ظلمني النصيب ( روايات ليبية )

حلقة 14🔥

"رواية ظلمني النصيب"
الحلقه الرابعه عشر
للكاتبه "هديل عزالدين"
جميع الحقوق محفوظه
_____________
وهذا كله كان تحت مسامع نادر💔
نادر/ اخخخخ ياربي شن درت انا ؛ هديل من كان يكلم فيك
هديل/ ااا هادي لمياء تسال
نادر/ اليوم خطبتهم قال أحمد
هديل/ اييي صح هي بنشمي نضم الحوش
نادر/ باه💔
وطلع نادر بيمشي يوقفمع صاحبه وخوه أحمد في خطبته
فات الوقت وهديل متكسره وملوحه في الحوش شوي وحست روحها ساخنه بككل ؛ وجنبها وجعها مادورتش شوي وقعدت ترجع "حشاكم" وتحس بروحها دايخه وساخنه بككل ، خشت للحمام بتغسل وجها داخت بالحمام " حشاكم" ولا حد يندري هيا شن صايرلها💔
________________
عند لمياء
أحمد/ يتصل بـ لمياء...... ايوه مرتي😍
لمياء/ حبيبي شن جوك😍
لمياء/ تي بككل طاير من الفرحه واخيراً بتقعدي ليا والله بعد نخطبك بنرتاح بككل هي
لمياء/ وانا ليك😍
أحمد/ نحبكك
لمياء/ نموت فيك ؛ هي حبيبي بنشمي نوتي روحي هند وصفاء جايين
أحمد/ مش جايه هديل ولا كيف
لمياء/ اييي قالت عازمتها عمت محمد
أحمد/ اييي قال نادر💔 هي بري هي
وصكرو
أحمد/ الله يسامحك يانادر شن درت في البنت والله ماتستاهل💔
وفات الزقت ولبست لمياء قفطان مشماشي طويل وفوق كريستال ومن الوراء مفتوح من الظهر ودارت تسريحه بسيطه ومكيب وبخت بارفانها
وهند لبست سروال جينز وسوريه بسيطه بككل وميكب خفيف ودارت شعرها ديل حصان💗 وصفاء سروال اسود وسوريه بيضاء ببسيطه برضو وميكب خفيف وخلت شعرها عادي مفتوح
جو اهل أحمد وشافو لمياء وخطبوها رسمي وقعدت ليه 💗💗
وفات الوقت
___________
عند هديل
هديل فاقت ولقت روحها طايحه في الحمام
هديل/ ياربي شن صارلي حاسه روحي صقعانه بككل💔😭 ياماما وينك ، وتبكي💔
ناضت هديل وخشت لدار تلوحت ع سرير وهيا صقعانه بككل
شوي وجي نادر خش لقي هديل راقده في سريره
نادر/ هادي شن دير هني الزح🙂 هديل نوضي هديل
هديل/همممم
"يادوب تتكلم"
نادر/ هديل نوضي بنرقد
هديل/ تمام هي سامحني مانندريش ع روحي
" هديل خلت روحها قويه ومابتش تخليه يحس إنها مريضه"
ناضت ومشت ع الكنبه
هديل/ الله يسامحك يانادر ، شن درتلك عشان تعاملني هكك ، وحق ربي معاملتك ماتتعامل ليهودي💔

" ينعمى ع قلوبنا لما يقعد نبو نتتقمو او نرضو ذاتنا ع حساب الغير💔"
نادر خش دوش ولبس توته وتكئ ع سرير وشم ريحتها💗
شوي وشرين فونه........

___________
قبل 3 ساعات من توا💛
نسيه قعدت دور ع رقم ليلى لن لقاته
" ليلى هادي كانت حبيبت نادر يللي سيباته ع خاطر واحد تاني عنده فلوس وتزوجت منه وطلقها"
نسيه/ تتصل بـ ليلى....... السلام عليكم
ليلى/ وعليكم السلام ، من معاي
نسيبه/ هادي انا نسببه
ليلى/ اهلين نسيبه
وقعدو يهدرزو
نسيبه/ قتلك ليلى ، نادر تزوج من وحده كانت تقرا معاي م2001 صغيره وانتي لازم تمشي تاخديه منها اكيد هو يحبك
ليلى/ اووووباا😍 وكم تعطيني؟
نسيبه/ كيف يعني؟!
ليلى/ هذا كله مش بالبلاش!!
نسبه/ اهااا ، باه ديري يللي قتلك عليه وخليه يطلقها وبعدين نتفاهمو🤤
ليلى/ تم ساهله هادي ، ابعتي رقمه خلي نشوفه🤤
نسيبه/ شوي ويوصلك في رساله ، وقوليلي شن يصير معاك اول بـ اول باهي
ليلى/ تم هي
وصكروو
بعتت نسيبه رقم واتصلت ليلى بـ نادر
__________________
شرين تلفون نادر......
