ظلمني النصيب ( روايات ليبية )

حلقة 1🔥

"رواية ظلمني النصيب"
الحلقه الأولي
للكاتبه "هديل عزالدين"
جميع الحقوق محفوظه
طبعاً كلنا عارفين النصيب هو اللي يحكم بين إن كانت قصة حب ولا بدونها النصيب يجي ويدمرنا 💔
نبدوا القصه♥!!
هديل بنت طيوبه هلبا مانحكيلكمش ع روحها الطفوليه ، عيونها البرئيه يللي فيها الف قصه ، طاقتها الإيجابية، ضحكتها اللي تعبي الدنيا اول ماتخش لمكان ، كل ناس تحبها بعفويتها وكلامها اللي ينقط عسسل😍
هديل م 2001 كانت بيضه عيونها كبار ورموشها طوال💛😭 كان لون عيونها "بني" وكانت عندها غمازه وحده من جيهة الايمين😭🙄 وكل من يشوفها يحبها بكلل ، كان طولها وسط مش طويله ولا قصيره ، وكانت مش مرتبطه☹💗
هديل كانت عندها صاحبه اسمها لمياء م 2000، لمياء بنت حبوبه وتحب الضحك حتى هيا ، كانت سمرا شوي وطويله عيونها كبار لونهم "اسود" ، مرتبطه ب أحمد❤
أحمد/ م 92 كان اسمر طويل وعنده لحيه😭💗 ، وعيونه كبار ولونهم "بني غامق"
ناذر/ صاحب احمد م 92 برضو كان اسمر وطويل عيونه كبار ورموشه معبيات وعيونه "سووود😭💗" كان عنده لحيه "نتعب معاهم الحق تبع لحي😭😂اكيد أنتُ زيني😂" كان عصبي بس حنين💛
_______
نبدو روايتنا💙
شهر 7🙄
هديل/ ناضت الصبح دارت دوش وطلعت صلت ودعت ربي ونزلت لي اهلها💛
هديل/ صباح الخير يا أحلا عيله😍
جميله امها/ صباح الورد يا أحلا بنوته☹💗
عمر بوها/ صباح الفل بنيتي😍
هشام خوها/ صباح الدلاع😂
هديل/ ها ها ها يابارد😒
جميله/ بطلوو😂
وفطرروو
كملو وغسلت هديل الماعين ودارت دوره ع الحوش وقعمزت في الصاله خدت تلفونها فتحت نت لقت لمياء "active now"
هديل/ بسس ياكلبه
لمياء/ اوووه الحب❤
هديل/ شن جوك شن مدايره؟!!
لمياء/ مكسده وانتي؟!!
هديل/ زيك ، قتلك شن رايك بعدين تجيني نغيرو جووو مكسده هلبا بروحي في الحوش😭😭؟!
لمياء/حاضر نكلم ماما ونجيك اولاً مستاحشاتك😍
هديل/ مش أكثر مني😍
وقعدو يهدرزو🙇‍♀
_______
عند ناذر واحمد💛
يخدمو في شركه هندسه وهكك لتصميمات🙄
في شركه❣
احمد/ صباح الخير يابرووو
ناذر/ صباح النور يارااا
احمد/ شن جوك
ناذر/شوفت عينك مضغوط ياراا هلبا وانت
احمد/ والله نفسك ، عندنا تصميمات لازم نكملوهم راه!!!
ناذر/ايي عارف
أحمد/غذاك عندي اليوم ع حسابي😂
ناذر/ والله جت منك ياجامع😂وفرت🌚
أحمد/هههههه يلا نتلاقو يارااا🤞
وطلع وكل واحد ع شغله

لمياء/تتصل ب أحمد
احمد/ بنتي💓
لمياء/ حبيبي صباح النور☺
أحمد/ صباحي انتي😍
لمياء/ شن جوك ياروحي؟!!
أحمد/ كويس ياروحي وانتي؟!!
لمياء/ كويسه انا..... ويهدرزوو
_____
عند هديل في الحوش
خشت للمطبخ دير في الغدي لي أهلها💗
درات كسكسي وتكمت الجوو وجيي وقت الغدي.....💙
تغدو وكل حد خش لداره هديل كملت المطبخ  دارت كيكه وقالت بعدين ندير نسكافيه ، وكملت حوستها وبرضو دارت دوره ع الحوش بحكم صاحبتها "لمياء" بتجي💛

