"رواية ظلمني النصيب"
الحلقه السادسه عشر والاخيره
للكاتبه " هديل عزالدين"
جميع الحقوق محفوظه
______________
فاتت ليله حلوه ع هشام ومرام💗
وع مازن وإسراء💛
وكانت حلوه ع نادر وهديل😍❤
_________________
يوم جديد💛💛💛💛💛
ناضت هديل قعدت تشوف في نادر وعيونها فيه ، ناضت خشت للحمام " حشاكم" دوشت وطلعت صلت💗
خشت توتي في الفطور لي نادر💛
ناض نادر لقي هديل مش جنبه خش دوش
نادر/ حبيبي امته نضتي😍
هديل/ مالياش هلباا😍 هي تعالا افطر
نادر/ تعبتيني امس😍🤤
هديل تحشمت☹💗
هديل/ خلاص نادر☹
نادر/ نجيلي المتحشم انا😍 هي تعالي افطري ونطلعو نديرو دوره ونتغدو برا💛
هديل/ هييي حقاا😍 قداش خاطري نطلع معاك
نادر/ وتوا حايتحقق😍
هديل/ ايييي
فطرو وغسلت هديل الماعين ودارت دوره ع الحوش وكملت💛 شوي ونزلت لي عمتها بتشوفها
هديل/ عميمه صباح الخير😍
زينب/ صباح النور بنيتي😍
هديل/ شن جوك اليوم ياغاليه
زينب/ الحمد الله يابنتي ، انتي شن جوك انتي ونادر
هديل/ الحمد الله وين لجين وعمي شن جوه
زينب/ الحمد الله اوينه عمل
هديل/ ربي يقويه
لجين/ صباحوو ورد😍
هديل/ صباحك عسسل😍
ع خشت نادر
نادر/ صباحو ياعيله
كلهم/ صباح الورد
وقعدو شوي يهدرزو
وركبت هديل ونادر
ولبست هديل سروال جينز وبدي ابيض وفوقه جاككه جينز وشوز ابيض ودارت ميكب بسيط مش هلبا وبخت برفانها💗
نادر لبس سروال اسود وسوريه زيتونيه والشوز زيتوني وبخ برفانه💗
نادر/ طالعه تهبلي ، لكن آخر مره تلبسي هكي مره تانيه عبايه😍
هديل/ هييي نادر مانحبش نلبسها
نادر/ بتلبسيها ع خاطري😍
هديل/ انشاء الله😂
وطلعو
نادر وقف ع مطعم الوليمه💗
نادر/ هي انزلي
هديل/ هي
ونزلو وتغدو وبعدين شوي قعدو يلفو
نزلو جيهت البحر ومسك نادر في يدها💗
نادر/ نبيك تسامحيني ع اي غلط درته لك💔
هديل/ نادر مسمحاتك انا خلاص😭
نادر/ نحبكك يادريه😍
هديل/ نادر انا مش دريه راه انت طويل
نادر/ هههههههه وربي دريه شوفي روحك وين واصله ليا في بطني😍😂
هديل/ نادر زيد اضحك مانحبش حد يقولي دريه😭
نادر/ انتي دريتي انا😍
هديل تحشمت☺😍
نادر/ رجعنا للحشم😍
هديل/ نااادر😂
نادر/ هههههههه😍
وفات الوقت وهما مع بعض
_____________
عند هشام ومرام طلعو دارو دوره وتغدو بره ، ودهورو ولو للفندق💗
______________
وعند مازن وإسراء برضو هكي💛
وكانو طايرين من الفرحه
______________
عند لمياء
أحمد/ لمياء بنطلع العرس راه الشهر الجاي
لمياء/ هييي بسرعه هادي
أحمد/ اييي
لمياء/ باه كلم اهلي
أحمد/ تي كلمتهم😍😂
لمياء/ وانا اخر من يعلم😂
أحمد/ كنت عارفك حاتوافقي امبكري جيت لبوك الصبح تفاهمت انا وياه وعطيته الفلوس اطلعي واشري حاجاتك شقتي وكملتها ناقصه انتي 🤤😍
لمياء/ حاضر اليوم نطلع نكمل ونحجز في الفيلو😍😭
وقعدو يهدرزو وصكرو
لمياء/ نتصل بـ هديل نقولها تطلع معاي
لمياء/ دييييلو😍 شن جوك
هديل/ فوق الريح😍وانتي
