا
وداد:-خلاص تحشمي
رنا:-الايام هذين مش فاضيا غير مرهه
تهاني:-مش تسلحوني عيد
بيسان:-لا حاضر ياعميمة تهاني 😏
رنا:-انا ماشيا الماما
فريحة:-غالية
غالية:-نعم
فريحة:-جوهم مش عجبني هما شكلها ندى صيرتلها حاجة
غالية:-اها حسيتهم
  
......
رنا:-ماما
ماما:-عليك فضايح اختك
رنا:-هذا الي جايا ندويلك عليه شن بنديروا ياماما
ماما:-شن بنديروا مثلاً نحن مفضوحين مفضوحين
رنا:-الله غالب وسمعتي هذي
ماما:-شنو هي بشري
رنا:-تهاني خذي مش ساهلة قالت خاطري نشوفها ندى بكرا قوللها اتجي
ماما:-وكيف رقعتنه الموضوع انشالله !!
رنا:-يلا قنالها يوم اخرهه وخلاص
ماما:-عليك فضيحة سودههه
رنا:-شوهتنا حتر نحن اقسم بالله
ماما قعمزت على درجة المطبخ وقعدت تبكي لين بطلت ورنا قعدت اتسكت فيها
انا جيتهم نمشي ماحوتك مانمشي
انا:مش كنك !!
رنا:-تبكي عشان ندى
انا:-ندى هذي ماتستاهلش حتى دمعة من عيونك خلاص حبيبتي
ماما:-مش على ندى على صبايا هذينا
انا:-عادي رقعناهه الموضوع
ماما:-هيكشوفنهه يكشوفنعع
انا:-لا انشالله خير
رنا:-ماما معاها حق عاجلاً ام اجلاً يعني
ماما قعدت تبكي ونا انسكت فيها والبنات وجدتي ومرات خالي يزازن بالصبايا برا
  
_______________
  
عند ندى مقعمزة على وطا وضاربة النكد وتبكي
دق عليها الباب
ندى:-منووو
حسن:-حليي
ندى فرحت وفتحت لقاته رقيله
ندى:-وينك صاح كنت تبي تسيبني وتعدي
حسن:-هنا كلمتين ياانسة ندى العيل هذا اطيحيه فاهمة تبي ولا ماتبي العيل هذا معش نبيهه
ندى:-انموت مانطيحه فاهم
حسن:-انتي فارخة امشي شوفي مستقبلك على حالي وحلي من وجهي مليت منك ومن عفنككك ياطفلة انتي بيبي الي زيك يلعبوا في الشوارع ياضايعة انتي كيف بتربي طفل ترا قولي كيف وانتي حتى الاعدادي ماكملتي ترا احكي
ندى قعدت تبكي ووعتها روحها:-انت الي خليتني معش قعدت طفلة انت الي خليتني انربي عيال ونجيبهم انت الي حاولت تلمسني وغصبن عني مش انت هذا كله درتههه مش ذنبي انا
حسن:-ياربي انا شن درت في روحي انا نادم وشام الجيفة لأني عرفتك
ندى:-معش ينفع الندم هتجوزني وهنجيبه العيل هذا فاهم
حسن:-ترا حولي من قدام خلقتي احسن مانعطيك طريحة ماتنوضي منها
ندى:-حسن امتى بتفكنا من النكد هذا انت لما وعدتني قتلي مش هنسيبك انا تخليت على هلي وقرايتي وكل حاجة عشانك
حسن:-اسمعيني كويس انا بكرا بنقرا الفاتحة وخلاص فاهمة
ندى:-ماتبيش اندير فرح !!
حسن:-احلفى ترا كلا انتي اتقولي في حاجة مستحيلة احمدي ربك انه اجوزتك انه مش انديرلك فرح
ندى:-تعال بس كيف مش من حقي نفرح كيف البنات هيا ليلة من العمر حرام يعني
حسن:-اطلعي من راسي خيرلك والله ننصحك يعني ماتخليش الجنون يطلعن عليك
ندى تبكي:-انت ليش اتعامل فيا وكأنه الغلطة غلطتي مش غلطتك انت بس
حسن:-وانتي اتمحقني في فرق بينك وبين البنات الي تحكي عليهن انتي هاربة معايا وحامل اخرهههه وتبي فرح اخرههه سمحة هذي حولي من وجي ترا وديريلي غداء مسقمم مش بطاطا واتية وتقليها وخلاص
عدا حسن وندى قعدت تبكي
  
  
________________
  
عند عمر في الجامعة
غالية:-دكتور دكتور
عمر:-تفضلي
غالية:-عليش شن كنت تبي في رقم اسراء ونوران امس
عمر:-انا مش فاضي ورايا محاضرة
غالية:-باهي بنقولك شي اسمعني وعدي
عمر:-هيا بسرعة احكي
غالية:-دكتور انا معجبة بيك وحبيت نعترفلك لأني حسيتك حتى انت اتحبتي 😍
عمر:-انا مانحبش نحكي في المواضيع هذينا لوسمحتي يعني اشقي بقرايتك
وعدا عمر وغالية قعدت اتخبط
احمد:-شن تبي منك العبيطة هذي !!
عمر:-متخلفهه فوتها المهم انت تبي شي انا ورايا مخاضرة
احمد:-سلامتك يالطير
  
