ضغوطات الحياة ( روايات ليبية )

حلقة 4🔥

ضغوطات الحياة
الحلقة الرابعة
   
   
   
  
انا قعدت نبكي وطلعني وصكر الباب طلعت برا نبكي زاد اني مضايقة زاد ماانه لزوني وزيد يازايد حصلت هزيبة
قعمزت وقعدت نلكي
على جيت حد حط يدن على كتفي
انا:-😳
فرج:-كنك!!
انا:-شن جيبك انت
فرج:-شنو شن جيبك مش انتي مفروض تقعدي في المحاضرة توا !!
انا:-اها صاح الدكتور لزني 😭💔💔
فرج:-وليش عليش لزك
انا:-عشان هو مايحبش حد يخش وراهه 💔
فرج:-خلاص ماتزعجيش روحك انتي عدهه الله صارلك ظرف وماحضرتيش عليش حارقة اعصابك وتبكي ترعشي في روحك قدر الله ماشاء فعل خلاص بلاش بكى على محاضرة؟؟يعني كان امتحان شن درتي فينا 😂
انا ضحكت:-هههه مسمطك مش وقتك 😄
فرج:-ايوهه خلاص لما تضحكي تحلوي بكلل مانقدرش نوصفلك كيف تهبلي لما تقعدي فرحانة وزعلانة 😍
انا:-شكرا احرجتني
فرج:-ههههه نعليا من الخجول انا
عمر:-فرج هيا نمشوا
فرج:-عمر مشغول توا
عمر:-حسابي معاك بعدين
انا:-توا هذا صاحبك
فرج:-اها صاحبي
انا:-كنه هكي هو دمهه ثقيل وقالب خلقتهه وخلاص مريض هو !!
فرج:-هههههههههههه😂😂هو هكي عصبي ومايحبش من يدير حاجة قدامه تنرفزهه
انا:-والله غلط التكبر والغرور من اسمط الحاجات
فرج:-هههههه لا بالعكس لما تعرفي هو عكس هكي لكن الظروف خلنه هكي والله
انا:-كنه عليش شن صايرله
فرج:-اول شي تعالي في الكافي ونهدرزوا
انا:-بههه

  
____________

  
عمر طلع من الجامعة
وكانت الصدمو هما شاف هبة خاشة للجامعة
هبة:-عمر
عمر دار روحهه ماشفهش وعداا
هبة:-عمر اسمعني ماتقعدش هكي سلبي
عمر قعد يضحك بهزوهه:-انا سلبي ولا انتي تي النبي حولي من قدام فصيلتي احسن اقسم بالله اندير شي مايعجبكش بالمرة حولي من قدام خلقتي
هبة:-في البداية اسمعني وبعدين الي تبي اديرهه ديرهه
عمر:-ونا مانبيش نسمعك
هبة:-عمر وراس امك انترجا فيك انا تسمعني
عمر:-شن تبي تقولي بتقوليلي انك انت فاهم غلط ولا شنو بتكذبي تي انتي ساد الي كذبتيهه ونا كيف الغبي صدقتك ووثقت فيك ونا كنت محتاجلك اكثر ماانتي تتصوري كل مانضايق مانلقكش قاعدة نبي نشكيلك اديري روحك مش فاضية واتهربي ترا اين حب وشن تبي تفهميني
هبة:-انا كنت مجبورهه على اني اندير هكي
عمر:-تي والله انا لو يقولولي الموت ولا انتخلهه عليك هنختار الموت بس توا حطي في بالك اني انا كرهتكك ومعش نبيك مهما شرحتي مهما بررتي مستحيل هنسمعك
هبة:-وراس عمر اسمعني مش قبل واكلك الفضول تبي تعرف
عمر:-لأني كنت نبي نعرف زي ماقلتي توا معش نبي نعرف شي وياريت معش نبي نحقك في خلقتي لأنه المرة الجاية مش هنسكت
ركب عمر السيارة ومشى
وهبة قعدت مستكة وخشت
  
