فرحة العشگوا حلال 🥀🍃

^الجزء العاشر ^

#فرحة_العشگوا_حلال
#هبه_دعير

^^^^^^

ليان
الحمد لله ربي بس اريد اعرف اني شنو المسويته بحياتي ؟؟
كل يوم فشله جديده كدام الطلاب !
مره حسن يزفني !
و مره هاي توگعني ؟!

نور (اخت ليان)

هيووو شبيج تحجين ويه نفسج خبله انتي خبله ؟

ليان
نور ولي مني ما الي خولك ولي ...
نور
شكو شصاير منو ويه اختي الحلوه
ليان
حا احجيلج اذا ما احجي انفجر ...
اليوم وحده بالكليه دفعت الكرسي مالتي و وكعتني بالنادي كدام الطلاب و صرت هالكدادتني من فشله
نور
يا كلبه يا حقيره شنو انتي تايها ما عندج احد
واش سويتي لها؟؟؟؟
ليان
ما سويت شسويلها بنص النادي !!!
نور
كبر يالفاهيه ....
كون هاي اني الا امسح النادي بيه مسح
شبيج مدكه صايره بالكليه انتي .......
ليان
نور ولي انتي اش تفتهمين ...
نور
اذا انتي خايفه اخذيني وياج خلي امسح بيه الكاع والله ...

^^^^^
<عائله مصطفى >
دعاء (اخت مصطفى )

ماما اريد اكولج بشغله
ام مصطفى
شنو امي ؟
دعاء
ماما شفت بنيه لمصطفى
ام مصطفى
منيه امي ؟ وين شفتيها ؟
دعاء
ماما ويانا وحده لابسه عبايه
ماما ما اسولفلج شلون القسم كوله يمدح بيه و بجمالها
و لو تدرين اش سويت بيه و لا فتحت حلكها و لا بحرف
ام مصطفى
ياا امي وين اكو هيج هاي البنات يصنعن علمود بس يجذبن انتبه ايجوز بالصدفه !
دعاء
ماما و لنبي اليوم دفعتها بالنادي ما حجت
ماما حجت و لا حرف و صار وجها احمر و طلعت تخيلي اكو هيج
ام مصطفى
متاكده منها ؟
دعاء
ماما والله صدوك
ام مصطفى
من يجي مصطفى نفاتحها بالموضوع و نشوف شنو رائيه ؟
دعاء
صدوك تحجين
ام مصطفى
شعندي بالدنيا غير ازوج مصطفى و اشوف احفاده قبل لا الله ياخذ امانته
اليوم كبل باجر اريد ازوجه
هجي و يقبل مصطفى و يكول بلي يا ربي 
^^^^^^