لمياء/ مليح😍 قتلك أحمد بيطلع العرس بعد شهر واليوم نبي نطلع نشري حاجات ياسر في الخطبه مش معاي توا نبيك💔😭
هديل/ ياعمري الف مبروك😍 ، حاضر نكلم نادر ونقولك بتطلعي العشيه
لمياء/ اييي
هديل/ باه توا انا ونادر برا باهي وقبل العصر نقوله يحطني عندك ولو تبي هو يطلعنا باهي
لمياء/ نجكك لي ياربي وفرتي علي نستناك🙈
هديل/ ههههه بقره هي بري😍
وصكرووو
نادر/ خيرها لمياء
هديل/ قالت احمد بيطلع العرس بعد شهر واليوم نبي نطلع نكمل حاجاتي
نادر/ تبي تمشيلها انتي
هديل/ لو مايضايقك هالشي ياريت الان خطبتها ماحضرتهاش☹💗
نادر/ من عيوني حاضر بعدين توا نطلعكم
هديل/ يخليك ليا😍
نادر/ وليا يارب😍
فات الوقت لن جت ساعه4 ومشت هديل لي لمياء وسلمت ع اهلها وطلعو
نادر/ انا بنحطكم وبنمشي لي احمد بعد تكملو اتصلي بيا هديل
هديل/ تمام حبيبي
لمياء/ صحيت يانادر والله بنتعبك ، لكن وجهه التور خوي مايبيش يطلع
نادر/ الا مصعب ايوه😂
هديل/ههههههه 😂
ونزلو ومشي نادر
شرت شن ناقصها من حاجات وحجزت في الفيلو
وروحو وقعدو شوي حاجات
خشت هديل دوشت ولبست روب قصير وبخت بارفانها
ع خشت نادر
نادر/ اوباااااا😍🤤
هديل/ اممممم
وقرب منها وباسها من.......💋😍
وطيحها ع سرير ووووووو..........❤
____________
تسريع احداث💛💛💛💛💛
جي عرس لمياء وأحمد
وكانت لمياء فرحانه بككل حبيبها قعد ليها واخيرا💗💗🙇♀
مشت المزين ومشت معاها هديل
لمياء دارت تسريحه وميكب وطلعت تجنن
هديل ماحبتش تكثر دارت تسريحه بسيطه وميكب بسيط ولبست قفطانها يللي كان طويل كان ابيض وفيه النفخه وكأنها عروسه ومن جيهت الكتاف طايح شوي😍 طلعت تهبل😭💛
لبست لمياء الفيلو وكانت ملكه🙈
هديل/ ياربي محلاك الحمد الله يللي شفتك عروسه 😍 ومزفزفه لشخص يللي تحبيه😍الف الف الف مبروك😍
لمياء/ ياعمري انتي ياوخيتي نحبكك وربي😭💛الله يبارك فيك😍
وصور مع بعض في المزين
وحضنو بعض وشوي وجي مصعب
مصعب/ حييي وجهه التمساح طلعتي تهبلي يافرخه😍
لمياء/ هيييي ياوجهه التور انت يللي تهبل
شخصيه اااا😍
مصعب/ الف مبروك عليك ربي يهنيك ياوخيتي😍
لمياء/ الله يبارك فيك
وحضناته😍😭💛
" بجد محتاجه اخخ ، محتاجاته وهلبا ، شي مش ساهل يكون عندي مش اخ ، وربي لو بيدي امنييه كنت حانتمى يكون اخ عندي بس والحمد الله💛"
ومشو لصاله وهديل معاهم
خشت وكان يدرج فيها مصعب
لا اله الا الله💗
لا اله الا الله 💗
الف الصلاة والسلام عليك ياحبيب الله محمد💗
صورت هيا ومصعب لمياء وعيلتها وصاحبتها هديل وهند وصفاء
شوي وطلع مصعب ولحقاته هند😍
هند/ حبيبي😍
مصعب/ طالعه تهبلي عندك علم😍 امته بتكوني ليا بسس قريب انشاء الله😍
هند/ نحبكك😍
مصعب/ نموت فيك😍
وطلع
وجو الناس قعدو يسلمو عليها ووصل العشي
ولمياء كانت مدايره بروجكتر💗فيهم صور العيله وصاحبتها وكل شي هديل💛
وكانت مركبه ع كل صور اغنيه
صور بوها كانت اغنية حبيبي يا بوي💗
وصور أمها كانت أمي ثم أمي💗
وصور مصعب اغنية يوم لجينا ع هدنيا بلفز اسمك ياخيي💗
