ظلمني النصيب ( روايات ليبية )

حلقة 4🔥

"رواية ظلمني النصيب"
الحلقه الرابعه
للكاتبه "هديل عزالدين"
جميع الحقوق محفوظه
______
هند/ هديل توا بعدين نحكيلك😭💔
هديل/انشاء الله خير
هند/ بعدين😭
هديل/ تمام
كملو تغدوا وغسلو البنات الماعين ، ودارو قهوه وكيك وطلعو برا في جنان قعمزو العيله كلها💛
عمر/ شن جوك يامازن
مازن/ الحمد الله ياخالي
عمر/ شن مزال مش متزوج خوتك تزوجو 😂
مازن/ قريب بإذن الله😍
هديل/ هييي شكله في وحده وانا مانعرفش😂
هند/ تي حتى انا علمي علمك😂 كلام جديد هذا😂
هديل/ هييي😂😂
مازن/ خلاص وناضو البنات قعمزو بروحهم💛
نعرفكم ب مازن ولد حلو شخصيه وسط طوله مش طويل بككل يحب يلبس وجو برستيج وهككك😍😂م93
____
عند ناذر
ناض بعد العصر وكان كأنه يهرب من شي ، يبي يهرب من الدنيا بالنوم ، يبي ينسى حبيبته مش قادر
ناض دوش ولبس سروال اسود وسوريه بيضاء وشوز ابيض وبخ برفانه ومشط شعره وطلع😍
ناذر/ شن جوك يما 😍
زينب/ اهلين وليدي الحمد الله
ناذر/ شن غداكم
زينب/ مدايرين كسكسي نحطلك
ناذر/ اوووه ياريت😍
زينب/ باهي هي استنى شوي 😍
وحطت امه الغدي ليه وكلي
ناذر/ الحمد الله يهبل يسلم يديك يما
زينب/ الله يسلمك وليدي ، وين طالع
ناذر/ اي ماشي للولاد
زينب/ باهي برا زينه ربي يحميك
ناذر/ وباس يدها وراسها وطلع
_
هند/ انا ماله هلبا💔
هديل/ مش حاتحكي
هند/ قتلك بعدين اصبري ، خلي نطلعو توا حتى هني نمشو للمحل نشرو حاجات نبي شكلاته انا 😭😭😂😂😂
هديل/ هييي شكلاته تمام هي نمشو😂 ، خلي ناخدو إذن
هديل/ ماما بنمشي للمحل هني انا وهند نشرو حاجات ونجو
جميله/ تمام اطلعي بس ماتعطلوش
هديل/ حاضر ماما 😍
ولبست هديل وهند
هديل لبست بدي اسود وفوقه سوريه مفتوحه قصيره جيشيه وسروال اسود وشوز اسود💗
هند/ لبست سروال جينز وسوريه سوده وشوز اسود❤
وطلعو
_____
أحمد/ يتصل ب ناذر ..... ايوه ناذر
ناذر/ نعم ياخال
أحمد/ باللهي عليك وانت جاي جيبلي معاك كرت بيانا 10 ودلع الجو اهو انا والولاد في الاستراحه مدايرين بكبوكي🤤
ناذر/ اووووه تم تم😍
احمد/ هي طير
ناذر وقف ع نفس المحل يللي بتجيه هديل وهند💛
_
هديل/ هند سرعي روحك😂
هند/ شوفي الطروف 🤤
هديل/ ياكلبه ماما قالت ماتعطلوش وانتي شوفي شن ديري😂
هند/ باهي هي خشي
هديل/ السلام عليكم وقعدو ياخدو شن يبو💗💗
ع خشت ناذر
ناذر و هديل مع بعض
"انتي"  "انت"
هند/😂😂😂 خيركم
هديل/ هذا المغرور صكري فمك
ناذر ومن داخله يضحك ع هبالها😂 ويشوف لي عيونها " عليك هبله"
ناذر/ نعم شن قلتي🙂
هديل/ سلامتك هيا هند خلي نرووحو وخدو حجاتهم ومشو
ناذر/ خدي حاجاته وركب السياره فيسع عشان يشوف حوشها🖤
هند/ من هذا ياهديل
هديل/ هذا المغرور
هند/ عليك هبله اي مغرور😂 ماشفتيشي طرف😍
هديل/ صكري فمك واجري
هند/ خيره هذا
هديل/ هذا واحد تلقيت انا وياه في موزارت........وحكتلها
هند/ اها
وصلو الحوش 💗
ناذر/ لن وصلها للحوش وعرف حوشهم
وطلع
قعمزو ويهدرزو لا قريب المغرب
هديل/ احكيلي خيرك هند شن فيه انتي ومهند
هند/ خلينا بعض💔
هديل/ هيي علاش!؟
هند/ ياهديل هو معاش يبيني ياهديل يعامل فيا برود واصلا هو خطب توا💔
هديل/ حبيبتي انتي خلاص انسيه والله مايستاهلك
هند/ مش قادره نضحك من برا وقلبي معبي💔 وربي لو حد حضني لما نموت بشهقه💔
هديل/ بعيد سوء خلاص توا ردي بالك تنزل منك دمعه خوك مازن يفطن إنه في شي
هند/ وينه هو
هديل/ طلع هو وهشام وشوي اكيد وجايين
هند/ وين ماما وعمتي جميله وصفاء
هديل/ يديرو في العشي ، هي غيري جوك توا بعدين نقعمزو مع الولاد نغيرو جو
هند/ هييي اي والله لينا فتره ع هاتقعميزه
هديل/ اييي😂😂
_____
عند لمياء❤
لمياء/ تتصل ب هديل.....ايوه ياحيوانه
هديل/ اوووه البقره معاي😂
لمياء/ صكري فمك وينك مادورتينيش اليوم ☹😭
هديل/ نشغلت مش قتلك جايتنا عمتي😭
لمياء/ اييي صح نسيت
هديل/ شن رايك غدوا تجي نعرفك بيهم😍
لمياء/ اييي نسأل ماما ياريت نتعرف عليهم😍
هديل/ خلاص نستنا فيك غدوا😍
لمياء/ تمممم ، وقعدو يهدرزو
_____
جي الليل وقعمزو تعشو والبنات خشو غسلو الماعين
وهشام ومازن قعمزو بعيد شوي هكك يدخنو🖤
طلعت هديل وهند وصفاء وجو جيهت الولاد
صفاء/ هييي شن جوكم😂
هشام/ تي وين وين شن جوك😂
صفاء/ اهو شوفت عينك عايشه😂😂
هشام/ ههههههه
مازن/ شن جوك هديل😍
هديل/ تمام وانت شن مداير
مازن/ تمام ، اهو كساد😂
هند/ مازن من البنت يللي حاط عينك عليها قووول😂
هديل/ هييي اي صح من هيا قول من هيا
مازن/ تي هنونا شن دخلكم😂
هديل/ تي غر هيا بلاش جو
هند/ كان في جنبها طوبو ميه خداته ، مازن احسن لك تقول من هيا انا لازم نعرف مرت خوي😂
مازن/ هييي ياهبله حطي من يدك
هشام/ الزح بتغسلنا يامازن إدوي 😂
مازن/ ياراجل لا لا مش حاديرها😂
هند/ احسن لك تقول
هديل/ هند بلكي تبي مسعده😂
هند/ ياريت تعالي جنبي😂
هديل/ هييي جيتك😂
مازن/ هديل معاها قصدك
هديل/ يببب😂
صفاء/ الحق حتى انا معاهم عندهم سلاح هما لهذا بنقعد معاهم😂
هشام/ ياعنجدكم انا شن دخلي
هند/ كلكم جنس واحد اوقف جنب صاحبك😂 ، بنعد لا 3 ماتدويش بنبخ🙄
1, 2 , 3
مازن/ مش داوي يسسسي🌚
هند/ اووووباااا تحمل مايجيك وبختهم😂
مازن/ مصدوم😳😳 ويجري عنجدك ياهند😂
هشام/ تببل مع بعضه ويجري وراهم
مازن/ طحتو وين سترحتو وخدي الطوبو وبللل هديل😂 وهند وصفاء هربت😂
هديل/ مصقعه مصقعه😭
هند/ خيرك استاكيتي😂
هديل/ مصقعه ياهند😂
هند/ اهو تبليت حتي انا صكري فمك يحسابونا ضعفنا لازم نعاودو الانتقام😒
هديل/ مشت لمازن ، مازن😍
مازن/ بصوت خفيف عيونه😍
هديل/ خدت منه الطوبو وبختت عليه😂
مازن/ ياعنشكلك😂
وقعدو ع هالحال ويلعبو وخشو هند وهديل جري😂
ووراهم مازن وهشام😂
هديل تجري وجت طايحه
هند/ هههههههههههه ووووه😂
هديل/ هههههه صكري فمك🌚😂
هشام/ من حفر حفره لي اخيه وقع فيها😂
هديل/ ناقصني امثالك ياوجهه التمساح
مازن/ ههههههه😂😍
مازن يشوف في هديل وكان شعرها ع وجها وناعم ومبلول😍
مازن/ هاتي يدك😍
هديل/ مدت يدها💛 ، تفوو ياهند خوك طلع احسن منك وانتي طايحه تضحكي
هند/ هههههه لا بجد الطيحه تضحك😂
هديل/ بقره تعالي نبدلو😂
وركبت هديل وهند يبدلو💗
خشت هديل دارت دوش بسرعه ولبست توته عليها ميكي ماوس ودرات شعرها ديل حصان وبخت بارفانها😍
هند بدلت ولبست توته لونها احمر ودارت شعرها زي هديل وبخت برفانها ونزلو😍

