فرحة العشگوا حلال 🥀🍃

^^الجزء السابع^^

#فرحة_العشگوا_حلال
#هبة_دعير

^عائلة ليان ^

_حسن
گاعد وي اصدقائي بالجامعه و مسوين سهره على نهر دجله
الهتليه دايشربون و اغاني و ضحك
محمد صديقي گالي
هاك اخذلك شويه و ريح دماغك من تفكير اني الصراحة ما قبلت كوتلهم عيب عليكم ترى احنا خريجين شبقيتوا للممتعلمين وصرت على صفحه
و شويه دك تليفوني رقم غريب دك مرتين 3..4...
ما جاوبت ما الي نفس اجاوب اجتني رساله تكلي
* ضاقت الدنيا بيه و ردت اسمع صوتك
ما اهتميت كلت هاي اكيد وحده بطرانه و تريد تخلص وكت
اجتني رساله ثانيه ..
* كلش اشتهيت اكلك حبيبي و تجاوبني يابعد كل ليحبون
دك كلبي
رجلي كعدت ترجف
هاي هدى والله
لزمت تليفون اريد ادك عليه ما اكدر
اريد اكلهه حجي ضامه الها من اشهر
اريد أعاتب
اريد اكلهه كسرتي ظهري ورحتي
وكعت دمعتي و ما خابرت
ورا دقائق دك تليفون ...
هدى
الووو ..
ماكو صوت ..
الووو
ماكووو
الوو حسن داتسمعني
ادري داسمع صوت أنفاسك
ماكوو صوت ...
حسن حسن حسن
يالله صارلي شگد ما كلت هالاسم
ماكو صوت ..
حسن ردي عليه اني حبيبتك هدى ..
حسن جاوبني والك
اريد بس اسمع صوتك مو اني بنتك هدى ..
حسن لا تخليه حسره بكلبي
بس اسمع صوتك فدوه لأبويه ردي عليه باباتي ..
حسن تذكر !!!
من أصيح ب اسمك و تكلي هاااا بويه ...
فرحني وسمعني صوتك ..
حسن
لو فعلاً تذكرين كل هاي لامور مجان رحتي لغيـ......
هدى
غيرك ما سد فراغك
غيرك ما حبيته و لا كتله باباتي
غيرك...
حسن
اشششششش اش ولا كلمه زايده ... شرايده احجي شعندج
هدى
ردت اكلك
حسن
شنو تكولي
هدى
حسن اني  ...
حسن
اي انتي شنووو شنوو
هدى
اني حامل ..
حسن
صدوگ هدى داتحجين
صدوگ
لج اني عبالي ...
هفف لعد شكد فطير اني
يااا خسارتي بأبويه ولج منتضرج تكليلي ما خليته يوصلي تكليلي راح اطلك
ولج بيا عين صلفه تجيني تكليلي حامل
ولج روحي لا تكفريني ...
شمرت تليفون ب نهر دجله ورحت ااخذت المشروب وشربت لاول مره بعمري

^عائلة مصطفى ^

ام مصطفى
اي امي ما كتلي شلون تريده مرتك والله العظيم لادور المنطقه وزفه لغرفتك
مصطفى
هاا يوم مو جنج اتحمستي ههههه
ام مصطفى
ولك امي شعندي غيرك يمه ابني كبر و اريد اشوف أطفالكم يترسون البيت
مصطفى
يا امي الله كريم بعدني مرحله ثانيه ترااا
دعاء (اخت مصطفى )
ماما اني اعرف مصطفى شريد من مواصفات
ام مصطفى
تدرين و ما تكليلي ولج 
دعاء
ماا خلي هو يكولج مدا تشوفيه شلون يخز بيه هههه
مصطفى
دعوفيه ماما عوفيه هايه مراهقه تالف بكيفها هههه
دعاء
ولك اني مو مراهقه عمري 19 سنه
مصطفى
ايباااخ على اساس فد معضله هههه
دعاء
ما دامك هيج الا اكول لماما
ام مصطفى
يالله تكولولي لو اجيب بكيفي
دعاء
ماما مصطفى يريد وحده لابسه عبايه  ومثقفه و ما عدها تليفون و ما تحجي هوايه جنها الحايط هههه
يريدها بيضه و طويله و عيون كبار ومثقفه و ابوها رئيس دوله ههههه
ام مصطفى
ههههه
يا يمه منين تجيبلك وحده لابسه عبايه و مثقفه ب هالوكت
اشوو بنات هالوكت اذا ما يلبسن الحصر ما تفوخ الدوده
مصطفى
هههههههه
ماما رحمة لهذاك الاب الطيب
مرتي اني اختارها لا تنطين كلمه لاحد فدوه لعينج ولا تورطين ويه خوالي
ام مصطفى
يا يمه لا تطول
تراا ما ضال بالعمر شي
اريد اشوف جهالك يلعبون داير ما يدوري
مصطفى
حجيه عمرج طويل
دعاء
ماماتي تعالي اشورج ترى مصطفى مخلي عينه على بنيه ويايه بالقسم لابسه عبايه هههه
ام مصطفى
هههههه
راية الله بيضه اذا صدك
هيج و اشوف جهالك يا يمه يا مصطفى