________
الساعه5
هديل سمعت الحوش يشرين نزلت تفتح😍
هديل/ لمياااء😍حبيبت قلبي
لمياء/ هييي يابقره استاحشتك😍 تقول ليا سنه ماشفتك😂
هديل/ مش أكثر مني خشي😂
لمياء/ ها احكيلي شن جوك
هديل/ شوفت عينك مكسده بككل😂وانتي شن جوك مع حبيب القلب هاا😂
لمياء/ اخخخ يهبل ياهديل ، بنموت فيه وهو يحبني😍 ، اسمعي بنقولك؟!!
هديل/ خير
لمياء/ بنتلاقا بكرا انا وياه تمشي معاي😍 ومنها ندهورو غر نشوفه بسس😭
هديل/ لا لا مانبيش نمشي فكيني وانتي علاش ماشيه شن بديري😒
لمياء/ هديل تعرفي صاحبتك مش متع الجو هذا لكن والله استاحشته😭 هيا عشاني😿
هديل/ اخخخ باهي باهي غر يسخفو فيا عيونك مش ع خاطرك راه😒😂
لمياء/ نجكك ليا ياروحي😍😂 قوليلي شن مش مدلعه الجوو هككي كيكه عصير😂
هديل/ تفوو بقره عمرك ماتشبعي الله يعين أحمد كيف بيدير معاك😂
لمياء/ نوضي وانتي ساكته😂
هديل/ هااا هي😂
وتتت هديل النسكافيه والكيكه "وساعدتها لمياء تعتبر فيه حوشها تاني مافيش رسميات الان من الصغر مع بعض ومتربينن مع بعض بالرغم لمياء اكبر بس نفس السنه يقروو الان هديل داخله قبل عمرها" كملو وخشو يشربو ويهدرزو😍
وفات الوقت ضحكك كله
لمياء/ قتلك تفكرتيها هديكا البنت يللي تقرا معانا اسمها "نسيبه"🙄!!!
هديل/ اها خيرها هادي يللي تقول نحب واحد اسمه "ناذر" وهو مش معبرها صح😂
لمياء/ اييي الولد هذا  صاحب احمد😂
هديل/ اوووه بتقعدو سالفات من بعيد😂
لمياء/ بعيد الشر😒 اصلا متاعت ولاد هيا مش حايرضى بيها الولد🙄
هديل/ مش لازم تدوي هكك لمياء ربي يسترها بعدين حباته او لا شي يخصها💗
لمياء/ باهي وانتي نقلبتي شيخه😂
وهدرزو وكملولها ضحكك😂
مع ساعه9
لمياء/ يشرين تلفونها!!! ، ردت
خوها مصعب/ اطلععععي بسرعه🌚
لمياء/ اهو طالعه ومعاش تكشخ ياوجهه التمساح😒
مصعب/ لمياء وربي لما تشوفي عليها😂
لمياء/ طوووط😂صكرت عليه
مصعب/ عنشكلها بككل😂 ، لكن والله عندي أخت حانطه هيي😂
نحكيلكم ع مصعب طبعاً طررفووش الولد م93 طويل شخصيه وعنده لحيه عيونه كبار وسوود🤤 مش مرتبط كان يحب وسيباته حبيبته وتزوجت😭 بس نساها عانا هلبا بعدها وت

وا وقف من جديد وقعد قوي
"طولت عليكم😂 بسلامتي نحب نحكي😂"
_
لمياء/ حبيبتي هي الدور عليك المره جايه تعالي عندي😍
هديل/ وااااك والله ماشبعت منك😭
لمياء/ ولا انا هي وحضنتها😭
وروحت
__
في سياره🙄
لمياء/ ركبت وخبطت الباب بالقويه😂 " أكثر حركه مستفزه تقريباً تبرد القلب والله😂"
مصعب/😳😳😳 هييي بالشويه ع الباب عننجدك
لمياء/ ماتخافش ياوجهه العنز ماصارله شي شوف😒
مصعب/ من وجهه العنز ياعنزه🌚
لمياء/ مافي عنز غيرك برا هيا😒😂
مصعب/ شينه😂
لمياء/ انت الشين😭
مصعب/ سكري فمك خلاص 😒😂
وصلو للحوش
لمياء/ ماما🙄
فوزيه امها/ نعم يابنتي💛
لمياء/ ماما غدوا بنطلع انا وهديل نغيرو جوو عادي☹
فوزيه/ غر ديرو بالكم من رواحكم وخودي الإذن من بوك وخوك زيدي💙
لمياء/ حاضر يا أحلا ام😍 " مش منها حتى هو احمد😂"
لمياء/ بااااباااااا😂
محمد بوها/ نعم ياعيون بوك❤
لمياء/ بابا غدوا بنطلع انا وهديل عااادي😭؟!!
محمد/ وين طالعين!!!
لمياء/ بنمشو لموزارت🙄
محمد/ باهي بنيتي ديري بالك علي روحك وغدوا قبل نمشي العمل توا نحط ليك فلوس مع امك💛
لمياء/ نجكك لي سندي😍
مشتت لي مصعب طقت ع دراه
لمياء/ وخييي☺
مصعب/ إدوي شن تبي🌚
لمياء/ قتلك غدوا بنطلع انا وهديل عادي☺
مصعب/ وين طالعين🙄
لمياء/ لي موزارت☺
مصعب/ باهي بري
لمياء/ شكرا☺ باي😂😂
مصعب/ هبله😂😂😂