____________
  
عندنا في الحوش
ندى قاعدة اتفكر تبي تكلم حسن
ندى:-احسن حل تليفون جدتي والله صاح احسن حل غير انشالله ماتفطنش خلي نكلمهه نحطلهه الحروف على سطر
طلعت ندى وخشت دار جدتها قعدت ادور في نقالها مالقتش
ندى:-وين بتكون حطاته مثلا زعمك في المربوعة اكيدهه في المربوعة ديما اتحط فيه على مكتبة
خشت للمربوعة لقت البنات مقعمزات
ندى:-عليك قصة
بيسان:-كنك في حاجة !!
ندى:-انتي بنسألك ديما ترغي شكلك ماتسكتيش
ليلى:-لو سمحتي نحن في حوش جدي ياريته تطلعي وتريحينه
ندى:-بنقعمز هنا
خشت ندى قعدت اتبحت في المكتبة لقاته
دارت روحها تستعبط وحايلت هكي وهكي وخضت النقال
ندى:-عليك مملات انتن انا بنطلع
رنا:-خشتك هذي مش مريحتني
ندى كلعت ومابتش ترد عليها وعدت تجري شور دار خالهم وصكرت على روحها
ندى رنت على حسن
حسن:-ايواة السلام عليكم !
ندى:-وعليكم السلام عرفتني !!
حسن:-ندى شن تبي
ندى:-حسن انا نحبك ياحسن
حسن:-اوفف ياندى خلاص مش انتهينا منه الموضوع هذا
ندى:-يعني انتت بتخلى عني بكل سهولة انا صدقني نبي انتخلهه على كل حاجة عشانك
حسن:-امممممم باهي مثلا اتخلي علي هلككك !!
ندى:-عشانك عادي
حسن:-ندى انا فكرت كويس بكلل انتي صغيرة وهلك مستحيل هيوافقوا اني نجوزك
ندى:-اوففففف ياحسن يعني انت ماتبينيش خلاص هنصكر
حسن:-تي اسمعيني يامجنونة انا مستعد اني نعيش معاك طول العمر اسمعيني توا
ندى:-نسمع فيك احكي بسرعة !!
حسن:-تهربي معايا
ندى اسكتت
حسن:-ندوشتي ❤
ندى قعمزت على سرير وقعدت تحك في شعرها:-تحكي جد!!
حسن:-لا بلكي انبصر
ندى:-بس انا نقدرش ياحسن مانقدرش 💔
حسن:-مش قلتي اندير المستحيل علشانك ولا ونا نوعدك اول مانهربوا هنجوزك طول اقسم بالله شغلت يومين وتردي الهلك وبعدين نرقعوها
ندى:-انت تستغل فيا عشان انا صغيرة ومانفهمش صاح!😒
حسن:-من الاخير تبي ولا
ندى:-مش عارفة يا حسن متشتتة
حسن:-فكري ورديلي جواب انا قاعد
ندى:-ماتحلمش مش هنوافق
صكرت ندى
قعمزت على سرير وقعدت تبكي
ندى:-انا شن اندير في روحي لو قتله لا هنخسرهه ولو قتله اها هلي شن بيصير فيهم انا لازم انعد عيون ماما ومحمد على اقل لازم مستحيلل مستحيل انديرهاا 😭💔ياريتني مارنيت عليه ياريت
____________
  
عندي
انا:-بنعدي توا خلاص اطلعوا من المحاضرة
فرج:-خلاص تم
انا:-معسلامة
فرج:-يانوران
انا:-نعم!!
فرج:-عطيني ايميلك لو ممكن
انا:-اها ماعنديش ايميل
فرج:-والله لو هكي توا نفتحلك عادي !!
انا:-اصلا انا مانبيش نفتح
فرج:-باهي عطيني رقمك !!
انا:-حتى رقم ماعنديش اصلا ماعنديش نقال
فرج:-معقولة يعني كيف تسمعي في التسجيلات وهكي !!
انا:-كل شي نقرا في الشيتات ونفهم مع الدكتور وخلاص لاعندي نقال ولا ايميل ولا شي
فرج:-ليش باتك مايبيكش تفتحي
انا ابتسمت:-مش عارفه خلاص انا بنعدي
مشيت ووجعتني روحي وحسيت انه بنت كبيرة من عمري لا عندها ايميل ولا رقم ولا اي حاجة ولا حتى نقال كان قعدت شويا كان تهزى عليا العيل 💔هوف تعبت انا ياربي
اسراء:-حبيبتي ❤😘
انا:-سرووو شنجو المحاضرة
اسراء:-عطانا حاجات واجدهه وحتى عندي تسجيلات بس انتي عندكش نقال كان هكي دزيتهن لك
انا:-الله غالب تعالي نستنوا لين يجي خالي بلكي تنقليهن الخالي
اسراء:-به هي
_____________
 
