"رواية ظلمني النصيب"
الحلقه الثانيه عشر
للكاتبه "هديل عزالدين"
______
نسيبه في خاطرها وربي لما نوريها هادي
في يوم وليله جت خداته تي ناذر ليا انا استني ياهديل وشوفي بس وربي لما نعيشك في كابوس🙂
وبعدها خشت هديل هيا وخوها هشام 😭💗
ع اغنيه
لا إله إلا الله ألف الصلاة والسلام عليك ياحبيب الله محمد 💗
لا إله إلا الله ألف الصلاة والسلام عليك ياحبيب الله محمد💗
وخشت وكانو الانظار عليها هيا وخوها ، وكانت بشوي تمشي😍
وشوي صور معاها خوها ، وصور خوها مع امه وعيلته شوي وطلع💛
وقعدو الناس يجو ويسلمو ع هديل
هديل/ لمياء خايفه😭💔
لمياء/ هديل خلاص شن قلنا بعدين اقعدي اتصلي بيا وقوليلي شن يصير وتوا نتصرف انا ياوخيتي ماتخافيش معاك انا☹💗
هديل/ يخليك ليا يارب بنستاحشك☹💙
لمياء/ حتى انا وربي اصلا توا نقعد نجيك وتجيني لعرسي قريب يجي يخطبني😂
"عيييت الحق من كلمة قريب يخطبني ياهديل😂😂"
هديل/ هههههه عنشكلك مره وحده😂 ماخاطريش نضحك ياكلبه😂
لمياء/ عشان تعرفي بس😂
هند/ ضحكوني معاكم😂
لمياء/ اوووه مرات خوي😂
هند/ حماتي😂😂
وفات الوقت وتعشو الناس وشوي وقالو العريس بيخش كل وحده لبست وشاحها
__________
عند هديل
هديل كانت في دار العروسه💗
وقلبها ينبض بككل خش ليها نادر
وهيا عيونها ع الارض
نادر/ واخيراً قعدتي حلالي😍🤤
هديل/..........
نادر قرب عليها وكان عيونه فيها وباسها من💋.......
هديل/😳😳😳😳😳
نادر/ههههه خيرك😂😂😂
هديل/ شي هي نطلعو
ناذر/ مش عارفه كيف بنطلعو وانتي اقصر مني الحق😂
هديل/ اولا مش قصيره انا انت يللي طويل ، ثانيا قصيره معاش تقولها😒مش قصيره انا الحق🙄
نادر/ هههههه هيا ياقصيره هي😂😂
هديل/ ياربي🙄😭
ناذر شد فيها وطلعو ع اغنيه يارا عم اعشق انا💗💗
وقعدو الانظار عليهم وهو شوي ويشوف في عيونها وكأنه حبها
نسيبه/ هه والله لما ننتقم منك ياهديل
لجين/ احم مش قتلك هديل حلوه😒🙂
نسيبه/ مش هديكا الحلاوه الحق🙂
لجين/ اي ماهو الحلاوه خليناها لك😒
نسيبه/ لجين تحملتك هلبا راه من بكري وانتي تلقحي🙂
لجين/ ناضت من جنبها
ومشت تبارك لي خوها😍
لجين/ طالعين تهبلو😍
هديل/ تسلميلي مش احلا منك
ناذر/ ههه انتي الحلوه😍
لجين/ الف مبروك عليكم😍
نادر وهديل/ الله يبارك فيك
ومشت
نادر/ مبروك علينا يامرتي😍
هديل/ الله يبارك فيك🌚
______
صفاء/ ماما قتلك ريتاها اسراء تهبل ولا
سعاد/ اي تهبل هالبنت بككل خشت قلبي
صفاء/ محلاها ، أمبكري ركبت معاي وشافها مازن وقال يباها توا بيكلمك انتي ، شن رايك انتي!!!