____
عند ناذر
أحمد/ هييي ناذر وين سارح
ناذر/ مش في شي
أحمد/ إدوي ياراجل
ناذر/ مش قتلك امي تبيني نتزوج!!!
أحمد/ اي ، ولقيت من بتتزوج
ناذر/ اييي بس مش زواج ع الورق بس وبعد شهرين نطلقها
أحمد/ تي شن تدوي تحسابها الدنيا سايبه ، هكي بتظلم بنت الناس معاك
ناذر/ أحمد مش ناقصك راه
أحمد/ من هيا باهي؟!
ناذر/ توا يجي وقت وتعرف
أحمد/ مش متريحلك انا راه
ناذر/ خلاص ياراجل
_______
قعدو يهدرزو عيلة هديل ومازن عيونه في هديل ويشوف لضحكتها😍
وبعدين كل حد ركب وبيرقدو
رقدت هند وهديل وصفاء كان سرير زوجي ، صفاء قضت الليل تكلم في خطيبها ، وهند الدمعه في عينها وتبكي مش بصوت والعبره خانقتها ، هديل اول ماحطت رأسها ع المخده رقدت💛

وجييي يوم جديد شن بيصير في هند بعد بتجي لمياء ، وشن قصة ناذر ومن بيتزوج ، ومازن حايعترف بحبه لهديل او لا❤
نعرفو في الحلقه الجايه