فرحة العشگوا حلال 🥀🍃

الجزء الثالث

#فرحة_العشگوا_حلال
#هبه_الدعير

🔥الجزءالثاث🔥
حسن : بعد هدى نكسر واهسي بالحياة و حبيت اعاقب نفسي لان ما كدرت اتحفظ بالبنيه الاحبه قدمت على العسكريه
و ضروري ابتعد عن المنطقه حتى اكدر انساهه
ليان : هدى تحبه لحسن حيل لدرجه تموت عليه بس حسن ما يعرف شلون يعبر عن نفسه عصبي كولش وما يعرف يسيطر على اعصابه وبنفس الوقت عنده شك لهاي الاسباب علاقتهم ما استمرت وهدى انخطبت و تزوجة خلال اسبوع واحد  عناد بحسن و تركة الدراسه و سافرة لتركيا
حسن بعد هدى تغير حيل من شخص الطيف الى شخص ثاني عدواني و يكره البنات بطريقه غريبه وطبعاً وكعت بيه اني
حسن : لج ليان هاي ليش متاخره ؟
ليان : حسن هاي شبيك صاير تدقق على كولشي استغفر الله اني منا دايخه من الامتحانات و رب الكعبه مو عيشه هاي وين رايحه ليش متاخره
حسن : لج صلفه كاعد تردين بوجهي لج اني حسن من اسالج سوال تجاوبني افتهمتي لج /بعصبيه
ليان : لزمني من شعري وعييط بصوت عاليه / حسوني اخخخ دتوجعني اني شمسويه
عمر : حسسسسن عوف ليان الك
(عمر اخ ليان الثاني طالب جامعي 23 سنه )
حسن : انجب الك حيوان ترى الزمك اطيح حظك صايرلي زلمه ويوكف بوجهي
عمر : غصباً ما عليك زلمه عوف ليان وتعال واجهني
حسن : تعال اعلمك شلون توكف بوجهي
ليان : حسن و عمر تعاركوا واني عيط  كوله من وراي اني لسبب عمر عوفه عوفه عمر حباب
أياد (ابو ليان ) : حسسسن عمررر شدا تسوووون بعدني بالحياة وكاعدين تتمالخون ادبسيسزيه يلا جوه ماا اريد اسمع صوت منكم
عمر : بابا حسن جان ديكتل ليان !
اياد : داكولك مااااا اريد اسمع صوت منكمممم ..جووووووه يلاااا
حسن : بابا اني ح ادخل جوه بس على جثتي ليان تداوم كليه
اياد : انجب و ادخل جووه لا هسه اطردك  واخليك تديح بالشوووارع افتهمت جوووه هتلي جووه
ليان : بعد هاي العركه لما اعرف شنو صارت حسن فرغ اعصابه بيه و صار كل همه ماا اداوم كليه حاربني نفسياً

(عائلة مصطفى )

مرحبا شلونكم اني مصطفى شاب اخبل و اموت لبنات كوله تتحارش بيه من جمالي بس اني ما مهتم وصخ دنيا ههههه
جذب جذب
خلي شوي احجيلكم عن نفسي و عائلتي
هي بسيطه و صغيره بس كلش شالعه كلبي اووف ما اسولفلكم هههه...
اني مصطفى طالب جامعي مرحلة ثانيه هندسه نفط 23 سنه طويل 186 ابيض على احمر مكفش لحيه وشواربي معتني بيهم اكثر من دراستي ههههه اهتم لاناقتي اهم شي عندي الساعه ماركه مو تقليد العب حديد احب احافظ على جسمي م احب التجمعات ولا احب البنات بالاخص بنات الكليه بس تكولها هلو تكولك شوكت تخطبني هههه

عائلتي..
عندي اخت دعاء طالبه سادس علمي  حساسه بدرجه تبالغ و تفخفخ وخابصه نفسه تريد تصير فد شي بس متعرف شلون خبصه بخبصه

واخ واحد و همات مطي اكل ونوم بس ومعشعش بالثالث متوسط صارله قرن واذا فتحه حلكه بعد ما يسده نهار كله يحجي ههههه
وامي الله يخليه لنا .. امي محترمه كلش وطيبت كلب عدها الحق حق حتى لو عليه تريدنا احسن الناس مرات تبالغ بينا كدام الناس هههه امي مريضه للاسف تكابر كوه تهم بينه وتريد تزوجني شلون مكان

ابويه منفصل عن امي و مزوج غيرهه ما يسال علينا و لا يهتم لنا تكدرون تكولون اني المسؤول عن العائله و المسؤوليه كلش صعبه شوي ابتعدت عن الزواج وانطيت وقتي لاهلي من جهه اعوض امي و من جهه احافظ عن اخواني
ما بالي فكرة زواج حتى لو بعد الف سنه كلش شايله من دماغي لحد م اجتي ليان و العبت ب افكاري ههههه

يتبع ....