الحلقة السادسة
ضغوطات الحياة
عند ندى
ندى قاعدة مقعمزة على تلفزيون وتبكي وشامه الجيفة على يوم الي عدت وسيبتنا فيه 💔
ندى:-حسن نوض خلاص بنضم الحوش
حسن:-عدي خطي وجهي بنرقد
ندى:-خلاص ياحسن عيد صبي امشي للشغل سادك نوم
حسن:-تي انا مش مستحق شغل بفلوسي نقدر نبيعك ونشريك
وعده وسيبها
ندى يزيد يطمع فيها بالكلام هذا
ندى:-حسن !!
حسن:-خطيني حتى هنا لحقتيني
ندى:-باهي بنسألك
حسن:-احكي
ندى:-انا مش هنكمل قرايا !!
حسن:-شن تبي فيها القرايا !!
ندى:-حسن على اقل انكمل ثالثة اعدادي ونخش معهد متوسط
حسن:-بتكملي قرايتك انتي!!
ندى:-اها ياريت
حسن:-خلاص توا نسجلك تنسيب تمتحني اصلاً السنة قربت تنتهي
ندى:-تحكي جديات
حسن:-اها وثالثة تقريها في مصر
ندى باست حسن:-نحبككك
حسن:-باهي عدي ضمي
عدت ندى ضمت الحوش وهيا فرحانة مع انها مش من عدتها انها اتضم لكن راحت توا اتضم وتسمع في كلام حسن وادير الي يبيه عشان مايرميهش
_______________
عندنا نحن
قاعدين نفطروا نحن والبنات وماما ومعانا بابا
انا:-بابا مش هنكملوا قرايا يعني نحن 😢
بابا بحت فيا وفنص تفنيصة:-امشي من قدام وجهِ على اقل احمدي ربك ماقتلتكش انا مش تقوليلي انكمل قرايا
ماما ساكتة وماتحكيش في ولا كلمة انا بحتت فيها وصبيت
بابا:-ليلى وبيسان اقعدن
ليليى وبيسان:-نعم!!
بابا:-عدي يافرخة رنا مع اختك خطي وجه
صبت رنا ومابتش تحكي ولا كلمة
وطبعاً سارة راقدة
بابا:-عندي صاحبي مشالله عليه يدور على عروسة اتكون صغيرة وهو عنده خمس اعيال ومواليد ال 52 ويدور على وحكة تربيله عياله وتقعد بنت ناس وعالم طبعاً بعد فضيحة اختكن معش قعدتن بنات ناس وعالم
ماما:-يعني نفهم منك بترمي بناتي عند هذا !!
بابا:-شن رايك اماله بيقعدن هنا قدام وجهِ انا قلتها لكِ اي حد يجي انشالله بنقلهه نعطيه البناتك لأنه من بيرضهه بيهن بعد فضيحة اختهن
ماما:-انت شنو ياراجل شنو انت بترمي بناتي عند واحد اكيدهه بيكون نفس اخلاقك واسلوبك البايخ
بابا:-اسمعي ياولية التزمي حدودك معايا خير اقسم بدين الله انصبيلك
ماما انهدت وخافت
بيسان:-انا مستحيل نرضهه بي واحد مش كبر باتي بس كبر جدي اخرهه
بابا:-توافقي وغصبن عنك اندور غير في رايك انا يالشكل لمعفن
بيسان:-انا مادخلنيش
بابا:-اسمعيني هنا انتي وياها الي تعجبه وحدة فيكن ياخضها مافيش مناقشة كلا رايك انتي وياك ماندورش فيه انا وصبن من قدام خلقتي
ليلى:-حراممم عليكك نحن شن درنالك مش هكِ اتعاملنا ترا نحن مانستاهلوش الي يسير فينا راهو ملينا
يصبي بابا ويمسك ليلى من شعرها
بابا:-اسمعيني هنا من يوم وغادي الكلمة الي انقولها انا تمشي في الحوش فاهمة ياوجوه الفضايح امشي من قدام وجهِ انتي وياها
عدن ليلى وبيسان
ماما صبت حتى هيا وراهن
