بعد اسبوع
عيادة د.شروق
شروق
وبعدين يا مهرة
مهرة
مش عارفه
انا حسه اني بقيت احسن من الاول
مراد قدم ورقي في الكلية وحرجع اكمل اخر سنة ليا في الكلية واتخرج زي ما كونت عايزة
حتي اني اشتريت صيدلية من دكتور صاحب مراد وحكمل اجراءات نقلها باسمي بعد ما اتخرج
انا عملت اللي كونت عايزاة
بس بردة مش مبسوطة
حاسة دايما ان في حاجة ناقصة
شروق
بتشوفي كريم!
مهرة
لا مش عايزة اشوفة
شروق
سؤالي مش انت عايزة تشوفية ولا لا
هو لسة بيبعد صح
تنهدت مهرة
مبيجيش ومش بشوفة بقي بيبعت دكتور زميلة بيتابع بابا ومراد بطل يجيب سيرته قدامي
وانا مبسالش
شروق
وانتي مبتساليش لية؟؟؟
مش عايزة تعرفي عنة حاجة عشان ميهمكيش
ولا لسه مش قادرة تسامحية!
مهرة
مش عارفه
لما دخلت الشقه حسيت نفسي لسة بحبة
بس كل مرة بشوفة فيها بفتكر يوم ما روحت
اترجاه نهرب ونتجوز ورفضة ليا
مرضاش يوطي راس عمة
بس داس علي. و سابني ليه يبيع ويشتري فيا
يمكن لسة بحبه
بس مش قادرة اسامحه علي اللي عملة
نفسي ابقي في حضنه بس مش قادرة
حاسه طريقنا كله بقي شوك
انا مبقتش حمل وجع تاني مش حستحمل
انا يادوب عارفة افتكر نفسي زمان
وبحاول ارجعها ليا مش عايزة اضيعها تاني
حاسة نفسي متلخبطة
ومش عارف اوصل
بس مش قادرة اعمل حاجةفي نفسي
شروق
يبقي بلاش تفكري كتير
يمكن تقابلي حد احسن منة وتبتدي معاه من جديد
مهرة
يمكن اقابل حد غيرة بس مش حيبقي احسن
مفيش احسن من كريم
نظرت شروق لها
لتتنهد بعجز من الحالة التي وصلت لها
تامل ان تتحسن عندما تبدء في دراستها لتستعيد نفسها القديمة
...................................................
بدء الامور تستقر ليعود الحاج جابر إلي بيتة ويظل مراد يتابع أمور الارض المزرعة خاصتة
ويستكمل اجراءات الميراث مع المحامي
في منزل السيوطي
مراد
دة كل اللي اتعمل لحد دلوقتي
الحاج جابر
ولحوض القبلي
مراد
حيتروي بكرة متقلقش
كل حاجة ماشية كانك موجود بالظبط
المهم دلوقتي تاخد بالك من نفسك
جابر
انا بخير
بس نفسي ترجع بيتك بقي ونتلم زي زمان
ابتسم مراد
حاضر يا حج
بس مش حقعد كتير معاكوا
حرجع مزرعتي بس ساعتها مش حرجع لوحدي
دخلت الحاجة سيدة عليهم المكتب بلهفة
بجد يا مراد
اوعي يكون اللي في بالي
مراد
مفيش فايدة
الردار اللي عندك عالي الصراحة