_____
عند هديل😍
جميله/ هديل ياهديل
هديل/ نعم ماما
جميله/ انزلي تعشي بنيتي
هديل/ جياتك هي😍
وقعدو يهدرزو💛
هديل/ ماما بابا هشام غدوا نبي نطلع مع لمياء عادي☹
عمر/ وين طالعين يابنتي؟!!
هديل/ لي موزارت☹
عمر/ خلاص عادي يابنتي بري غيري جو وبعدين تعاليلي نعطيك فلوس💗💗
هديل/ نجكك ليا يابابا صحيت😍
جميله/ انا ماعندي مشكله مدامه بوك وافق💛
هشام/ هديل ديري بالك علي روكك وخيتي باهي💗💗وهادم فلوس مني ليك غيري جوك💙
" محلاه الاخ يللي يقعد خايف عليك وخايف يفقدك وعنده انتي بالدنيا ويغار عليك محلاااه، نكتب فيها ونبكي ، ياريت عندي اخخخ ربي عطاني كل شي إلا اخخ💔"
هديل/ صحيت وخيي والله مامستحقه😔
هشام/ خوديهم من خوك هيا😍
هديل/ نجكك ليا ياسندي وظهري جعني مانفقدكم ياربي☹
خلي نحكيلكم ع هشام😍
م 93 طويل عيونه كبار شخصيه يحب يلبس ويهتم بنفسه وهككي😍
مرتبط ب بنت اسمها " مرام" حانتعرفو عليها في الحلقات الجايه💗
____
جي يوم جديد وصباح حلووو بككل ع لمياء بأنها حاتشوف أحمد 💗
وهديل الأنها حاتشوف صاحبتها وبتغير جو💙
فات اليوم عادي جت الساعه4 
خشت لمياء دوشت طلعت لبست سروال تجينز سوريه بيضاء حلوه وشوز ابيض 💗 ودارت مكياج بناتي مش هلبا خفيف ☹

عند هديل خشت دوشت وطلعت
لبست سروال تجينز وبدي ابيض وفوقه جاككه جينز وشوز ابيض "Naik"  ودارت مكياج بسيط بككل😍
طلعت تهبل😍

_____
عند احمد وناذر
أحمد/ تي هيا ياراجل برا معاي
ناذر/ فوت ياراجل
أحمد/ تي ياراجل البنت تراجي فيا هيا
ناذر/ برا هي فوت قدامي
ومشووو
_____
هديل/ وينه هذا صاحبك اسمعي هو بيجي انا بنوض راه
لمياء/ تمام اكيد مش حاتقعمزي معانا😂😂
هديل/ تفووو ماعاد تتحشمي😂
وع خشت أحمد❤ وناذر💛
ناذر اول ماخش عينه جت ع هديل وضحكتها😍💗
احمد/ حبيبتي😍
لمياء/ حبيبي😍
وهديل مشت من جنبهم😂
ناذر وعيونه فيها
ناذر وهو يطلب ع جيت هديل بتطلب شي ، ناشت رجله
هديل/ اسفه مش قصدي☹
ناذر/ خيرك ماتشوفيش😒
هديل/ تأسفت منك تقريباً ولا😒
ناذر/ خلاص فوتي🙂
هديل/ اكيد بنفوت😒 وقعدت تطلب وخدت كيك وعصير وقعمزت
ناذر........
زعما شن بيصير في ناذر وهديل ، واحمد ولمياء ، وهشام ومرام شن قصتهم ، وشن قصت مصعب💛
كله حانعرفوه الحلقه الجايه💙