جدتي:-بيسان ياليلى ندى افتحن الباب الباب يدق وحده فيكن تفتح
بيسان:-جايه جايه
عدت بيسان تجري فتحن الباب
لقاته ولد خالهم عبد السلام
بيسان:-عاش من شافك
عبدالسلام:-لا انجي ديما انا لكن انتم ماتجوش واجد 😂
بيسان:-باهي خش
عبدالسلام:-انقنك رايحة سمحة انتي
بيسان:-ياعبدالسلام التزم حدودك معايا لو سمحت
عبدالسلام:-تي باهي باهي راكي تموتي خلاص ماشي هاكي هذا عطيه الجدتكك
جدتي:-جيت ياسلومة وينك وينك ياباتي
عبدالسلام:-ياجدتي شن قلنا على سلومة
جدتي:-شن فيها اندلع فيك 😂💕
عبدالسلام:-خلاص ماشي انا
جدتي:-لا وين ماشي خليك حتى خالتك قاعدة
عبدالسلام:-خلاص به
خش عبدالسلام
نحكيلكم شويا على خوت امينة ثلاث خوت فتحي وواليد وحسين توا نحكيلكم عليهم بعدين
عندها اخت وحدة ناريمان عندها بنتين وعبدالسلام بس حالت رجلها فوق الريح وراجل يشتغل ويتعب وهله يعني حلتهم كويسهه بكل ومحترم راجلها م 57 اسمه عادل
بنتها الكبيرة الي اكبر من عبد السلام خيرية اجوزت جديد م 85 ومتخرجة من طب اسنان دكتور
وعبدالسلام بعدها طبعا عبدالسلام مدلل امه وكل شي يبيه لاههه  والفلوس يلعب بيهن لعب م 95 يشتغل مع باته في شركة وواخض شهادة It
اخته الاخيرة فرح م 2000 مدلعة حتى هيا زي خوها وديما ندى تغار منها مع انها طيبة تقرا ثالثة ثانوي علمي
 
_____________
 
نردوا
عندي انا
انا:-اهو خالي جاء
اسراء:-تمام هيا حيبي نقاله ننقلك
انا:-باهي استنيني خمس دقايق ياقلبي 💗
مشيت خضيت نقال خالي
انا:-هي هاكي دزي
اسراء:-بهه
دزت اسراء ودارت جوها وعطاته ليا
انا:-منورهه بكلل ياحياتي
اسراء:-يامتخلفة مش بينا
انا:-هههه باهي ياقلبي تبي شي
اسراء:-سلامتك حبيبتي
انا:-باي نتلاقوا
اسراء:-انتلاقوا بكرا ❤❤
ركبت ومشينا
__________
  
ندى في الدار حايره شن ادير
ندى:-اوففف شن اندير انا حي عليا بس انا نبيه ونحبهه ونبي نهرب معاهه توا بكرا انشوف البنات ونحكوا حي عليا خايفة انا 😫💔بس عادي قوي قلبك ياندى الي يقولك عليها قلبك ديريها عادي
اوفف ياربي شن اندير نشتت هكي
______________ 
  في السيارة انا وخالي
فتحي:-كنك!!
انا:-لا شي غير تحسني مضايقة شوي
فتحي:-اها بعد خطرها الجمعة الجايا اتفقت انا وخواتي وخوتي نمشوا بحر نغيروا جو شويا
انا:-باهي كويس تغيرت جو
فتحي:-بلكي نأجروا شلي على بحر نقعدوا كم يوم غادي انفرجوا عن نفسنا
نوران:-باهي تمامم بكلل
فتحي:-خوك نبي نجيبه اليوم
انا:-وبابا من يقعد معاهه
فتحي:-باتك اين بات هذا الي هكي وبعدين انا متأكد انه حتى محمد يبي يجينا
انا رقتلي بكل بس درت روحي عادية
_______________
 