نادر/ ايوه
ليلى/ حبيبي عرفتني
نادر عرف نبرة الصوت ايي هيا نفسها وربي ليلى ايي هيا
نادر/ خير شن تبي
ليلى/ نادر استاحشتك
نادر سكت وضعف معاها
ليلى/ حبيبي
نادر/ خير شن تبي بنسكر
ليلى/ خليك معاي بيبي
نادر/ ليلى إدوي شن تبي بنسكر
ليلى/ سمعت إنك تزوجت
نادر/ اي ونحبها
ليلى/ بااه حتى انا نحبك ونبيك ليا
نادر/ بري لي راجلك
ليلى/ طلقت انا وتوا نبيك
نادر/ تحسابيني لعبه امته ماتبي تجي وامته ماتبي تخليني زيدي غادي
ليلى/ حبيبي نبيك خيرك ، انا معاش مزال هلبا ونموت عندي مرض ونبي الايام هاذي تكون معاي
نادر/ خيرك ليلى شن فيك احكيلي
" خاف عليها ، باه وهديل كيف خليتها ، كيف؟! أكثر انسانه محتاجاتك ، بس بعد نحبو معاش نشوفو الصح من الغلط ، نمشو لناس تلعب علينا ومانشوفوش ورانا ، ورانا في ناس تحبنا وتبينا وتحمي فينا بدون لانعرف ، ايي وهما توا محتاجينا💔"
ليلى/ مريضه بالسرطان انا
نادر/ ليلى حاتكوني بخير انتي
ليلى/ حبيبي خليك معاي مانبيش شي
نادر/ حاضر انا معاك اللاخير💔
" ماحسبش حساب نادر ومفكرش إن يللي يخليك ويكذب عليك مره ، يخليك ويكذب عليك مره تانيه ، وهني لعبت نسيبه وليلى لعبتهم🤞"
نادر قعد الليل كله يهدرز ع ليلى وهو غارق معاها ولا يندري ع شي
هديل يللي مريضه ومش قادره تتحرك وتحس في روحها صقعانه ، زادت الحراره ارتفعت وقعدت تهلوس ، ومافيش حد معاها💔
أحمد ولمياء فرحانين بخطبتهم وكيف حايقعدو لبعض💛
مازن وإسراء فات سبوع يحكو مع بعض وخطبها وتمت خطبه رسميه💗
مصعب وهند برضو بيطلعو العرس بعد شهر وبيحولو اهلها للحوش الجديد 💙
هشام ومرام بيخطبها عن قريب وكلم خوها💗
______________
يوم جديد💛💛💛💛💛
ناض نادر وهو فرحان إن حبيبته كلماته وخايف عليها
"عليك اهبل😒"
نادر/ هديل ، هديل وينك
مشي لصاله ولقي هديل متلوحه
نادر/ هديل خيرك بنبدو في الدراما😒هييي انتي نكلم فيك نوضي ديريلي فطوري بنطلع
هديل/ لا رد....
نادر/ الزح نوضي نكلم فيك
هديل/ همممم اهو نايضه هي💔
نادر/ عليك طروح😒
هديل ناضت بسيف ومش قادره تتحرك
هديل/ حسبي الله ونعم الوكيل فيك كل مانقول تغيرت نلقاك قاعد زي ما انت مش طالبه منك شي غير حس بيا💔💔😭
وتت فطوره
نادر/ فيك شي خيره وجهك
هديل/ لا كويسه انا افطر وتوا نجي نغسل الماعين
هديل حراراتها بككل راكبه وقاعده تقاوم تحس بدوخه وجنبها قاعد يوجع 💔
شوي وطلع نادر بيشوف حبيبت قلبه ليلى😒
وتلاقو في موزارت🙂
ليلى/ حبيبي استاحشتك
نادر تفاجئ هذاكا المكياج ولبس المكشوف " هادي مريضه ، يلا بلكي ماتبيش تبين لحد"
نادر/ مش اكثر مني ياحبي
وقعدو يهدرزو وطلعو وعطاها فلوس قلها عشان تتعالجي بيهم
ليلى/ حبيبي لا لا خليهم لك
نادر/ لا عندي انا بري تعالجي خودي
ليلى/ ربي مايحرمني منك
" وهيا داخلها فرحانه حصلت فلوس الجعانه😒"
ونادر هو واقف ع ليلى شافهم أحمد
أحمد/نادر
نادر/ اوووه اهلين حميده
ليلى/ اهلين أحمد
أحمد/ لا اهلين ولا سهلين🙂 اطلع قدامي ياراجل وتحشم شوي
نادر/ شن فيه
أحمد/الزح امشي يانادر مانبيش تفصل عليك
