ظلمني النصيب ( روايات ليبية )

حلقة 9🔥

"رواية ظلمني النصيب"
الحلقه التاسعه
للكاتبه "هديل عزالدين"
جميع الحقوق محفوظه

_____
هديل كيف بترقد وحاطه رأسها علي المخده وتفكر في يللي صار
وصلها مسج من ناذر💗
ناذر/ " طالعه تهبلي اليوم😍"
هديل دقات قلبها زادو بعد شافت الرساله ، معقوله نحبه ، تي لا لا شن نقول  شافت الرساله وكانت ماتبيش ترد بس ،
بس غلبها قلبها وردت عليه😭💗
هديل/ " إنت أحلا شكراً"
ورقدت

_____
ناضو الصبح زي اي يوم فات وكان يوم جمعه فات كله ملتنين العيله وبعدين هشام ومازن مع العصر طلعو للقهوه يشوفو صحابهم
مروان بو مازن/ يتصل ب سعاد.....ايوه ياسعاد شن حالكم
سعاد/ الحمد الله وانت
مروان/ الحمد الله ، قتلك كلمني خوك عمر وقال فيه حوش جنبه للبيع قلت مدامه هند نخطبت غادي بناخده الحوش ونسكنو جنب خوك شن رايك!!!!
سعاد/ عين العقل والله ياريت
مروان/ خلاص توا نتفاهم مع الراجل وبنشريه قلت نقولك
سعاد/ اي اي خلاص توكل علي الله وانا توا نقول لصغار ، باه الولاد المتزوجين كيف بديريلهم
مروان/ الحوش كبير وعلي ثلاثه دوار ناخدو يللي لوطه حني وهما الفوقيين كلمتهم وموافقين هما
سعاد/ تمام هي بالسلامه
مروان/ هي سلام
جميله/ خيره شن قالك ؟!
سعاد/ قال في حوش هني للبيع وبيشريه وبيبيع الحوش يللي غادي قال مدامه هند بتتزوج نقعدو قريبين ليها
جميله/ والله احسن مادار ع الاقل تقعدي قريبه ليا وقت نكسد تجيني ياوخيتي
سعاد/ اي والله الغربه شينه وبعد تكوني بعيده ع اهلك
وقعدو يهدرزو💗
_______
عند هديل وهند وصفاء
هديل/ يابنات بنحكيلكم شي😭
هند/ شن فيه احكي ، انا كنت حاسه داسه شي عليا😂
صفاء/ صكري فمك هند ، احكي حبيبتي
هديل/ هند تعرفيه انتي هذاكا المغرور يللي اسمه ناذر ولا
هند/ اي عرفته خيره!!
صفاء/ من ناذر؟!!!
هديل/ هذا نادر ياوخيتي........وقعدت تحكيلها💗
هند/ باه توا شن بتحكي هي!!!
هديل/ امس جي نادر للخطبه طلع صاحب مصعب هو لمياء وصاحب أحمد حبيبها😂😭😭😭
هند/ هييي إكدبي😂😂 يانعليا ياصفاء كان تشوفيه طررف😂😍
هديل/ صكري فمك راك مخطوبه😂
صفاء/ باهي شن يللي صار😂
هديل/ امس كنت طالعه بنادي هشام بعد خشت هند للمربوعه هيا ومصعب طلعت لقيته برا ووووووو.....وحكتلهم
هند/هيييي هذا كله صاار😂
صفاء/شككله يحبك
هديل/يحبني شنو وهو يهدد وخدي رقمي بالسيف😭
هند/ تي غر اهدئي والله مرات يبيك
هديل/ جت في ودنها كلمة "يبيك"
هييي😭😭
هند/خيرك سم الله😂
هديل/امس قالي قريب تقعدي ليا يادريه😭💔
هند/ لولولي معناها قريب 😂 فعلا من قال تنخطب وحده بعدها القوم كله يتنخطب😂😂 وجهه خير عليكم انا😌🔥