بابا خضا دخانه وطلع
انا:-عاجبك ياماما الي يدير فيه
ماما قعدت تبكي
ليلى:-بابا بيعطينه الصاحبهه ياانا يابيسان قال الي تعجبهه 💔💔
انا انصدمت:-شن تحكي انتي شنو يابابا كنه بابا
ماما:-اختكن الي وصلتنا الهكِ ونزلتلنا راسنا 💔
ماما قعدت تبكي وضبطتها لين سكتت وصبينا لمينا الحوش وهكذا
______________
عند عمر
نعيمة:-عمر
عمر سرحان
نعيمة:-عمررر
عمر:-نعم ياامي
نعيمة:-امس ياباتي شفتلك بنت صفاء صحبتي عليك بنت وعليك جمال بنية الله واكبر عليها تقول للقمر عدي ونقعد مكانك
عمر:-مش هامني لا جمال لا شي انا بنمشي
نعيمة خبطت على طاولة وعدت وسيباته
عمر علهه صوته:-هووو الواحدد مش بالسيف عيد وكان ماوفقش تزعلوا ولا شنوووو انا مش جاي اليوم للحوش
نعيمة:-انعنك ماجيت
رويدة:-كنك شن في يانعومة
نعيمة:-الفرخخ هذ لا يبي يجوز لا يبي يفحرني بعياله انا عندي راس عيل بنفرح بيه شن فيها يعني
رويدة:-مع الايام يقتنعع مادوريش
عمر كلم احمد
عمر:-احمد وينك
احمد:-في الجامعة يالطير
عمر:-جايكك
____________
غادي في الجامعة
فرج:-معليش يااسراء كان نزعج فيك
اسراء:-لا عادي ولا يهمك
فرج:-بنسألك لو ماتضيقيش
اسراء:-معقولة تفضل !!
فرج:-نوران معش شفتها !!
اسراء:-ماتقول من الاول 😂😂نوران واللهِ لها زمان معش شفتها لاحكيت معاها حتى قالوا جاء باتها ووقفلها قيدها
فرج:-تحكي جد !!
اسراء:-والله العظيم
فرج:-باهي تعرفي وين حوشهم هما !!
اسراء:-اكيد يسكنوا في الماجوري
فرج:-وين بالزبط!!
اسراء:-انا مانعرفش الحق بس أسأل الي في الشارع وقوللهم عيت...... توا يقولولك وين
فرج:-تم
اسراء:-تبي اي حاجة ثانية
فرج:-لا سلامتك
عدت اسراء
احمد:-فرج
فرج:-فجعتني ازف
احمد:-فرج اسمعع
فرج:-نعمم
احمد:-عمر حسيته مكبدد ياراجل
فرج:-تحكي جديات 😂!
احمد:-اقسم بدين الله
فرج:-وحدة نعرفوها
احمد:-مش عارف الحق بس شكله هك يدل
فرج:-تهيالك انت 😂😂😂
احمد:-لا واللهِ ماتهيالي نعرف انا صقع عليك
فرج:-توا نشوفوا تبي حاجة انت
احمد:-لا سلامتك يالطير
________________
عند ندى
حسن راقد وندى حاسة روحها تعبانة وراسها يوجع فيها
صبت ندى
ندى:-حسن
حسن راقد مايسمعش فيها
ندى:-حسننن نوضض
حسن:-ها شن تبي شن تبي
ندى:-انا تعبانة
حسن:-شن انديرلك
ندى:-راسي يفتل حاسة روحي بنطيحح
حسن:-عادي عادي
ندى:-وراس امك بنمشي للمستشفي تعبانة 💔💔
حسن:-توا انكلم عمر يشيلك
ندى:-من عمر هذا!!
حسن:-كنك انتي ازفف ماتنرفزيش امي
ندى:-انت مش راجل على فكرهه هذي انا بعينك رخيصهه كل حد نركب معاه ولا شنو
حسن:-معناها انطمري خشي جوا موتي حتى الموت مايهمنيش
ورد رقد
ندى قعدت تبكي ومشت قعمزت على كنبة
بحتت في الارضي
خضاته ورنت على محمد
رنت كم مرهه لين المره الاخيرهه
محمد:-الو الو السلام عليكم !!
