الحلقة الأخيرة ❤
ضغوطات الحياة
ليلى:-كلميه قوليله وين المستشفى
انا:-اهههه ياندى وهههه خيتي ياربي لاا شن درتي في روحك ياندى شن درتي
ليلى اتخبط على سيارة وتبكي ونا انهرت بكاء معش عرفت نسكت
انا شديت روحي ومسحت دموعي ورنيت
عمر:-ايوة نوران
انا:-نبوا عنوان المستشفى
عمر:-جنب............
انا:-شكراً مع سلامة
سكرت بكل سلبية
ليلى تمسح في دموعها وترعش:-نمشوا شور الحوش نستنوا ماما ونصبروا ارواحنا شويا ونقولولها 😭💔
عدينا وليلى ماحوتك ماتسوق ونبكوا
___________
عند ماما في المستشفى
خشوا على رنا
رنا:-انا وين !!
ماما:-تريحي ياماما انتي في المستشفى توا
رنا:-ممكن اتقوليلي انا عليش قاعدة هنا ياماما
ماما:-دختي وجبناك للمستشفى فكرناك انك حامل
ولما طلعن التحاليل
رنا خايفة:-باهي!!
ماما:-طلع عندك السكر
ام خالد:-قدر الله وما شاء فعل شنو السكر في نهاية بكلل حسستيني السرطان خايفة على بنتك طلقيها وضبطيها عندك
رنا اتبحت في عمتها:-انتي شن مش اممم ام وخايفة على بنتها ياجاسرة ياواعرهه
ماما فنصت في رنا:-رنااااا خلاص
ام خالد:-انتي مفروض ماتدويش بكلل خضيناك صوبك عندك السكر من زمان وخاطي هكي بوك سكار واختك صايعة مضحكة رجالة هاربة
رنا:-مش انا الي ميتة عليكم انا انخب ولدك وولدك يحبني ونبوا انعيشوا مع بعضنا طول العمر
ام خالد ضحكت:-وانتي مزللتي هكي توا يهلكك السكر ويديرلك مشاكل
رنا اسكتت
ام خالد:-كناين اخر زمان
خالد خاش يضحك لرنا
ماما مسحت ادموعها:-انا بنصبي
رنا:-ماما ربي هكي كتبلي والسكر مش مرض خاطير كل الناس عايشين بيه والله غالب قدر الله وما شاء فعل ماترعشيش روحك وانشالله انطيب وتشوفيني زي زمان 💔
ماما:-انشالله يابنيتي من اول ماعرفتك ونا نعرفك ايمانك بالله قوي
رنا ابتسمت:-انشالله خير
وصبت ماما وطلعت
طلعت وراها ام خالد
خالد:-نرنوشتي 💔
رنا:-حبيبي شن الي جايبة
خالد:-ماجايب شي وردة قطفتها من المستشفى 😍😂
رنا:-حبيبي ربي يخليك ليا ولا يحرمني منك ماتخافش عليا انا كويسة وانشالله نقعد حتى احسن من قبل كل الناي عايشين بيه
خالد:-نحبكك لأنك ايمانك بالله قوي
رنا:-ونا نموت فيك ي عمري 💔❤
رنا مانت موجوعة ووجعها خالد لكن ماكنتش اتبين اي شي وداسة كل شي في قلبها 💔💔
ماما:-محمد
محمد:- رنا كويسة
ماما:-الحمدالله بخير
محمد:-هيا معناها نروحوا
ماما:-باهي انسلموا على اختك ونروحوا
_____________
عندنا نحن
وثلنا للحوش وعيونه منتفخات انا وليلى وحالتنا حالة على جيت بابا من بعيد
بابا:-مشالله قعدت السيارة خيطي ميطي اتذوحن وين كنتي انتي وياها
ليلى مابتش اترد ولا انا
خشينا وخش ورانا
بابا:-نحكي معاكن انا يابنات الحرام
انا:-ماتنساش تحكي مع بناتك
بابا:-اسمعي هذي اخر مرة انقولك ونعاودلك اتعلي صوتك عليا مره اخرهه اقسم بالله ماتقعدي عايشة ونا قتلك
انا نبكي:-يابابا ندى توفت اليوم يابابا
بابا انصدم:-كيف !!كيف شن تحكي انتي شن تمثيل هذا عليا
ليلى تبكي:-اقسم بدين الله اختي توفت
بابا:-وانتن كيف عرفتن !!