  
______________
 
بعد اربع ايام بالزبط 👌
نحكيلكم مختصر اربع ايام روحت عميمة فريحة من عندنا وجوا هل خالد وطلبوا رنا وبابا وافق وماما فرحانة على انهم عرب مشالله عليهم
وندى قروا فتحتها
وبيسان وليلى طلعوهن على صاحب بابا وشافهن وعجبانه ليلى وليلى نازلة فيها بكى صبح ليل نهار وبيسان فرحانة
انا كالعادة مالهه ونحس روحي مخنوقة وعمر معش رن عليا انجرب فيه ليا كم يوم معش رد عليا
وهبة دوت العمر وعمر اقتنع بكلامها وعطاها فرصة انه يرد عليها
واحمد يعزق في نظرات الاسراء صحبتي واسراء عاجبها بكلل وغالية وفرج على علاقة
واختي ليلى جوا خوات صاحب بابا وباين عليهم عرب خواجات وهنا طيبات بكل ويخشن للقلب وينحبن
وبيقروا الفاتحة بسرعة وبيطلعوا الفرح
محمد خويا من اول ماكلماته ندى وهو مضايق وحالته حالة وياما صاير فيه 💔ولا يشتغل لا شي
  
 
_______________
  
انا قاعدة مكسدة
انا:-توا اتشوف ياعمر
قعدت انرن عليه رد عليا
عمر:-هههه كنكك!!
انا:-معقولة اربع ايام رنيت عليك ماتردش 😒
عمر:-اسف اهو رديت توا
انا:-باهي بنسأل عليك
عمر:-ترا عيني في عينك احكي احكي شن بتقولي
انا:-مانبي انقول شي شن بنقول يعني !!
عمر:-ههههه بطلي كذب
باهي اسمعي
انا:-نعم
عمر:-الحق انا معجب بيك وواجد اخرهه
انا:-تحكي جديات
عمر:-لا انبصر شن رايك
انا:-مستحيل انت عمر انت اتبصر اطيح فيا
عمر:-مانطيحش فيك كنك هكي انتي
انا:-ههههه والله حتى مشغولة عليك ورنيت عليك وبنقولك نفس الكلام
عمر:-تحكي جديات
انا:-اقسم بالله
عمر:-ههه باهي اسمعي شويا ورني عليا
انا:-بهه توا نرن عليك بنقال رنا
عمر:-تم 
انا:-نحبكك 😔😍
عمر:- نعشقك ❤
سكرت انا وقعدت نعيط وحكيت للبنات والبنات فرحن بكلل
انا:-مش قتلكن الحياة هيجي يوم وتنفتح في وجنا
ليلى:-بس انا لا
انا:-ليش لا واالن خواته يهبلنن بكل وكويسات واناي قلتي شكله راجل مش زي بابا
ليلى:-بس يدخن واكيدهه حاجات اخره
انا:-وشن عرفك عادي حتى احمد صاحب عمر مشالله عليه ويدخن
ليلى:-مش كلهم زي بعضهم
انا:-اوفف خلاص ياليلى وانتي شن عرفك مرات مايصيرش
ليلى:-لا هيصير
انا:-خلاص يالولي ❤
ليلى:-انتي فرحانة ولي تبيه خضيتيه لكن انا لا صاح
انا:-انتي مافيش منك فايدهه اقسم بالله
وعديت وسيبتها
بيسان:-رايفت العبدالسلام
رنا:-خلودتي
خالد:-اهلين ياحبي
رنا:-حبيبي شنجوك ❤
خالد:-الحمدالله كويس وانتي ياعمري
رنا:-انت كويس انا كويسة اكيدهه
خالد:-نعليا
رنا:-قررتوا امتى الدفع انت وامك
خالد:-ههه كنك مستعجلة
رنا:-مستعجلة ونص
خالد:-قلنا الخميس الجاي نتفقوا مع باتك بس
رنا:-كويسس بكلل
خالد:-نحبكك 😍❤
رنا:-نعشقكك
خالد:-هي تبي حاجة عندي مريض توا
رنا:-سلامتك غير ماتحكيش معاهن الممرضات
خالد:-غير وسعي بالك 😂😂
رنا:-خالد
خالد:-خلاص حاصر انا مانشوفش في غيركك اصلاً
رنا:-نعليا 😍💕
خالد:-باي
رنا:-اوكي
سكرت رنا فرحانة
ونا خضيت تليفون رنا ورنيت على عمر
عمر:-من
انا:-بطل سماطهه
عمر:-ههههه شنجوكك
انا:-تمام نفس جوكك
عمر:-من قالك انا تمام
انا:-عليش مضايقتك
عمر:-انبصر كنك
انا:-باهي شن نحكواا ؟!
عمر:-احكي انتي
انا:-مثلاً احكيلي على روحك شويا
عمر:-اها به
انا عرفتيني عيد انقري في السمستر الثاني عندي امي عايش معاها بس باتي متوفي
انا:-الله ماعندكش خوات وخوت
عمر:-لالا ماعنديش
انا:-اها
عمر:-وانتي
انا:-انا بابا وماما عايشين الحمدالله بابا مايشتغلش وماما تشتغل متخرجة من معهد عالي معلمات وتقري في رياضيات ودايره تقويات وهكِ وعندي خمس خوات ونا السادسة وخويا واحد
عمر:-مشالله باهي خوتك كم مواليدهم !!
انا:-انا اكبر وحدة بعدي رنا م 97 وبعدها عندي خويا محمد م 99 وعندي بيسان اختي 2001 وليلى 2002 وسارة 2009
عمر:-مشالله كنك ملخبطة انتي اربع خوات وانتي الخامسة يازهايمر
انا:-اها صاح نسيت ندى م 2004
عمر شرق كان يشرب في اميهه
انا:-كنكك !!
عمر:-اختك في اين مدرسة تقرا
انا:-قصدك كلهن
عمر:-ندى!!
انا:-في مدرسة .......
عمر:-وينها ندى توا
انا بديت نرعش وقلبي يدق بسرعة:-كنك تسأل عليها
عمر:-لا شي بس نسأل
انا:-قاعدة
عمر:-اهها قاعدة
انا:-كنكك !!
عمر:-لا شي شويا ونرد عليك
انا:-تمام يابيبي ❤
وسكر ولا قالي شي
انا قعدت خايفة
بيسان:-كنهه وجهك انصفر بعد كلمتيهه
انا:-شكله يعرف ندى
بيسان:-بسم الله من وين يعرفها هل منحطهه
انا:-صوتهه لما سمع اسمها تغبر ومن دونكن كلكن سألني عليها هيا وقالي وين تقرا ووين قاعدة توا شن تفهمي منها!!
بيسان:-اختك شكلها سمعتها رايحة
انا:-راحت من زمان اصلاً
بيسان:-باهي احكيله وخلاص
انا:-تحكي من جدكك انتي ولا شنو ترااا !!!!!!اختك فضيحة سودهه حتى رنا ماحكتهش لي خطيبها الي هو خطيبها
انا:-بس انا خايفة نكذب عليه وبعدين شكله عارف حاجة 💔💔💔💔💔
و قعدت نبكي 😭💔
بيسان:-غير اهدي بس
انا:-نبي انرن عليه
بيسان:-ماتسكنيش يابنتي كنكك!!
انا:-لا شكله يعرف حاجة بنكلمهه
بيسان:-خليه يرن عليك بس
  