ندى مابتش تدوي
محمد:-ايوهه من
ندى قعدت تبكي
محمد:-من !وعليش تبكي من معايا
ندى:-م ح 😭
محمد:-!!
ندى:-عرفتني
محمد زن الصوت في وذنه ونزل دموعع طولل وبدا يعيطط
محمد:-هذي انتي شن تبي شن تبي ياوجه الفضايحح نحن شن درنالك هاا يا ###$$#$# ردي نحكي معاك فضحتي بينا الله يفضح بيك
ندى:-محمد انا درت الشي هذا غصبن
حسن طلع لقاها اتكلم كرها من شعرها وصكر الخط وضربها كف طول ورد مسكها من شعرها
حسن:-منو هذا!!
ندى:-ماحد
حسن:-في من كنتي اتكلمي من!!
ندى تعيط:-قتلك ماحد والله ماحد
حسن:-احكيييي راهوو خيرلكك انتي مش عرفتيني لما يطلعن جنونييي
ندى:-محمد محمد خويا
حسن:-محمد خوكي صار شن تبي هلككك يمسكوك هنا تحسابيهم ياخضوكك بالاحضان ولا شنوو ترا احكيي !!
ندى تبكي:-سمحني والله ماعاد نعودها
حسن:-امشي من قدام وجهِ امشييي
عدت ندى وطاحت اغمهه عليها
حسن:-ندى !!
عده يجري شافها ومشا بيها ولبسها عباية وطلع بيها للمستشفي
___________
ماما:-انا ماشيا للشغل خلاص تبن حاجة!!
انا:-سلامتك
طلعت ماما
بيسان تبكيي
اما ليلى عادي مش متأفرهه
شويا والباب يدق
طلعت فتحت الباب لقيته عبدالسلام
عبدالسلام:-نوران
انا:-اهلين
عبدالسلام:-كيف حالك
انا:-الحمدالله بخير
عبدالسلام:-هذينا حاجات جبتهن امي العمتي امينة
انا:-باهي شكراً
عبدالسلام:-كنك راقيلك
انا:-لا مش راقيلي عادي
عبدالسلام:-باهي تبوا حاجة اخرهه
انا:-تفضلل
عبدالسلام:-لا شكراً
انا:-غير خش فكنا من طروح
خش عبدالسلام
بيسان اول ماشفاته فرحت
بيسان:-عبدالسلام
عبدالسلام:-مرحبا
بيسان:-شنجوك
عبدالسلام:-تمام وانتي
بيسان:-الحمدالله
ليلى:-اهلين
عبدالسلام:-مرحبتبن
رنا:-سلومهه ازيككك
عبدالسلام:-كويس قاعد يالعسلل
رنا:-انا عسل كلك ذوق 😂😂
انا:-توا اندير قهوة
رنا وليلى:-ماشيين معاك
بيسان قعدت تضحك العبدالسلام وعبدالسلام يضحكلها
بيسان:-شنجو خويلة والبنات
عبدالسلام:-كويسات الحمدالله
بيسان:-انت رايح محلووو
عبدالسلام:-انتي احلى
بيسان:-نعليا وحطت يدها على فمها
عبدالسلام اطربق من الضحك:-انتي كذابهه ازفف اتكابري على روحكك 😂😂😂
بيسان:-ههه تحسابني غير ميتة فيكك
عبدالسلام:-مانفكرش في الشي هذا انا انتي زي اختي
بيسان:-من امتى اتقول فيه الكلام هذا ولا صاح ياربي انا الي اختي ضايعة الي هربت مع واحد الله وعلم حتى هيا مرات اديرها
عبدالسلام:-كنك يبيسان شن الكلام الي تحكي فيه انتي
بيسان:-مزلت اتحبني ولا !!