بيسان منصدمة هيا وسارة
انا:-كلمتنا وحدة قالتلنا توفت
بابا:-شن اتحقي فيا عيل صغير انتي وياها انمص في صبعي ولا شنو يافرخة الحرام انتي وياها
ليلى:-اقسم بالله مانكذبوا عليك في حرف
بابا فنص:-اماله كنتوا اتكلموا فيها انتم من ورايا
انا:-بدل ماتوجعك بنتك هذي من دمك ولا لحمك لا انت بالرسمي شكلنا مش عيالك يايهودييي
خشيت انا وخشن ورايا البنات يتباكن
بابا خش للدار وطاح على سرير وقعد يحس في قلبه
بابا:-بنتي
انا طحت على وطا واتكيت على دولاب وقعدت نبكي
بيسان:-الله يرحمها ويسامحها
انا:-اخر مره هنتها ومابيتش نسمعها
بيسان:-حتى هيا ماقصرتش
ليلى:-مهما دارت ومهما يصير في النهاية بكل هذي اختنا من دمنا ولحمنا ماتقعديش سلبية ياانتي
بيسان:-انا مش سلبية ولي حسات بيه حاسة بيه انا نحن اكثر وحدات ظلمناها والبنت اتنوض على طريحة وترقد على طريحة البنت متعذبة وعايشة في عذاب من صغرها كل غلط يشوفوه منها يمسحوا بكرمتها الوطا ماتبيهاش تطفش ونحن ماقصرناش فيها بكلل المفروض الي زينا انخلوها اتكلم وعادي اهو شوفن توا شن قعد اخرتها خضت واحد لعب في عقلها
انا نهرت بكاء وحسيت كلام بيسان كيف السمم
ليلى:-حسبي الله ونعم الوكيل ربي ياخض حقك ياخيتي الله يرحمك ويسامحك ويغفرلك
سارة تبكي :-توا ندى اتخش للنار ولا عشان هربت مع عيل وسيبت هلها
انا:-لا ندى حتى هيا صغيرة وفي الجنة انشالله
ليلى تبكي:-واجعني خاطري واجعني يابنات واجعتني خيتي
نحن قعدنا نبكواا وحالتنا حالة
خشت ماما
ماما:-يابنات وينكن
وخشت الدارها لقت بابا يبكي ويخبط في راسه
ماما:-فؤاد
بابا صبه واضبط ماما
بابا:-كلا مني كلا مني ياامينة انا السبب
ماما:-كنك شن في شن داير
بابا:-اههه يابنيتيي اههه
ماما:-شن انبك ضميرك توا سمعت الي صار في بنتك
بابا:-شن حتى انتي عارفة
ماما:-ماهو كنت عندها في المستشفى ورنا طلع عندها السكر من رعايش الي كل يوم اتذوقنا فيهن
بابا استكك
طلعت انا نجري من الدار واضبطت ماما وقعدت نبكي
انا:-ياماما بنيتكك ماتت بنيتكك ياماما راحتتت ياماما راحتتت سامحيها ياماما سامحيها
ماما:-شن تحكي سارة صارلها حاجة شن صار خواتك كنهن
انا:-ندى ياماما ندى توفت اليوم الجنازة فاتت قااوا على ظهر
بابا لبس صباطه وطلع ولحقه محمد
ماما منصدمة وطاحت على وطا
ماما:-ياقهرتي غيك يابنيتي ياقهرتي فيك يابنتي حسبي الله ونعم الوكيل فلي كان السبب
وصل الخبر للجيران وجوا يعزوا في ماما وماما منهارهه وعياطات وحالتنا حالة وجوا الناس وجت فريحة وتهاني ووداد وجراتنا كلهن
______________
محمد:-ياباتي وين شايلنا
بابا:-وين الجنازة
محمد:-باهي كلم نوران اسألها
بابا:-لالا توا نلقوها بروحنا يافرخ غير امشي
محمد:-ياباتي حسستني بنغازي قرية هيا
بابا:-راسي صوداع راهو
محمد عيونه بدن يدمعن وماشي في الطريق
_________
8:25 م
العزاء قايماته الجرات وبيسان وليلى منهارات وجت رنا وقعدت اتصبر في ماما والصبايا
___________
بابا ماشي هو ومحمد يذوحوا
محمد:-خليني انكلم البنات نسألهن بدل ماانت مصكر راسك
بابا تعبان:-باهي كلمهم
كلم محمد ومابوش يردوا عليه
محمد:-سؤال توا نحن عليش ماشيين هذي لا بنتنا لا بلا العار الي دراته لنا على اساس ينسكت عليه
بابا:-توا اتشوف انا شن بندير اصلاً
محمد قعد يرن على ليلى
ليلى:-الو محمد
محمد:-ممكن الي جايبة الخبر اتقول وين العزاء
ليلى:-اها نعرف في .......غادي تهيالي هذا حوشهم بس نندريش عليهم عزاء ولا لا
سكر محمد ومشا
بعدين خمسة واربعين دقيقة وصلوا بابا ومحمد ونزلوا لا دايرن عزاء لا شي حقوا حسن وخوه
محمد:-السلام عليكم
حسن مطبس ويبكي
ابراهيم:-وعليكم السلام تفضلوا!!
محمد:-حوش ......
ابراهيم:-اها تفضل
محمد:-ماهو انتم الي اندور عليكم انا
حسن رفع راسه
محمد هد عليهم ودقهم طريحة وبابا ايضاً طلعوا هل حسن وهدزا عليهم
بات حسن:-هيي من انتم بيش اتجوا وتهجموا على عيالي
بابا:-من فيكم يعرف ندى
حسن بحت فيه:-وانت شن تبي في ندى يا......
بابا:-بنتي ندى
حسن انصدم ومعش قدر يصبي طاح على كرسي
ابراهيم:-بنتك!!
بابا:-دفنتوها وبردت ناركم خلاص
محمد:-لو يقعظ فيها ثار الا ناخض حق اختي يا........
ابراهيم:-توا معايش بنتك هربت مع خويا ودارت العار وحملت فوقها وبالحرام مع خويا وهذا كله بأرادتها خويا شن دخله!!
بابا انصدم وطاح
محمد:-باتي والله نقتلك يا......
ويهد محمد يصرب ويخشوا يضربوا محمد ويتلموا عليه
حسن:-خلاص خلاص
خشوا كلهم وسيبوا محمد طايح ودبشه دم وحالته حال وصبه بابا وحطه في السيارة ومشا شور المستشفى
محمد:-ياوحه الفضايح ياندى فضحتي بيناا
_________
بعد اربع ساعات
محمد اترن عليه ماما ومايردش
وطلع الدكتور
محمد يمسح في دموعه:-طمني على باتي شن صار فيه
أنت تقرأ
ضغوطات الحياة ( روايات ليبية )
Romanceللكاتبة : أية صاحبة رواية المستشفي عندما تكون ضغوطات الحياة عائق أمام كل شي في حياتك حتي الحب ؟ فماذا ستفعلين ؟
