انسجمت مهرة جدا مع شهد ونغم خلال ايام الرحلة
لكنها لم تكن تفهم سر تجنب نغم لمراد
لم يكن نفور فهي تري في عيونها اعجاب لكنها تحاول ان تقتلة قبل ان يكبر
تازمت الامور بشدة في نهاية اليوم الثالث
فقد أرادت شهد ان تنزل حمام السباحة لكنها خافت من يوسف بعد ان نظرت لوجهه المحتقن فاثرت السلم وجلست مع نغم ومهرة وحلا بجوار حمام السباحة بينما نزل مراد مع شريف ويوسف
شريف
ياعيني علي الحلو لما تبهدلة الايام
مراد
ابو شكلك بقي بطل قلش
انتم اية مفيش وراكم غيري
ضحك يوسف
وبعدين بس يا بابا منك لية
مراد
مش شايف عميلة
يوسف
عاجباك
ارتبك مراد
هي مين دة
مش فاهم تقصد مين
يوسف
يابني دة الفندق كلة وأخد بالة
وبعدين أنت فاكر ان ابن عمك الظريف دة بيقلش عليك لية مهو من عميلك
بلاش تغلط غلطي وتضيع وقت
صارحها بمشاعرك وخليك واضح يا قبلتك
دة اللي انا حاسس انة حيحصل
يارفضتك وساعاتها نبقي نعالجك وامرنا لله
مراد
انت شايف كدة
يوسف
نغم مالهاش في جو الصحبية بتاعك دة وبعدين هي مبتحبش حد يقرب منها وعاملة حدود لكل اللي حوليها يعني ملهاش في حوراتك دة انسي
عمرها محتجيلك زي غيرها انت اللي لازم تبتدي
وتبتدي عدل مش شمال
فهمت يا بني
شريف
بمناسبة الشمال هي الفرسة اللي هناك دة
وجية علينا دة حد يعرفها
التفت مراد ويوسف الي ما يشير له شريف
ليجده شقراء بعيون بنية وملامح أجنبية تلوح لهم وتقترب بملابس سباحة فاضحة
مراد
كريستن
شريف .
العب
انا حطلع وانفد بنفسي يا عسل و
الحق كرامتي اللي حتتبعتر لو فضلت معاكوا
يوسف
رجولة الصراحة
شريف
لا بص بقي علي مراتك ومراتي
والحق نفسك
لينظر يوسف باتجاه مكان جلوسهم ليجد شهد وحلا يقفن متحفزات لهم
فيبتلع ريقة
استعدادا للعاصفة
يوسف
مع نفسك بقي يا مراد
انا طالع بدل ما شهد تنزل تمسح بكرامة الشحرورة بتاعتك بلاط البسين
وتكدرني
سلام يا عسل
خرج يوسف وشريف من حمام السباحة
ليجد كلا منهم عاصفة إمامة
شريف
مالك يا لولي واقفة كده لية يا حبيبتي ؟
حلا
مين البت المسلوعة اللي كانت بتشاورلكم دة؟
شريف
دة كريستين صاحبة مراد وبعدين وانا مالي
منتي عارفاني مليش غيرك انت يا لولي
احتوي شريف الموقف لينجو بحياتة
بينما
رفعت شهد حاجبها ليوسف لتتكلم
لكنة اشار لها باصبعة ناحية نغم التي تعلقت عيونها بمراد في حمام السباحة وتلك الشقراء
