فرحة العشگوا حلال 🥀🍃

^الجزء الثامن ^

#فرحة_العشگوا_حلال
#هبه_دعير

بعد 4 اشهر

مصطفى اعجب بشخصية و هدوء ليان
اجتي مثل م يريد
كل حلم مصطفى شريكة حياته من بيت اهله لابسه عباء و مكياج خفيف و هي تدرس جامعه و حلوه بنفس الوقت
هالحلم مصطفى شافه ب ليان
قررمصطفى بعد 4 اشهر يتقرب منها
و يتعرف اكثر و يشوف أسلوبه شخصيته اكثر
وجان الجواب ...

ليان
وين ما اروح هذا ولد ورايه يالله شيريد مني

هنا دخل الخوف لكلب ليان
كل ما يريد مصطفى يتقرب من ليان
تبعد نفسه اكثر
ويوم من الايام مصطفى شاف ليان كاعده بحديقه تراجع الامتحان وحده
كال خلي استغل فرصتي و احجي وياها
مصطفى
السلام عليكم
ليان
وعليكم السلام
مصطفى
شنو داتقرين امتحان عدكم
ليان
مو داتشوفني اقره
اخذت ليان الملزمه و كامت
^
وبعد شلون تنحل ..
يوم من الايام قرر يحاول مصطفى بعد مره

مصطفى شاف ليان واكفه بالشارع تنتظر الخط
قرر يصير البطل و العنده ذوق و يوصل ليان للبيت
مصطفى
السلام عليكم
ليان
وعليكم السلام
مصطفى
محتاجه شي ؟ اوصلج بطريقي ويه اختي دعاء ...
بعده مصطفى يحجي عافته ليان و راحت هههه
^
هنا مصطفى أيس من ليان و اقتنع ليان مو من هذا النوع من البنات و فكر بطريقه ثانيه حتى يتعرف على ليان اكثر
^
ماكو غير أتقرب من صديقته زهراء
حتى زهراء تقربني منها
و بـ احد الايام مصطفى شاف زهراء بالنادي
مصطفى
هلو
زهراء
هلو ...
مصطفى
ممكن اگعود
زهراء
اي تفضل
مصطفى
*هاي شبيه ممصدكه بسرعه اي تفضل ماكو حتى سوال
اكول انتي زهراء مو ؟
*زهراء طارت من الفرحه عبالها مصطفى حا يصارحها هههه
اي اني زهراء
مصطفى
والله اني الصراحة جايج بفد موضوع و ياريت تساعديني
زهراء
اي اكيد كول
مصطفى
ما اعرف شلون ابدي والله خجلانه منج
* هنا زهراء خجلت ومنتضره من مصطفى بس كلمة احبج
لا عادي كول اخذ راحتك
مصطفى
اني الصراحه كولش معجب بصديقتج ليان و اتمنى تساعديني داتقرب منها لان مدا تنطيني فرصه اتعرف عليه و على أسلوبه وعلى ...
*هنا زهراء انفجرت حتى مخلت مصطفى يكمل هههه
اي بس ليان مخطوبه لابن عمها
مصطفى
معقولةةة !!!
زهراء
ما تشوفه ما تنطيك مجال لهذا لسبب
^
مصطفى هنا كولش نقهر معقوله اني ما صدكت على الله اشوف بحياتي هيج بنيه شريفه وصعب واحد يوصل لها و نفس الي بالي
تالي مخطوبه
طلع مصطفى من دوام بسرعه
ورجع على لبيت و كبل للغرفه نام و ما طلع نهائيا
^
ام مصطفى
دعاء ماما اخوج شبيه اليوم مو من عوايده يدخل ما يسلم وأجا من وكت وحتى ما اكل
دعاء
ما ادري ماما حتى اني لاحظت
ام مصطفى
لعد انتي لمن وياه
دعاء
لعد يا ماما ارقب بيه ما تشوفيه شكبره
^
* من كالتلي ماما هيج عرفة الموضوع متعلق ب ليان قررت اشوف شنو موضوع ليان منو هي و شنو أخلاقها
سالت عليه بالقسم لكل مدح لي بيه و بخلافها و لكل مخلي عينه عليه دايريد يخطبه
كلت معقولة اكو هيج بنيه !!!
هنا قررت أتقرب بعد لها
بس اول شي اتاكد من أخلاقها. ومن الحجي الي نگال عليه
ليان
كاعده بالحديقه وحدي اقره امتحان و اجتي بنيه يمي تضحك و تخابر و صوتها عالي و تشرب نسكافيه و اني اقره
كولت معقوله اكو هيج طالبه ما عده ذوق بيني وبين نفسي

دعاء
شفت ليان كاعده بحديقه صغيره وحده تقره كلت اروح أنفذ الخطه هههه
واستفز ليان
سويت روحي اخابر و بصوت عالي و اخذت نسكافيه حتى اشمرها على الملازم
^
*يكلك اذا تريد تعرف اخلاق الانسان اخذها من عصبيته
^
شمرت النسكافيه على الملازم
دعاء
يااا عزا عزااا هاي شلون وكعت والله اسفه ما انتبهت جنت داخابر
ليان
هههه هاي شبيج حبيبتي مصار شي عادي تصير
دعاء
شلون مو هاي ملازم عدنا بيه امتحان
ليان
وليهمج خلصت مراجعه .. من اطلع اشتري غيرهم
دعاء
لا والله ما يصير اني اشتريلج غيرهم اني اتحمل
ليان
لا لا عيب عليج تكولين هيج قابل متعمده انتي
دعاء
الف علامه استفهام بالي صارت
معقولة لا مستحيل اكو هيج بنيه؟؟
ايجوز صدفه !
حاولة اتاكد هذي مو صدفه و ليان مدا تصنع الهدوء كلت أحرجها كدام الطلاب اكيد ما تقبل ...

واجتي مثل ما اريد
^
يوم من الايام شفت آليان بالنادي
اجيت و گعدت وراها
خليت رجلي على الكرسي و دفعته
وكعت ليان من الكرسي
هنا
انصدمت منها و من ردت فعلها تغيرت نظرتي الها بدقيقه وحده
معقوله ...

يتبع ••••