هديل/ تي شن يللي قريب انا مانبيش نتزوج😭 والله ماوقتك يا هند🙄🌚
صفاء/ فعلا هديل مرات صح يبيك وغر يكابر بس
هديل/ كيف يبيني وهما مرتين او تلاته يللي شافني فيهم🌚
صفاء/ امالا الناس يللي تشوف من اول مره وتجي تخطب خيرها ، لهذا معاش تعطي إنطباع مش حلو ع ناس وماتحكميش عليهم
هديل/ اييي والله فعلا😭
شوي واتصلت لمياء
لمياء/ بقرتي😍
هديل/ اهلين شن جوك
لمياء/ لا شكله في كلام ، احكي شن فيه😂
هديل/ نهار اسود مسرع عرفتي فيه كلام😂😂
لمياء/ نعرفك بعد تبي تحكي حاجه عشرة عمر راه😍😂 وهي احكي
هديل/ ......وحكتلها
لمياء/ هذا كله صار وانا ولا حاجه نعرف بيها عنجدك باهي😂
هديل/ كنت خايفه نحكي
لمياء/ وتوا مش خايفه😂
هديل/ لمياء انصحيني😭
لمياء/ والله نحس فيه يبيك
هديل/ نفس كلام هند وصفاء😭 بس هو مايبيني😭💔وانا مانحباش
لمياء/ مرات تقعدي تبيه
هديل/ مرات
وقعدو يحكو
________
سعاد/ هند صفاء تعاالو
هند وصفاء وهديل نزلو
صفاء/ نعم ماما
سعاد/ تعالو قعمزو حنبنا بنكلمككم
اه خشت مازن وهشام
هشام/ اووووه العيله متجمعه
مازن/ شن فيه😂
سعاد/ تعالا نبيك حتي انت
مازن/ ها قعمزت احكي شن فيه
سعاد/ بوكم كلمني......وحكتلهم
صفاء/ عادي ياماما حلوو وانا نخطبت وهو هني في طرابلس وهند بروضو هك ع الاقل نكونو قريبين ليكم
هند/ اي والله ياماما احسن مادار بابا
مازن/ والله فكره حلوه واحسن وحني تعودنا هني
سعاد/ يعني موافقين
مازن وصفاء وهند/ اييي موافقين ، باه وخوتي ونساوينهم وافقو
سعاد/ ايي وافقو💗
مازن/ خلاص معناها
هديل/ هيييي ياعمتي تقعدو قريبين لينا والله تعودنا عليكم😍😭
سعاد/ سلمك يابنيتي😍
هند/ بنقعد جنبك😂
هديل/ هههههه اكيد😂😂
وفات الوقت ضحك وجو
وشوي وشرين فون هشام
هشام/ اووووه ياراا شن جوك يامصعب
مصعب/ تمام شن جوك انت تي وين مغطس
هشام/ قاعد والله
مصعب/ قتلك اسمع امس في ولد معاي صاحبي اسمه ناذر عرفته
هشام/ اي اي عرفته هدرزت معاه مشاء الله قدر والله
مصعب/ تم يابرووو الولد يبي هديل أختك توا كلمني وقالي كلم خوها ماعنديش رقمه ويبي يجي غدوا يخطب
هشام/ والله يشرفنا بس خلي نسأل بوي الشور كله عنده ومانلقا خير منه
مصعب/ تم هي ورد عليا
هشام/ هيي شوي
________
وجاهم
هشام/ يما وين بوي
جميله/ شوفه في جنان يللي وراء مش عارفه شن يدير هالراجل غادي
هشام/ تم هي
ومشي هشام
هشام/ بوي يابوي
عمر/ اهلين ياولدي
هشام/ تي وين مغطس ياحاج
عمر/ والله قاعد
هشام/ قتلك بوي عندي مصعب تعرفه ولا هذا خو لمياء صاحبت هديل ويللي خطب هند
عمر/ اييي نعرفه خيره
هشام/ عنده صاحبه يبيي غدوا يجي يخطب هديل والولد امس هدرزت معاه ولد كويس بككل الحق وبوه اسمه علاء....