وصور صاحبتها هديل وهيا ع أغنية ايام في العمر مابتعديش😍
واثرت في لمياء هلباا
وشوي وخش احمد وزفها ع اغنية
سمعني نبضك💗
دفيني بنار حضنك💗
ابيك الليله وحدك💗
الي تكووون💗
قرب عليا💗
حس النار اللي فيا💗
وشوي وروحو المعازيم
وروحت لمياء
احمد/ واخيرا قعدتي ليا😍
لمياء حطت يدها ع رقبته😍
لمياء/ نحبكك
وووووووو.........💗
_________
فاتو ايامات وهديل طلعت حامل😍🙈
هديل/ نادر
نادر/ عيونه
هديل/ بنقولك حاجه☹💗
نادر/ احكي
هديل/ اممممم انا حامل☹💗
نادر/ احلفي ونبي تحلفي😍 حايصير عندي ولد يحمل اسمي😍
هديل/ ايييي🙈
نادر/ نحبكك ونعشقك يأم صغاري
وفرحو كلهم لمياء إنها بتولي خاله وهند وصفاء حايكونو خالات ، هشام يللي بيقعد خال ولا جميله وعمر يللي حايشوفو حفيدهم الاول ، ولازينب وعلاء يللي عندهم فرحهه كبيره هاذي ، ولا لجين يللي بتقعد عمه واخيرا😍
____________
وفات شهور وهديل بطنها كبرت
نادر/ هديل قعدتي زي البطه😍😂
هديل/ نادر باللهي اسكت ونوض من بحداي مش طايقاتك ، وتبكي😭
نادر/ معقوله حبيبك انا تبيني نمشي😍😂
هديل/ ناااادر نوض😭
نادر/ خاطرك في شي نجيبه لك😍
هديل/ نبي شاورما😍وشكلاته وووو شيبس😍
نادر/ هههههههه حاضر هي ديري بالك علي روحك وع ولدي😍
________
وفات ايام ودارت هند وصفاء عرسهم وتزوجو😍
ولمياء طلعت حامل برضو🙈
وفرحو كلهم واولهم هديل😍
وقعدو كل يوم في محل الأطفال يشرو في حوايج لي البيبيات😍
وبعدها بفتره هديل جابت ولد😍
فرح هلبا نادر وكان مش قادر يوصف فرحته
نادر/ انتي هديتي من ربي ليا💛 انتي كل شي حلو خايف نفقده من بعدك متحشم من ربي نطلب حاجه الان عطاني وكافاني بيك ربي يخليك ليا يام ولدي😍
هديل/ بدايت قصتنا غريبه ، وحبي ليك قوي مع الوقت ، شدينا ع يد بعضنا في الشده ، قعدت شي حلو بالنسبه ليا وربي عطاني نسخه مصغره منك معاش نبي شي غيركم💗
نادر/ لو بيدي نرجع الوقت ونفديك بروحي ، ومانمسح كل حاجه شينه صارتلك بسببي
هديل/ انت عوضتني هلبا ع كل اللي فات ، نحبك😍
نادر/ نموت فيك😭
وسمو الولد "قيس"😍
___________
فاتو شهور وجابت لمياء بنت😍
وسمتها "لارين"😍
ومع السنين الطويله كبرو قيس ولارين
وكملو مشوار حياتهم مع بعض😭💗
تزوج قيس لارين💗 وعاشو حياتهم❤
" نتمنى تكونو فهمتو شن نقصد ، عارفه النصيب دمار وربي ، بس مع كل هالشي لازم نرضو ، ربي مادار هالشي إلا لي حكمه ، وربي مستحيل يشوفك متعدب بحياتك او يفرضك ع شي مش مناسب ليك ، ربي لما يختار اشخاص يحكمهم بالنصيب ، إلا كان متأكد إنهم خير لبعض💛"
" نحب نشكر كل من دعمني وكل من وقف جنبي وكل وحده فرحتني بتعليقها ، كان شي كبير لما نقرا دعمكم ليا ، نحبككم وانشاء الله مانفقدكم💗"
#هديل_عزالدين
أنت تقرأ
ظلمني النصيب ( روايات ليبية )
Romanceظلمها النصيب و غير مسار خاطرها ؟ فما مصير حياتها بعد كل هذا الضلم ؟ . 🔥 رواية من داخل المجتمع الليبي
