الحلقة التاسعة
ضغوطات الحياة
عمر:-اسمعي
انا:-نعمم
عمر:-ممكن تصرحيني وماتدسيش عليا شي واحكيلي كل شي
انا:-!!😳زي شنو يعني
عمر:-نوران انكون معاك واضح من الأخير ندى اختك هاربه مع واحد ولا
انا قعدت نرعش وقلبي حسيته بيطلع
عمر:-جاوبيني !!
انا قعدت نبكي ونشهق:-اها هربت بس نحن مش شورنا ندى لعب عليها الي تحبه لأنها صغيرة وحتى صحباتها بنات مش تمام بكل وهذا الي خلاها تهرب
عمر:-انا عارف كل حاجة
انا:-عمر انت عارف انه انت اول حب في حياتي اقسم بالله وماعمري حبيت كد قبلك وحتى انت الي هو انت انا مستخيل نرضى نهرب معاك لأنه هلي ماربونيش على هكي بس ندى الي تعرفهم هما الي خربوها بس انت من وين تعرف
عمر:-انا كان مانعرفش كان ناقلتليش بكل على اختك صاح
انا:-والله العظيم خفت اتسيبني بعدها
عمر:-اختك حامل
انا:-نعرف 💔
عمر:-حملت بالحرام بس حليناها وخلينا حسن يجوزها
انا:-وانت من وين تعرفه
عمر:-عرفني عليه احمد واسمعي
انا:-نعم
عمر:-خلاص بطلي بكى انا نعرفه حسن زيننن
انا:-عمر وراسس امكك دير حل وخليها اتجي بأي طريقة
عمر:-مزلتوا تبوها
انا:-بابا قال كان يشوقها يقتلها بس خلي حسن يجيه ويفهمهه
عمر:-وانتي عارفة انه حسن خايف من باتك ومايبيش يجيه
انا:-باهي اقنعههه وراس امك بأي شكلل
عمر:-مستحيل
انا:-على اقل نستروا الفضيحة الي ديرتها ندى
عمر:-كيف بتستريها وهيا حامل
انا:-مش عارفة وهذي المشكلة
عمر:-واختك عنادد
انا:-نعرفهااا راسها امسكر وياما دويتلها وحاولت نقنعها بس مافيش في ناس اخرهه اتخرب فيها
عمر:-المهم انا نقدر اني
نحلها المشكلة بس نحن لازم انسيبوا
انا بديت اندمع وقلبي وجعني:-وليش
عمر:-اناي عارفة يانوران انا مانقدرش ناخضك الا لما اختك اترد
انا قعدت نلكي وعليت صوتي:-قول من الاول انك ماتحبنيش وقول انه اختها اكيدهه زيها من بتطلع ونا الي خاربة وعشان هكِ اختي زيي بس انا مانلومكش اكيددههه معاك حق تمام كيف ماتبي
عمر:-موفقة سلام
انا وجعني قلبي وحسيته لا بررلي لا شي كيف الكف جاني وسكر عليا النقال ونا استكيت حتى الدمعة منحبسة ومعش قادرة نبكي
رنا:-نوران كنك
انا:-سيبنا
رنا:-من سيبتي
انا:-انا وعمر
رنا:-وليش
انا:-سيبني عشان ندى
بيسان:-انا قتلكككككك قتلككك ماتقوليلش ياغبية قتلككك
انا:-ماقتلشش العيلل يعرفهه طلع صاحب احمد الي اسمه حسن
رنا:-ماتسكتيش يانوران تمسكي في حبكك
انا:-كيف بنتمسك وهو اول ماقتله خلاص قالي موفقة وسلام هو مش متمسكك انا كيف بنتمسك
بيسان:-هلاص هانك وقالك معش نبيك فوتيهه
رنا:-قالك معش نبيك ما قالكش صاح
انا:-قاليش قالي ننهوها
رنا قعدت تبكي:-خلاص حبيبتي ماتعدليش مليون واحد يتمناك انتي
انا:-كذب بعد ندى معش حد يتمناني
رنا:-الي يحب صاح مايهمنش الامور هذي لكن شكله مايحبكش يانوران
انا:-مش هكِ بس حتى انا معاهه حق بعدين شن بيقولوا على عياله امهم الي هاربه وتشوهه سمعتهم وامه تبي تفرح بيه هو راس وليد وماليهاش غيرهه بتعطيه ليا انا مثلاً وهو مليون بنت اتمناههه
بيسان:-كان يبيك هيجيك انتي مادوريش حد وماتبكيش على حد باعك
انا:-بنات سيبني وراس امكن سيبني
بيسان:-هيا رنا
اطلعن رنا وبيسان وسكرن الضي
ونا نهرت بكى وخضيت نقال رنا وحطيت اغنية اتحبها فرح وديما نسمع فيها امعاها
خلاني بروحي وعدا
رخاني في الشدة
جرح قلب حبه 💔
قليل الخير
نساهن خلاص ايامي
باع بالرخيص احلامي
عشمني بكلامه
وعدا للغير
سلامتك قلبي امانة
جازيتني ليش بالخيانة 💔
ضحية غرامه
ماعندك ضمير 💔
أنت تقرأ
ضغوطات الحياة ( روايات ليبية )
Romanceللكاتبة : أية صاحبة رواية المستشفي عندما تكون ضغوطات الحياة عائق أمام كل شي في حياتك حتي الحب ؟ فماذا ستفعلين ؟
