أرتدي ملابسه علي عجل لينزل ويتناول افطاره معهم
كانت عيونه متعلقة بنغم التي سحرت كل من بالمنزل بجمالها
لتصتدم به فاطمه التي كانت وضعت الطعام علي السفرة لتعود للمطبخ لكنها بقيت متسمرة في مكانها تتامل تلك الوافدة الجديدة بجمالها الأخاذ
مراد بعصبية
مش تفتحي ياذفته
فاطمه
معلش يا سي مراد
حالا ححضرلك قهوتك
لتركض للمطبخ خشيه ان يوبخها ان لاحظ تاملها للضيفه
جلس علي مقعدة
مراد
صباح الخير ياحاج
جابر نظر له بعتاب فقد اخبرته سيدة بما فعله ابنه
صباح الخير
بعد الفطار عايزك في مكتبي
مراد
وانت مش حتفطر
جابر
لا انا شبعت
ثم قام من مجلسة ليتوجة الي مكتبة
حاول مراد ان يذهب خلفة لكن امه أمسكت بذراعة
سيدة
افطر الاول يكون هو هدء شوية
وكمان عشان ما تتبهدلش علي معدة فاضية
فطرت مهرة ونغم في جو من التوتر فقد كانت
متوترة من ردة فعل ابيه
فقد سمعت عنه الكثير من شهد و حلا
لتحاول مهرة تهدئتها
مهرة بصوت خافت
متخافيش هيمسح بكرامته الارض
و في الاخر حيعمله اللي هو عاوزة
ابويا مش حيقدر يخسر مراد تاني
نغم
ربنا يستر
كان مراد يتامل حديثها الجانبي مع مهرة باشتعال
ليزفر بحنق وينهي طعامه فيتجة حيث ينتظرة والده
طرق الباب بهدوء ليدخل ويغلق الباب خلفه
مراد
اومرني يا حج
جابر بغضب
اللي أمك جالته ده حصل بجد!
ولا دة كلام بتثبتها بيه
مراد
لا هو دة اللي حصل
انا منعت نغم من السفر وجبتها هن........
صفعه الحاج جابر علي وجهه
بتعتدي علي حرمه الناس
عايز تتجوز البت من غير موافقة أبوها
وكمان جايبها هنا غصب
انا معرفتش اربي
حاول مراد الهدوء لكي لا يزيد الامور سوء فهو يعرف تمسك والده بالعادات كما انه توقع ردة فعله ليرد
مراد
ايه عايزني اتفرج عليها وهي بتضيع مني وتتجوز غيري وابقي كريم التاني
لا معلش انا اسف ياحاج جابر
انا معملتش حاجة حرام انا جبتها هنا في بيت عيلتي عشان اتحاما بيهم وبعدين نغم حتبقي مراتي
انا كلمت ابوها وحيجي النهارده عشان يحضر كتب كتابنا بكرة
صرخ جابر
بالغصب
مراد
بالغصب برضاه
هو عمرة ما فكر في مصلحه بنته ولا ايه اللي يرضيها ولا مين اللي يريحها اللي يهمه منظرة وشغله وبس
لكن بنته بتحب مين ولا مين اللي حيسعدها
ما يشغلوش المهم كلامه يتسمع ويتنفذ
انا باخد حقي اللي عايز يحرمني منه ومش حفرط فية سواء وافق ولا رفض
