فرحة العشگوا حلال 🥀🍃

الجزء الثامن عشر

#فرحة_العشگوا_حلال 🥀🍃

#تأليف_هبة_دعير ✍🏼

مصطفى : الحمد لله طلع دكتور ليان و دكتور امي بنفس المستشفى 😁
يمكن هاي فرصه داتقرب من ابو ليان دايعرفني اكثر و الله يهدي عليه و ما اجذب عليكم سويت نفسي خوش ولد ههههه

—تركيا _اسطنبول _مستشفى اجي بآدم فوليا

سيلين : بعد المشكلة الصارت و لاحداث التطورت بسرعة حسيت بضيق اول مره احس بيه عبالك كبرت عشر سنوات ب الحظه وحدة بس راحت عيوني و صرت ما اشوف ! ب الحظه ؟؟! ب الحظه
هيج دنيا حقيرة بآي الحظه تنتهي الحياة او تنتهي الاحلام بدون سابق إنذار هيج فجاءه تخرب كل الخطط و الأفكار
و ب الحظه ينقلب لاخ من سند و صديق الى شخص ثاني ماكو اي كلمة توصف حسن و الي سواه بيه بدون ذنب بدون سبب 💔
بس دمر حياتي و أذاني وأذى بابا و ماما ومصاريف و تكاليف و سفر و بهذله 😭

-واني داحجي بهاي المواضيع بيني وبين نفسي
ما اسمع الآ صوت مألوف عليه و سامعته قبل هوايه ! 😕

لا مو بس مألوف هذا الصوت قريب مني و بسرعه جبيرة اجتي صورة مصطفى گبالي !

لا بس ممعقوله مصطفى شنو الي يسوي ب اسطنبول ؟

مصطفى : دخلنا اني و دكتور اياد على نفس المستشفى لان بالحقيقه انو هاي المستشفى كبيره و خمس نجوم و بيها كادر متطور
وبصراحة اني صريت على نكون بنفس المستشفى حتى اعرف اخبار ليان و عمليتها 🙈

وجان عذري لابوها انتَ ما تعرف هوايه بتركيا و اخاف لا ينصبون عليك 😂

و بالفعل نجحت خططي ( هي هاي الحقيقه  اذا تحب وحده لازم تصير لوگي لاهله حتى ينطوها 😂🤦🏻‍♂️)

دكتور آياد رتاحلي و يسئلني قبل ما يسوي شي و أمن بيه هواي 🙂

بعد ما كملنا لاجراءات و كذا ....
جان المفروض ابو ليان يروح يوقع على أوراق
وهنا بقينا اني و ليان وحدنا بغرفه المستشفى
معرف شصار احساس غريب و مثير كولش جان اول إلقاء بعد م خطبتها

إلقاء بوقت الغلط و الوضع الغلط 😞

صار بينا حديث جان الحديث بقمة الحزن و الفرح ، اليأس و التفائل ،الغضب و الهدوء
مشاعري هنا صارت دولمه كولشي بيها 😂

مصطفى : ليان عرفتني ؟

ليان : الصوت مألوف !

مصطفى : ( فرحت من گالت هيج )
ليان اني مصطفى اخ دعاء هندسه نفط

ليان : ( هنا گلبي ضل يدگ بسرعه ) (و ضحكت من لارتباك )
مصطفى ابو المشاكل مو هندسه نفط 😜

مصطفى : هاا هااا ؟ هاي ليش ؟

ليان :نسيت الزفه الصارت بالسنتر و الفضيحة گدام الطلاب !