نادر/ تم هي ، هي حبيبتي ديري بالك علي روحك بعدين نكلمك
أحمد/ شن يللي دير فيه
نادر/ شن ندير
أحمد/ معقوله هادي اخرتها تولي لي وحده خلاتك
نادر/ نحبها انا بعدين هيا مريضه وقريب تموت نبي نقعد معاها
أحمد/ تي ياراجل تحشم علي وجهك راك متزوج ، شن دنب البنت باه
نادر/ مش متزوج زواج ع الورق بس هذا ،
أحمد/ طلقها باه خلي ياخدها واحد تاني يصونها يانادر اختي هادي راه واكثر تي نعزها البنت
نادر/ حس بشي وكأنها غيره ، لا مش مطلقها الا بعد شهرين
أحمد/ باه تمام دير يللي في بالك تمام وبنقولك تلعب عليك هادي تبي الفلوس بسس توا يجي وقت وتذكر كلامي
نادر/ قعد شاك في كلام صاحبه
ومشي يلحق في ليلى وركبت في سياره ولد شافها
نادر/ الزح شن هذا بنت $#/@/@ ، طلعت تلعب زي ماقال احمد تفو يا#$@$^
ولاحقهم بـ سياره وشافهم درسو جيهة البحر ودارو شن دارو في السياره
نادر/💔💔💔💔
تاني مره تخونيني تفوو عليك يا/$##$
شوي وحت نسيبه طقطقت ع سياره عشان تطلع
نسيبه/ هيا تعالي
ونزلت ليلى
نادر/ اوووباا بنات##@$$ متجمعين مع بعض
نسيبه/نادر😳😳😳😳😳
ليلى/ ناااااادر😳😳😳😳😳😳
نادر/ ايييي نادر تي تفووو عليكم باهي شن قتلك انتي يانسيبه تبو تلعبو قاعدين
ليلى/ حبيبي اسمعني هادي نسيبه قتلي تبي تفرقكم وربي هيا اتصلت بيا وقتلي نبي نفرقهم انت وهديل
نسيبه/ كذابه وانتي خديتي الفلوس ياجعانه
نادر/ وربي لو نشوف ارقامكم انتم الاتنين يابنات/$##$:& تشوفو واي تصرف تاني باه حانفضحكم وربي لما نفضحكم
نسيبه وليلي خافو
ليلى/ معاش تشوفني بككل
نسيبه/ وحتى انا نوعدك
نادر تفووو
___________
عند لمياء تتصل بـ هديل
لمياء اتصلت 6 مرات وماردتش
هديل شوي وفاقت وهيا تعبانه لقت لمياء تتصل
هديل/ ايوه
لمياء/ وين كنتي ياهديل خوفتيني عليك انا مش مرتاحه هديل فيك شي ولا
هديل/ لا لا كويسه
لمياء/ هديل معاش تكذبي شن فيك خيره صوتك
هديل/ حراراه عندي بس
لمياء/ وين نادر
هديل/ ااااا نادر طلع يجيب ليا في دواء تعب معاي من امس وهو واقف معاي حتى النوم مارقدش تعرفي
لمياء/ ياحبيبتي كويسه توا😭
هديل/ اييي كويسه شن جوك انتي وشن جو الخطبه مبروك😍
لمياء/ الله يبارك فيك 😍
وقعدو يحكو وصكرو
شوي واتصل أحمد بـ  لمياء
أحمد/شن جوك حبيبتي لقيتك انتظار في من كنتي تكلمي
لمياء/ نكلم في هديل مريضه😭💔
أحمد/ خيرها
لمياء/ حراره قالت
أحمد/ ونادر وين💔
" مايبيش يحسسها"
لمياء/ قالت هديل طلع يجيب في دواء ومن امس مخلانيش قاعد معاي شكله قعد يحبها😍
أحمد سخف ع خالة هديل كانت اخته كانت لما يتعارك مع لمياء هي تصالحهم
أحمد عرف إن نادر مايعرفش إن هديل مريضه وإنها تكدب ع لمياء ماتبيش تحسسها
أحمد/ حبيبتي توا ديري بالك علي روحك ، نادر يتصل
لمياء/ حتى انت حبيبي هي سلام نحبك
وصكرو
أحمد/ يتصل بـ نادر ..... ايوه
نادر/ اهلين
أحمد/ شن قاعد مع حبيبة القلب
نادر/ شن بنقولك طلعت بنت كلب وتلعب زي ماقلت
أحمد/ هه مش قتلك شن صار احكيلي
نادر/ووووو.....وحكاله
أحمد/ ربي باعدك عليها ، قتلك تعرف إن هديل مريضه
نادر/😳😳😳كيف؟!..يتبع