عمر/ اوووه نعرفه هذا الراجل مشاء الله عيلتهم الناس كلها تحكي بسيرتهم ناس طيبه والعيب مايطلع منهم
هشام/ مشاء الله اهو طلعت تعرفه شنو منو باه
عمر/ خلاص قوللهم يتفضلو وتوا نكلم هديل
هشام/ تم يابوي هي
هشام/ يتصل ب مصعب........ايوه
مصعب/ ها شن صار
هشام/ بوي وافق وقال نعرفها عيلتهم وقوله يتفضل
مصعب/ تم صحيت وربي ماحشمتني
هشام/ ولو يابروو
وصكرو
________
عمر/ هديل
هديل/ اهلين بابا شن جو
عمر/ الحمد الله يابنتي تعالي نبيك بروحك
هديل/😳😳😳😳هي شوي
جميله/ شن فيه ياراجل
عمر/ نبيها بروحها
هديل/ اهو جايه هي
وخشو
عمر/ هديل نبي نقولك حاجه وياريت ماترديني يابنتي
هديل/ ماعاش يللي يردك يا بابا شن فيه خوفتني
عمر/ الله يعزك يابنتي عارفك ماتواطي راسي ، يابنتي في ولد جاي بيخطبك وانا وافقت عليه الان نعرف أهله وهما ناس كويسه
هديل/😳😳😳😳😳😳نعم شنو!!!كيف صار؟!
عمر/ يابنتي انا وافقت وتوا نبي نسمع الموافقه منك ماتردينيش الناس طلبوني
هديل/ ماحبتش تكسر كلمة بوها ولا تحشمه قدام الناس  ، تمام يا بابا يللي تشوفه
عمر/ صحيتي يابنتي ربي يهنيك يارب وربي يجبر بخاطرك كيف مارديتيني نبي نفرح بيك قبل لا ربي ياخد أمانته
هديل/ بعيد الشر عليك يابابا وخلاص انا موافقه 💔💔
وطلعت
وانتشر الخبر في الحوش
جميله/ غدوا بيجو
هشام/ ايي يما
جميله/ غدوا نطلع الصبح نجيب شن ناقص انا وسعاد
سعاد/ اييي اصلا مش هلبا حاجات نبو
جميله/ اييي
هند/ من هذا يللي بيخطبك😂
هديل/ مش وقتك ياهند مش عارفه شن يللي صار ماقدرتش نرد بابا قالي ماترديني💔😭
هند/ خلاص خلاص بوك شن قالك ديري ماتحشميه
هديل/ وانا درت هكي
صفاء/ هدوله مرات خير ليك راه وبوك شكره ويعرفه😍
هديل/ اييي صح💔 توا نجي نمشي نكلم لمياء توا تقول ماقالت عشان غدوا تجي
هند/ بري هي
_____
عند هديل ولمياء
هديل/ تتصل ب لمياء...... الو
لمياء ميته ضحك😂 بس ماتبي تبين لهديل شي
لمياء/ شن جو هدوله
هديل/ تمام الحمد الله وانتي
لمياء/ كويس
هديل/ لمياء في واحد خطبني وغدوا جاي😭💔
لمياء مش قارده تضحك😂😂
لمياء/ هييي من هو هذا
هديل/ قال بابا يعرفه وقالي ماتردينيش ماقدرتش نرده طلبني وانا وافقت
لمياء/خلاص ياقلبي مرات خير ليك هكك
هديل/ باه وناذر☹
لمياء/ خلاص توا جاك واحد تاني وبيقعد خطيبك
هديل/ اييي صح
لمياء/ هديل!!!
هديل/ نعم
لمياء/ انتي تحبي ناذر☹
هديل/ مش عارفه بس بعد تجي رساله او اتصال منه قلبي ينبض مش عارفه شن معناه هك😭💔💗صح في فتره قصيره تعرفنا وكان كله عراك وكره بس نحس روحه محتاجاته😭😭💔
لمياء/ياعيوني انتي☹💗
هديل/ خلاص مادوريش المهم يابقره نبيك تجي غدوا باهي نبيك معاي😍
لمياء/ اكيد بنجيك مستحيل نخليك😍
هديل/ نجكك لي ياربي هي تصبحي ع خير توا💛☹
لمياء/ وانتي من اهل الخير💙
وصكروو
______

وجي الليل وكل حد مع حبهه😍
أحمد ولمياء يتمعشقو وقريب يخطبها مزال أيام بسس😍
مصعب وهند قعدو لي بعض ومش معروف العرس بس بتقعد تطلع تبتت من توا عشان مصعب قلها مرات بعد شهرين💗
ياسر وصفاء برضو يحكو وعرسهم عن قريب😍