سعاد/ والله محلاها هي وكان مش خوك تكلم كنت انا بنمشي نخطبها له واصلا بنت اخ عمتك جميله وكلهم كويسين
صفاء/ ايي والله😍يعني موافقه
سعاد/ اكيد موافقه نمشي نكلم امها ع هك معناها ونقلها بنجوكم يوم من الأيام
صفاء/ ياريت يما
سعاد ناضت وكلمت ام اسراء ، وقتلها تشرفونا في أي وقت😍💗
_______
نادر وهديل وشوي وخشو لدار العروسه وقعدو يصورو
المصوره/ خلاص الف مبروك عليكم😍
نادر وهديل/ تسلمي الله يبارك فيك
وبدو المعازيم يخفو ويروحو💗
هديل/ ماما😭 مانبيش نمشي خوديني معاك وراسك ياماما😭
جميله/ بنيتي خلاص انتي مش ماشيه لحوش غريب هذا حوش راجلك
هديل تبكي وحضنت امها ، وامها تبكي😭💔
هديل/ نحبك ياماما والله😭❤
جميله/ وانا نحبك يابنيتي ، هدوله ديري بالك من روحك ومن راجلك ماتخلي الناس تحكي علينا وحطي امه وبوه في عيونك وحبيهم زي ماتحبينا
هديل/ حاضر من عيوني ياماما😭☹
لمياء تبكي
هديل/ ميمي😭 بنستاحشك ياقلبي😭❤
لمياء/ دولي والله بنستاحشك حتى انا ياعيوني ديري بالك علي روحك وكلميني وقت تفضي مش تنسيني😭❤
هديل/ كل دقيقه نكلمك😭
لمياء/ نحبكك😭
هديل/ نموت فيك😭
هند/ هييي قلبتوها عزي راه😂 خلوني نسلم عليها ، وحضنتها كلميني هدوله وقت تبي شي
هديل/ حاضر 😍😭
وسلمت ع عمتها سعاد وصفاء واسراء ومرت خالها وهكك💛
وكملو وطلعت
طلع نادر بـ هديل
هشام/ اوووه عريسنا الف مبروك
نادر/ الله يبارك فيك شيمو😍
هشام/ العشي حطيته لك من الوراء
نادر/ تم يارااا
هشام/ هي في امان الله مانوصيك ع اختي دير بالك عليها
نادر/ في عيوني😍
والطريق كلها وهم ساكتين
وصلو للحوش وهديل دقات قلبها زادو💗
نادر/ خشي برجلك الايمين
وخشت
ووهو يساعد فيها عشان تخش
نادر/ مش عارفه كيف جاك الفيلو انا هو أكبر منك😂😂😂
هديل/ ها ها ها🌚
نادر/ نعنشكلك قداش مستفزه😂 بس تهبلي😍
وقرب منها وهيا مش قادره تهرب منه وجي لي رقبتها وهو يحرك في فمه عليها ويتكلم 💗
نادر/ بتعبنيني هلبا انتي😍🤤اخخخ خاطري فيك تعرفي بس مش حانمسك الا برضاك وقت تكوني مستعده
هديل في خاطرها محلاه والله نحسابه عصبي بككل 😭
نادر شوي وتفكر حبيبته💔
نادر/ خشي هديل بدلي ومرات حتي الزواج هذا يكون ع الورق بس يعني شهرين ونطلقك تحملي وسامحيني كان درت شي غلط وهي بري💔
هديل/😳😳😳😳تمام💔
طلع نادر للبلكونه يدخن وهو يفكر فيها
نادر/ ماكنتش متوقع إن حانتزوج نحبك ياليلى وربي نحبك بس علاش هك درتي فيا معاش بعدك قدرت نكمل حتى بنت الناس اخخخ ياربي فرجها💔
وخشت نحت التسريحه وماقدرتش تنحي الفيلو حاولت تنحيه بروحها بس ماقدرتش ع خشت نادر
نارد/ هاتي نساعدك
هديل/ لا شكراً نحيه بروحي
هديل معاش قدرت
هديل/ اووووف ياربي اووووف😭
نادر/ قتلك هاتي نساعدك ولا😂
وجي ونحاه لها
هديل/ ممكن تطلع
نادر/ خودي راحتك ناخد التوته متاعي ندوش في الحمام التاني
هديل/ تمام
خدي حاجاته وطلع ومشي
هديل خشت دوش وهيا قلبها مكسور ومش عارفه كيف صار وعلاش كذب عليها وع أساس يباها وشن غيره قعدت تفكر 💔
وطلعت ولبست توته كت حمرا وكيف بترقد
نادر طق ع الباب
هديل/ تفضل
نادر/ فاضيه شوي نبي نكلمك
هديل/ احكي
نادر وسرح فيها " اخخ محلاك ، تي لا لا شن نقول هههف"
هديل/ تفضل تكلم
نادر/ غر قتلك مانبيش الناس تسمع أن مدايرين اتفاقيه إن متزوجين ع الورق
هديل/ لا متخافش لو عليا مش حانحكي ومستنيه الشهرين امته يتمو🙂
نادر/ تمام
وجي بيرقد
هديل/ وانا وين بنرقد
نادر/ الحق الدار داري🙂
هديل/ تمام معاك حق اسفه
وطلعت وقعدت تبكي
هديل/ هذا حظي كنت عارفه وحق ربي كنت عارفه💔
نادر ورقد ولا هامه شي
هديل قعدت دور في الحوش وتشوف فيه
هديل/ نتصل زعما بـ لمياء ، تي لا لا توا تقول مسيبها اول ليله ييلااا توا حتى غدوا بس لازم مانحسسها بشي
وشوي وخداها النوم في الصاله ع الكنبه💔
_______
يوم جديد💙💙
ناضت هديل خشت دوشت وتوضت وصلت لبست توته زرقاء تبع عرايس عشان ماتحسس أهله بشي وهكك
وضمت مكانها عشان مايشوفهه حد ويشك
ع طقت زينب ام نادر
زينب/ صباحيه مباركه ياعروسه😍
هديل/ الله يبارك فيك عميمه💔
زينب/ سلمك يابنيتي هذا فطورك انتي ونادر تفضلي هي
هديل/ علاش متعبه روحك صحيتي عميمه💛
زينب/ تعبك راحه هي خشي توا
هديل/ تمام هي
نادر/ من كان هني
هديل/ عمتي زينب
نادر/ اها تمام
هديل/ اي اهو امك جابت فطور تعال افطر
نادر/ تعالي حتى انتي
هديل/ صحتين كليت قبلك انا
نادر/ تمام ..يتبع
أنت تقرأ
ظلمني النصيب ( روايات ليبية )
Любовные романыظلمها النصيب و غير مسار خاطرها ؟ فما مصير حياتها بعد كل هذا الضلم ؟ . 🔥 رواية من داخل المجتمع الليبي