عند عمر
عمر:-اميي
نعيمة:-نعمم
عمر:-جبتلك خبزة
نعيمة:-باهي اصلا ماعندنش 
عمر:-تمام انا بنركب راهو
نعيمة:-باهي امشي تريح وبعد تنوض توا نحط الغداء
عمر:-تمام
ركب عمر لي داره استرخى شويا رن نقاله
عمر:-من الرقم هذا !!
عمر:-الو!!
حسن:-عمر عرفتني
عمر:-حسن ولا !!
حسن:-شنجوك يالقدعع
عمر:-تمام الحمدالله وانت
حسن:-بخير ياطيري كيف حال امك والشباب
عمر:-كويسين كلهم !!
حسن:-المهم يالطير نبي سيارتك الايام هذينا
عمر:-شن تبي فيها !!
حسن:-نبيها شي شغلت اسبوعين ونردها لك
عمر:-سيارتي العجلة بتاعها مفلوقة الحق
حسن:-توا نديرها ولا يهمك
عمر:-حلاص تمام
حسن:-امتى انجي ناخضها !!
عمر:-لي اي وقت تعال خوضها
حسن:-تم منورر انقنكك قدعع
عمر:-سلام
حسن:-سلام
عمر :-والله هذا نخاف منه استرالله منه وخلاص
رد رقد شويا جاه اشعار فيس
عمر:-اوفف خلاص
شافه لقاهه طلب من وحدة اسمها Koko jamal
عمر:-!!تي من هذي ارقد ارقد ياعمر
رد رقد عمر
_____
فاصل شويا
عندكم الي رن على عمر هو نفسه حسن صاحب ندى
والبنت الي دزت طلب غالية صاحبت نوران
___________
  عند غالية
غالية:-يبيش يضيفني
ثريا:-الدكتور مايضيفش في اي حد راهو وبعدين في صحبته الدكتورة هبة كانت تعكي في الجامعة وسيبت مش عارفة كنها
غالية:-قصدك حبيبته !!
ثريا:-تي اماله شنو
غالية:-مزالت معاه على علاقة
ثريا:-والله ماني عارفة سمعت من جود صحبتي قالت سيباته
غالية:-شكله هكي مش شكل واحد داير علاقة
ثريا:-هو صاح مش بتاع الجو هذا غير اكيده هذي غلطه اصلا الدكتورة جميلة شي اكيد بيطيح فيها
غالية:-اكيدهه مش احلى مني 😂😂
ثريا:-صقع عليك انتي ماتجيش في ظفرها ):😂😂😂😂😂
غالية:-عليك حناطة ياربي باهي شن انديرله بيش يضيفني
ثريا:-دزيله رسالة وكان ماردش ادويله بكرا
غالية:-لالا عيب هك ادويله انتي قوليله اختي دزتلك طلب
ثريا:-ان شاء الله بنمشي انتغداء خلاص
غالية:-تمم حتى نا استني
  