هشام ومرام يتمعشقو وقريب يمشي يخطبها وبيكلم خوها😍💗
مازن كان يفكر وقال لازم ننساها خلاص بتنخطب وهيا زي اختي💔
هديل اول مره تحس إنها فاقده ناذر وكانت تأكل في روحها وخايفه صايرتله حاجه من الصبح ماكلمها وحست روحها محتاجاته الأول مره 😭💔
ناذر متكي ع سريره ويدخن ك العاده واحد وراء التاني ويقول شهر وتكوني ليا💔
كل حد كانت ليه قصه وفي يللي فرحان وطاير من الفرحه وفي يللي قلبه مكسور وفي يللي يبي ينسى حبه ع سبيل ظلم شخص تاني💔
____
ويوم جديد ناضت هديل دوشت وشطبت أمورها
وناضو البنات يفطرو
وكملو وغسلو الماعين ك العاده وكل وحده ع شغلها وكملو الحوش
وكل وحده لهت بروحها💗
هند/ هديل شن بتلبسي
هديل/ كان عليا نطلع ب بيجامه😂
هند/ حقيره😂 قولي شن بتلبسي
هديل/ شوفي عندي واحد في الدولاب مش لابساته بكل شريته كان عاجبني
وكان القفطان طويل ابيض في الوردي من تحت وفوق كريستال يلمع وحلوو بسيط بككل وكان جيهة الصدر مشكوف شوي وحلو💗💗
هند/ هييي محلاه ياكلبه😍
وانتم خودو مني شن تبو في قفاطين
هند/ تمام وخدت واحد قفطان قصير لونه اسود قصير ومن الوراء طويل
"هديل كانت تحب اللون الاسود بككل ف أكثر قفاطينها اسود🖤"

صفاء/ انا بنلبس قفطاني الابيض وخلاص
هديل/ اييي حلو
وهديل سشورت شعرها ودارت تسريحه بسيطه بككل وميكب خفيف كانت ماتحبش المكيب داكن هلبا لبست وكملت لي روحها وبخت برفانها
هند لبست القفطان وسشورت شعرها وخلاته مفتوح عادي وميكب خفيف بس وبخت برفانها💗
وصفا ء برضو لبست وكملت وتسريحه بسيطه دارت وميكب خفيف
وخشو اهل ناذر وساتقبلوهم وهديل فوق
هديل/ لمياء والله مانبي 😭😭💔
لمياء/ خلاص هديل
هديل/ الحمد الله
لمياء/ هي نززلو تتعرفي عليهم
ونزلت هديل بعد شوي💙
زينب/ مشاء الله محلاك ولدي عرف يختار
هديل/ مع ضحكه بسيطه ههه شكرا
اخته ناذر/ محلاك تعرفي بككل😍
هديل/ تسلميلي عيونك الحلوه 😭
وشوي وقالو ناذر بيخش بس ماركزت هديل ع الاسم💙
وقعدت تستنى يخش وهديل قلبها محروق ماتبيه
هديل في خاطرها " معقوله نحب نادر انا😭"
خش نادر وهديل كانت سرحانه
كان شخصيه وطالع يهبل بككل وبارفانه قوي بككل
وهديل هيا سرحانه وهو متجهه جيهتها
هديل/ نعرف اليرحه هادي انا تيي اايي ريحة ناذر لما قرب عليا وربي هوو😭😭
وقامت رأسها
هديل/🙄🙄😳😳😳 هذا انت
ناذر/هههه اي انا😍
هديل/ قصدك انت خطبتني💓🙄
ناذر/ لا غولتي😂 ، شن تشوفي قدامك باللهي😂
هديل/ ناذر مش وقت لعب علاش خطبتني
ناذر/ هككي كساد
ولبسها الخاتم
وقعدو يباركولهم وشوي وطلب إن يشوفها
هند/ هييي هي خشي
هديل/ الزح مانبيش
لمياء/ هديل خشي خير مانقتلك😂
هديل/ الزح باهي
وخشت
هديل وخايفه وهو جي جنبها
ناذر/ مش قتلك حاتكوني ليا
هديل/......
ناذر/ تكلمي ولا خايفه
هديل/ من قال خايفه
ناذر سرح في عيونها وقرب منها
ناذر/ اششش خليك ماكانك وقرب منها وباسها من........💋
هديل/😳😳😭😭
ناذر/ تهبلي عندك علم🤤 اخخخ امته تقعدي ليا😍
هديل/ مش حاتمسني اصلا اهو قتلك باهي انا بنطلع
ناذر/ توا نشوفو 😍😂
وطلعت...يتبع