^عائلة ليان ^

الساعة 7:00 ص
ليان
دك تليفون ماما داتصل شنو هاي شبيه ماما من لـسبعه داتصل
الووو هااا ماما
ام ليان
ليان شصاير وياكم كلبي مخموش
ليان
ماما مصاير شي لويش شكووو سامعه شي
ام ليان
لا ما سامعه منين اسمع من ابوج لشمرني هنا
حتى ما سال عني
ليان
بابا ما شمرج انتي رحتي وحدج ماما
ام ليان
خوش بنت ابوج انتي
حسن بالبيت ؟؟!
ليان
لا ماما من صارت المشكله ولحد هسه حسن مدا يجي على البيت
ام ليان
هاي لي ردتيه حسن مهجول  ما ادري وين ما وين
حتى بالجذب محد يسال عليه
ليان
ماما شدا تحجين لويش هيج ويايه انتي مو تعرفيني ما تطلع مني كلمه زايده
ام ليان
والله اذا صار شي بحسن اهجولكم والله ....
وسدت تليفون
استغفر الله ربي اني شمسويه بحياتي يالله من صباحية الله هيج
خلي أكوم اشرفلي
سويت ريوگ و دانتريگ
ليان
بابا ...
ابو ليان
هااا باباتي
ليان
ماما ترى طولت بالكوت
ابو ليان
هي راحت هي ترجع محد يكسر كلمتي بهذا البيت
ليان
بابا ولنبي داتعب بالبيت و مسؤوليه و دوام و منا جود (اخو ليان الصغير ) مأذيني
يريد ماما
كافي بابا الله يخليك رجعها لماما حباب
ابو ليان
صار مثل م تردين اخلي عمر ( اخو ليان الثاني ) ياخذ جود لامه
ليان
لا بابا ....
ابو ليان
كافي ليان لتدخلين اكثر
ليان
اوك بابا

ابو ليان
داتحجي ويايه ليان على امه
و اجتي رساله على فيس
من ميس أشتت تفكيري
و ضل بالي يمها خصمت الحجي معه ليان
ورحت على الغرفه
فتحت الدردشه وصار بينا حجي و كلام و تعرفنا هوايه بقينا نحجي لحد الظهر مر الوقت مرور الكرام ما حسيت بيه
ابو ليان (دكتور اياد)
ميس حا اطلب منج طلب
ميس
اي دكتور تفضل
دكتور اياد
اريد فد صوره سبيشل داريد اركز على شكلج
ميس
ههههه شنو قصدك
دكتور اياد
هيج اشياء بينا هههه
ميس
شنو رأيك نفتح كام اذا فارغ
دكتور اياد
فارغ فارغ واذا ما فارغ افرغ نفسي الج هههه
فتحت كام واذا بجمال الله كوله بيه سبحان الله على الجمال وين جنت اني شكد محروم هههه
لابسه فستان بالون العيون سمائي الجسم عباره عن جمار
كولش ضعفت كدامها
ما جنت اتوقع اوصل المرحله اتغازل ب وحده

^^بعد مرور ثلاث اشهر ^^

عائلة ليان

ابو ليان
خلال 3 اشهر عاش قصة غراميه فعليه ويه الطالبة ميس و انطها كل وقته
و بدا يهمل لبيت و يتفرغ الها
مع العلم ميس داتجمع اشياء دا تثبت انو دكتور اياد عنده علاقه وياها ...
ام ليان
4 اشهر عند اهلها بالكوت هي و جود
اتثاقل منه اخوها
و بدت مرت اخوها تتحارش بيه و تستغلها بشغل البيت و أطفالها و مشاكل حتى بس تخلص منه
حسن
بعد خبر حمل هدى قرر يلتحق بدورة ضباط و يعيش حياة العسكريه بعيداً عن المنطقه
عمر
دخل الحب گلبه معه طالبه وياه بالجامعه نفس القسم و نفس القاعه
ليان
بعد 4 اشهر من داوم بالجامعه ......

يتبع•••••••