عبدالسلام:-بيسان خلاص سمطتيها
بيسان:-نسأل فيك انا مزلت تحبني ولالا ياريت ترد
عبدالسلام:-خلاص يابيسان
بيسان:-بهه وكان انا قتلك نحبكك شن اترد عليا اكيدهه لا لأنه الي كنتي فيه زمان مش زي توا لأنه توا اختك صايعة ههربت
عبدالسلام:-والله انك وحدة مريضة
وعده وسببها
انا:-القهوة ياعبدالسلام
عبدالسلام:-خليها تشربها بيسان بلكي ترد الوعيها شوياا وتفكنا من الكلام الي اتقول فبه
وعدهه
ليلى:-على اقل قول باي
عبدالسلام:-اوكي
وطلع
انا:-شن قايلة للعيل انتي
بيسان:-ماقتله شي هو هكِ نوعيته ترقاله
انا:-لا ماتكذبيش عليا العيل راقيله منكك معقولة بترقاله بدون سبب
بيسان:-مش كان يحبني ويقولي انا نبيك شوفي توا لما قلتله انت تحبني قالي انتي زي اختي اكيدهه حتى كان يحبني مش هيقولي يحبني لأنه اختي صايعة ومش متربية وهربت
وقعدت تبكي وخشت للدار
_____________
في المستشفي خشت ندى يدرولها في تحاليل يشوفوا شن عندها
حسن:-انا شن درت في روحي شن داروا فيا هذوما ياربي
___________
9:30 مساءً
عندنا نحن
بيسان اختي قاعدة في فراشها غير ابكي وخلاص وبرضٌ نفس الحالة ليلى ورنا راقدة واختي سارة اتفرج على رسوم وانا نبكي ومضايقة
انا:-زعمك يابيسان شن صاير في ندى توا !!
بيسان:-شن صاير فيها مثلا اكيدهه ياما صاير فيها هيا هربت وتريخت ونحن خربتلنا حياتنا محمد معش قاعد بابا بيجوزنا وخلاص ولمن لشايب واحد كبر جدي وفوق من هكِ وقفنا من المدارس 💔تعبانة نفسيتي بكلل
انا:-اقسم بالله حتى نا اشررر منكك 😔
ليلى:-خايفة يطلع كيف بابا
بيسان:-وراس ليلى وراس ليلى خوضيه انتي 😭
ليلى:-والله ياحنه وبعدين بلكي تعجبيه انتي الموضوع مش بيدي وبعدين انتي اتحاملي مسؤولية عيال انا مزلت صغيرة
بيسان:-من الي مزالت صغيرة 😨والله ياحنه بيني وبينك سنة
انا:-بلكي مش زي بابا 😂😂
ليلى:-تي صاحبه انتيمهه يابنتيي 😒
انا:-انشالله لا تعجبيه انتي ولا انتي انتن سادكن الي عايشات فيه 💔باهي انا بنمشي اندير عشاء ونشوف سارة
صبيت من جنبهن
ودق الباب
انا:-منووو!!
الشخص:-انا عمك سالم
انا:-اهلين عمو سالم
سالم:-اهلين يابنيتي باتك قاعد
انا:-لالا عليش انشالله خير
سالم:-لا غير نبي نحكي معاهه
انا:-بهه تبي حاحة ثانية ياعمو
سالم:-لا سلامتك يابنيتي
سالم:-السلام عليكم
_____________
عندهم في المستشفي
ندى:- انا مريضة ياحسن بكلل
حسن:-باهي ماتخافيش انا جنبك وانشالله مافيك الا الخير
ندى:-باهي امتى يطلعن التحاليل !!
حسن:-توا قال الدكتور توا نمشي انشوفهن
ندى:-بهه
حسن:-تبي انجيبلك حاجة
ندى:-خاطري في شوكلاطة
حسن:-حاضر شويا ونجيك
______________
#يتبع
أنت تقرأ
ضغوطات الحياة ( روايات ليبية )
Storie d'amoreللكاتبة : أية صاحبة رواية المستشفي عندما تكون ضغوطات الحياة عائق أمام كل شي في حياتك حتي الحب ؟ فماذا ستفعلين ؟