____________
 
عند عمر
وحه انصفر وتغير
احمد:-عمر كنكك ؟!
عمر:-اطلعت اختها
احمد:-من الي اطلعت اختها
عمر:-ندى اسمها صاحبت حسن الي هربت معاه صاح
احمد:-اها كنها !!
عمر:-اخت نوران
احمد:-شن تحكي انت ياراجل
من جدكك
عمر:-مش عارف
احمد:-تهيالك بس يمكن تشابه في الاسماء
عمر:-نفس المدرسة ونفس المواليد ونفس الاسم ولما دويتلها عليها قعدت ترعش وفي البداية مابتش اتضمها مع وحدة من خواتها
احمد:-مشكلة هذي
عمر:-اكيدهه تبيش تحكيلي تحسابني انسيبها
احمد:-اكيدههه مافيش بنت تحكي على اختها وتقول عليها هاربة في النهاية بكل انت من اصلاً وبرايي معش ترن عليها
عمر:-شن ذنبها هيا
احمد:-فوتها بوها واحد بكل يقولوا الشباب وامك مش هتوافق
عمر:-لو بينا مليون حاجز انا نحبها وبناخضها
احمد:-لا حزل الله حشم البنت معاك وبعدين امك هترفض
عمر:-مش هنخليها ترفض
احمد:-ياراجل فوت امها وخلاص
عمر صبهه من احدا احمد وطلعع
  
_____________
 
عند ندى فرحانة وواطيب في الغداء
وبكرا عندها امتحانات مدرسة
حسن:-هيا جعان امتى يطيب الغداء
ندى:-مزال نص ساعة
حسن:-واجدد نص ساعة ياندى
ندى:-شن بندير
حسن:-باهي تعالي حليلي التلفزيون
ندى:-صبي بروحك
حسن:-متعلمتيها جديدة هذي تعالي حلي التلفزيون خير ما نصبي انكسرك
ندى:-تنبالل
حسن:-لا تنبال لا عينككك
فتحت التلفزيون وخشت للدار تقرا
_________________