فرحة العشگوا حلال 🥀🍃

^الجزء الخامس^

فرحـــة العشگــــوا حلال
هبه دعير ....
ليان
مصطفى دايعرفني على اخته دعاء الي هي ويايه نفس التخصص  و جان يجي حسن اخويه
ويصيح لياااااااان هذاااا اول يوم ليااان منو هذااا منووو ؟؟
اني من الصدمه من الخوف من الخجل گدام الطلاب محجيت حرف

حسن
ليان داگولج منو هذاااا احجي

مصطفى
العفوا اخويه انت منو لويش داتعيط بالسنتر والطلاب دايتفرجون احترم المكان !!!

حسن
لك انت المخنث تعلمني الاحترام ااانت ههههه
كام يضرب مصطفى لحد م وگع بالكاع اجوي الأمن طردوا حسن من الجامعه
واني بس اباوع وابجي من الفشله على حسن والي سواه لو على الولد النايم بالكاع و الدم تارس وجه لو على الطلاب الي داتباوع مااا ادري شصار ويايه بس دموعي تنزل
رجعت على البيت ما حجيت حرف زايد كبل رحت نمت و ما فتحت حلكي

ابو ليان
هلووو باباتي شلونه اول يوم جامعه ؟ اتونستي ؟ اتعرفتي على صديقات ؟ تعالي سولفيلي ...
ليان ليااان ...
ليان داحجي وياجـ ....
ام ليان وينج ...
يمعوده ..
تعاي شوفي ليان شبيه مدا تجاوبني و وجه مخطوف

ام ليان
عزاا العزاني شبيه بنتي ...
ليان ليان يمه شبيج حبيبتي اسم الله عليج شصاير وياج

ليان
لتخافين ماما ما بيه شي بس تعكرت معدتي من السياره والطريق طويل
ام ليان
تعلميني بيج يا امي كوليلي شصاير وياج
ليان
ماما ما صاير هو اليوم اول يوم وين الحكت يصير ويايه بس صداع ومعدتي انام و اكعود وأصير زينه اكيد
لتخافين امي عليه ما بيه شي حبيبتي
هي طلعت ماما من الغرفه و اني گعدت ابجي و ابجي متتت من البجي على الصار ويايه شلون راح اداوم بعد على هالفشله هايه لو الله موتني و لا هيج فشله كدام الطلاب شراح يكولون عني اكيد ح تطلع اشاعات عليه و ح يشوهون سمعتي اخخخ ياربي اخخخ شكلب حسن عليه ...
لهناك و اجا حسن للبيت ...

حسن
بابا ليان ما تداوم بعد لو على جثتي مااا تداوم لو اعرف اخلي طلقه براسه ما تداوم سمعتوااااااا ما تداوم

ابو ليان
بلااا بلا اكلان خراااا و بطولات وطب كبل على غرفتك و ما يطلع صوتك ...
ام ليان
شبيك امي ليش هيج عصبي ومخلي نگرك من نگر ليان
حسن
تردون تعرفون ليش لان الشريفه بنتك اليوم شفته بالجامعه تضحك و تسولف ويه ولد وبنص الجامعه تدري يا ابوه طبعاً لا ما تدري
تدرين يا امه طبعاً لا وينكم منه وينكم صارله شكد وياه ما ندري شمسويه وياه ما ندري
طلعه من البيت ليان ماكوووووو

ابو ليان
اطلع برااا البيت لا اخلي هسه طلقه برأسك و ابتلي بيك يا سرسري
ما عرفت انطيك تربيه
بابا ضرب حسن و طرده من البيت
امي عنده حسن الامير الي محد يوصله طلعت وياه وعافت البيت

بابا خربت صحته شويه بس ما خربت ثقته بيه ابداً من شافني ابجي گالي بابا لا تبجين امسحي ادموعج انتي غاليه عندي اعرفج انتي شنوو و الغلط م يطلع منج حبيبتي اخوج فهم غلط وراح يجي يوم يعرف غلطه و اذا على امج فهي وراه حسن تدرين بيه من زمان ههههه
^^^^^^
^^^^^^
بعد كل هذا الصار و حسن مصر على ماا اداوم كعد يضايق بابا و يضايق أإلى ان صار شهر على دوام ... واني ما مداومه
جان شهر بس بسنه وأسوأ شهر
ابو ليان
بابا ليان تعرفين اني عندي داوم و التزام و مدا اگدر ارقابجـ اكثر حسن مخلي نگره من نگرج الا ما تداومين اخاف يسببلج مشاكل اكثر و فضايح ...
ليان
بابا حسن لويش هيج ويايه اني شنو سويته ليش دا يعاملني هيج قابل هو ميعرفني
بابا اني تعبتت بدراستي هوايه عفيه بابا ساعدني داريد أكمله ما اريد تعبي يروح هيج و لا اريد حسن يسببلي مشاكل فدوه بابا ساعدني احجي و عيوني تجري دموع حباب بابا خليني اكمل حباب ....

عائله مصطفى
دعاء
مصطفى هذا منو لي ضربك
مصطفى
واحد متخلف ما يعرف الله وين مخليه حتى ما عرفه منو
دعاء
معقوله !!!!
مصطفى
دعاء انجبي اي كلمه زايده ما اريد و الصار ما يوصل للبيت وبالاخص امي فااااهمه !!!
دعاء
شلون ما شوف مسوي مصيبه ..
مصطفى
مسوي مسووي و خايف منج .. اوووك هيج ؟
مصطفى
بقت صورة ليان ببالي تبجي وجه صار احمر و خجلت حسيت بيه فشلانه من الناس وتريد بس تختفي
ما راحت من بالي ابد
كلت اروح اعتذر منها و شوف شنو المطلوب مني حتى أساعده يتفهم اخوه الوضع
كل يوم اروح  لكليه الصيدله
ادور ادووور ماكو
ثاني يوم ثالث يوم ماكو لبنيه
حسيت بتأنيب الضمير
سويت مشكله للبنيه اخاف ما تداوم بعد
رحت اسال عليه محد يعرفه محد يندل بيتهم محد عنده شي عليه

عائلة ليان
ابو ليان
بابا ليان الاحد ح اخذج لدوام و ح تداومين منا وهيج ..
ليان
صدوگ بابا ح اداوم... وحسن شلون خوما يلحكني ؟!
ابو ليان
لا لااا مراح يوصلج بس بشرط ..
ليان
شنوو بابا ؟! قابله قابله المهم اداوم و ما يروح تعبي ...

يتبع •••••••