______________
 
عندنا نحن
بيسان:-جيتي ياحنا
انا:-جعانهه بكلل حطولي الغداء
جدتي:-وسعي بالك مزال شويا
انا:-وين الساعة ثلاثة ونص هيا حطولي
جدتي:-تاكليهه نيي
انا:-عليك قصة خلاص انا بنخش نرقد شويا وبعدين نوضوني بعد تحطوا الغداء
جدتي:-به
خشيت الداري غيرت دبشي لقيت رنا مزالت على نت
انا:-رنا كنك !!
رنا:-كني
انا:-مامليتيش من امس وانتي على نت
رنا:-خليني ياختيي مكسدهه
انا:-شن اديري ترا وريني
رنا:-لالا مش شورك عديي
انا:-باهي اختك ندى وين !!
رنا:-كارسة في الدار وخلاص زعمتلي كبدي
انا:-توا نمشيلها
طلعت عديت للدار شور ندى
لقيتتها راقدة
انا بحتت فيها هكي وخشيت غطيتها وطلعت حتى نا طول رقدت تعبانة بكلل
جدتي:-بنتك ندى مش عجبتني بكل غير كارسة في الدار وخلاص
ماما:-عادي ياامي ندى ديما هكي طبعها انطوئيا وماتحبش تحكي مع حد يعني اغلبيت وقتها تحب تقعد بروحها
جدتي:-مش كويس هك تغمم في روحها واجد
ماما:-باهي انا توا نشوفها شن ادير ونجي
جدتي:-باهي
فتحي:-اوووو امي
جدتي:-تعال خوض شاهي
فتحي:-باهي هي
قمعزوا
فتحي:-شنجوكم وشن جو والبنات واختي
جدتي:-الحمدالله كويسين بكرا مش توصل البنات للمدرسة
فتحي:-لا نبي نمشي نجيب محمد هنا حتى هو معش يقعد غادي
جدتي:-ليش شن في كنكم !!
فتحي:-لا شي فوتي
جدتي:-احكي راهو خيرلك
فتحي:-راجل بنتك يصكر
جدتي:-شن شن تحكي انت فكني من الكذب
فتحي:-اقسم بدين الله
جدتي:-عليك فضايح 😱كيف بتقولها الباتك
فتحي:-والله ماني عارف كيف
جدتي:-لا حول الله
  
___________

خشت ماما على ندى لقتها راقدة
شويا خشت علينا
ماما:-نوران رقدت!!
رنا:-يسس كيف ماتشوفي
ماما:-انتي خلاص نت نت نت زعمتيني كبدي صبي شويا
رنا:-خليني ياماما شويا
ماما:-عدي افتحي شيتاتك يلي ماتندري عليهن
رنا:-خلاص ياماما عيد ماتذكرينيش اتنكدي عليا
ماما:-وين خواتك!!
رنا:-قاعدات مع عبد السلام
طلعت ماما
  
_____________

عبدالسلام:-باههي ياليلى شنجو القرايا
ليلى:-والله الحمدالله تمام شويا معصية اولة ثانوي بس يلا انتحملوا وخلاص 😂
عبدالسلام:-معاك حق اولة ثانوي بكل وانتي يابيسان 😊
بيسان:-ماشية حتى العلمي واعر
عبدالسلام:-اها صاح معاك حق باهي موفقات
بيسان:-شكرا
عبدالسلام:-سروو وانتي شنجوك
سارة:-تمام وانت
عبدالسلام:-الحمدالله ياكيوت باهي وين ندى ونوران ورنا ماشفتهنش ؟؟
بيسان:-ندى كالعادة ممله لكن رنا على نت ونوران اكيدهه راقدة وكان مش راقده تقرا !!
عبدالسلام:-باهي
ماما:-سلومهه هيا تعال اشرب شاهي
عبدالسلام:-ههه البنات فيهن جو مشن عليا الوقت
ماما:-اها بكلل 😂😂تعال اشرب شاهي شويا اصلا الغداء هيطول مزال
عبدالسلام:-والله مانشربش فيه الشاهي وهنا نستنا في مباراة
ماما:-باهي بجوك خلاص انا طالعة
طلعت ماما
وطلعن ليلى وسارة وقعدت بيسان مع عبدالسلام
عبدالسلام بحت في بيسان وابتسم:-باهي ماقتليش مرتبطة ولالا !!
بيسان:-ههههههه😂عليك سؤال انا مرتبطة 😂بس وبعدين عليش تسال!!
عبدالسلام:-عادي الواحد مايسألش
بيسان:-بهه لالا مش مرتبطة
عبدالسلام:-معقولة وحدهه في الجمال هذا كله زيك مش مرتبطة
بيسان:-لأني انا مش معطيتهم وجه 😌
عبدالسلام:-ههههه مغرورهههه
بيسان:-وانت مش مرتبط
عبدالسلام:-اوبااا مانكذبش عليك انقنه عندي بنات واجد 😂
بيسان غارت وسكتتت دارت روحها عادي
عبدالسلام:-كنك سكتي
بيسان:-لا بس ماعندكش وحده تحبها
عبدالسلام:-عندي فاطمة انقنها بنت ناس ومشالله عليها
بيسان غارت:-اها ربي يوفقك معاها ويخليها لك انا طالعة
وطلعت راقيلها
عبدالسلام رفع حاجبه واستغرب
__________
  
بيسان طلعت راقيلها وشويا وتبكي لكن دايرهه روحها عادية

________

عند ندى ناضت اتقلب
شويا فتحت عيونها وحست عيونها منتفخات 😞
ندى:-يانعلي نعسانة بكلل ولا شكلي كنت نبكي بكلل مش قادرهه نفتح عيوني نمشي نغسلهن
صبت ندى وطلعت من الدار لقتهم مقعمزين يهدرزوا
مشت شور الحمام طول غسلت وجها وطلعت
قابلها فتحي
فتحي:-وين وين كنك ماتحي تهدرزي وتسلمي على عبدالسلام
ندى:-انا مريضة شويا مرة اخرهه مايبيش يريح عبد السلام
ومشت شور الدار
  
___________
 
عمر:-حبيبي
انا:-عيون حبيبتك ياقلبي
عمر:-شوفي كيف النصيب جمعنا ياعمري
انا:-هذا كاتبه لنا ربي وانه هيجمعنا شي يوم مع بعضنا نحبكك
عمر:-نعشقك 😍
انا رديت رقدت في حضن عمر وقعد يبوس فيا على راسي
انا:-عمر
عمر:-عيون عمر
انا:-مش هتسيبني صاح
عمر مات من الضحك:-معقولة انسيبك تي انا نعشقك كيف بنتخلى عليك ترا احكي 😍
انا:-يعني مش هتسيبني
عمر:-ولا انفكر انسيبك
انا بسته على خده ورديت رقدت عليه من جديد
  
_______________
  
انا :-ووووههههه
رنا:-تي كنك فجعتيني
انا قعدت نبكي:-تي شنو هالحلمهه هذي
رنا:-تي غير صكري فمك حلمههه هيا
انا:-اول مرهه نحلم في عز القيلهه
رنا:-عادي شنو حتى الحلمم فيه مرات هو
انا:-رنا حلمت حلمهه كلها خترفهه في خترفهه
رنا:-مادمنها خترفهه عليش تعيطي وقفتيلي قلبي
انا:-عليش نحلم بيه باهي!!
رنا قرنت حواجبها:-منو هذا !!
انا:-الساس سكري فمك مش شورك
وصبيت من جنبها
رنا:-بدت تحب البنت 😂😂😂شكلها
انا خشيت للحمام استكيت وسرحت
انا:-مش حب من اول نظرهه عيد تي معقولة نحلم بيه هل متكبر
خلاص وانتي يانوران كل حاجة اطققي فيها هيا حلمههه وخلاص وانتي معاقهه كله خترفهه اكيدهه تي حي عليا قعدت نحكي مع روحي استغفرالله
غسلت وجهي ولفيت شعري وطلعت
جدتي:-نضتي على موعد الغداء بالزبط
انا:-هههه شفتوها بطني ياما يطلع منها 😂😂
عبدالسلام:-نونههه 😍
انا:-اووو عبدالسلام ياتيس وينك عاش من شافك
عبدالسلام:-انتم الي وينكم لنا زمان عليكم
انا:-هههه ظروف شنجوك ياتيس تيوس
عبدالسلام:-والله تمام بشوفتك
انا:-هههه باهي دوم نحقك متمتم
عبدالسلام:-مزلتي تقولي في نفس الكلمة 😂😂
انا:-هههههه تي اكيدهه نونة ماتغيرش ياكبدي 😂😂
عبدالسلام:-باهي شنجو صحبتك غالية
انا:-ههه مزلت مانسيتهاش يادحناس 😂😂
بيسان فنصت عيونها
عبدالسلام:-ها شن اندير البنت راقية وخياليهه بكلل
بيسان:-غالية شينة بكل مالقيتها الا هيا
عبدالسلام:-الجمال مش جمال الشكل جمال الروح
بيسان رقتلها
حطوا الغداء وقعمزوا تغدوا وتهدريز وضحك اما ندى ينادوا فيها قالتلهم ماعندهاش نيه
ندى حابسة روحها في الدار ومش عارفة شن ادير
ندى:-مزال الوقت قدامك ونفكر على مهلي وانشالله نلقه الجواب الصح الي مش هنندم عليه
  
  
#يتبع