<عائلة ليان>

ليان
هاي لبنيه مبينه مخليه نكرها من نكري !!
خلي أغيب كم يوم بلكي تبطل مني و اخذ فتره اشوف لبيت و مشاكله
ابو ليان
باباتي حبيبتي اليوم م اجي على عشا لتنتضروني
ليان
لويش بابا لا و فوكها بكامل الاناقه وماما مو هنا خليتني اشك ههههه
ابو ليان
ههههه بابا عندي موعد عمل ويه وفد جاي من الصين
ليان
تمام بابا
ابو ليان
بهذا اليوم جان اول يوم إلقاء ويه ميس
ممصدك حا اطلع وياها
حرت شراح البس شراح اخلي
اخذت بدله جديده لونها جوزي فاتح و حددت لحيه رتبت شعري عطر خليجي
اي هسه شكلي تمام
انطلق اياد يلا هههههه
ميس
اليوم لازم اخلي دكتور اياد يثق بيه و يحجي ويايه كولشي
لبست فستان عنابي ضيق جدا الدرجه أتبين تفاصيل جسمي
عفت شعري مفتوح على طول لان مره كال احب الشعر المفتوح
خليت مكياج خفيف مثل ميحب هو
سويت كولشي هو يعجبه بس داريد يثق بيه و ينعجب اكثر
ابو ليان
وصلت على المطعم وكولش مرتبك ما اعرف شبيه هههه
عبالك جديد على الحب
انتظرتها عشر دقائق ماكوو
ربع ساعه ماااكووو
نص ساعه ماكووو
ساعه ماكووو
اخاف بيه شي يالله ...
اخاف اتصل عليه و أتورط !!
يلا خلي اتصل و شيصير خلي يصير
مقفول ...
بعد مره
مقفول ...
لا اله الا الله ..
هاي ليش ؟؟
معقوله انضربت بوري ؟!
ليان
هسه احنا شنو عيشتنا هاي ماما بصفحه وبابا يا دوام يا موعد عمل و حسن بصفحه و هاي نور بالغرفه نهار كوله متطلع
وعمر ميدري بالدنيا طشت رشت
هفف يالله
بعدني داحجي وي نفسي وندگ لباب
منووو ؟؟؟
هاا عمه اني ام محمد ندى
ليان
عزاا هاي اش رجعهم من الاردن و شلون وقت رجعوا بيه
هلو عمه تعالي تفضلي
ندى ام محمد (زوجة عم ليان )
هلا باليان فدوه لله و للبنات صايره مره شهل جمال بنيتي
ليان
هههه عمو شلونه
وينه اشووو ماكوو وياج مشتاقتلكم صارلي هوايه مشايفتكم ؟
زوجة عم ليان
اي والله يا عمه عشر سنوات مو شويه هل صايره مره بيهن
ليان
هههه هيج كبرانه اني !!!
زوجة عم ليان
كبرانه و صايره تخبلين وين وصلتي بالدراسه
ليان
عمه اني مرحله اولى صيدله
زوجة عم ليان
اااي اي ما شاء الله
خلي اخابر عمج اشوفه وين !
ليان
اي عمه براحتج
اني همات كايمه اسويلج عصير
زوجة عم ليان
لا عمه ما اريد اتعبج
مي بارد كلش كافي
ليان
لا عمه عيب هالحجي انتي بيتنا لازم اقدم شي و صارلنا سنوات مشايفتج
اهووو هاي اش رجعهم وكتهم
اكيد هسه ح تسالني وين امج وين ابوج
استغفر الله
ندى ام محمد
والك ابو محمد تعال شوف اياد عنده بنيه تخبل فوكها صيدلانية
لازم ناخذها لعلاوي
ليان
هاي شدا تحجي بالتليفون عبالك راح اسمع اش تحجي
هههه
نور (اخت ليان )
شوف شلون تحجي بصوت ناصي هههه
زوج عم ليان
ليان يمه شوو لبيت فارغ وين امج ابوج اخوانج ؟؟؟
ليان
والله يا عمه ماما راحت لبيت جدي خالو تعبان شويه كم يوم و ترجع !
بابا عنده شغل هسه يرجع
حسن قدم على دوره ضباط هسه هو حالياً ب دهوك
و عمر نايم
زوجة عم ليان
يااا على حظي يا عمه ما شفت واحد منكم و اني جايه من الاردن غير على لمتنا لحلوو
ليان
يلا عمه الجايات هوايه مدام انتوا رجعتوا
زوجة عم ليان
ولج عمه ما تراد الغربه ما تراد
احلا شي تكعدين بمنطقتج يم ناسج يم اهلج يم المكان لربيتي بيه
يمه لو ينطوني ملك الدنيا ما اطلع برا العراق بعد
ليان
شنوو عمه ح تستقرون هنا
زوجة عم ليان
اي عمه هنا اخذنا بيت و عمج دايحجي ويه ابو لملك ان شاء الله هالاسبوع نستقر بيه و نصير جيرانكم
ليان
يااا صدوك شلون خبر حلوو هذا
نور
هي هايه الناقصة صار عدنا جيران من اقرربنا الحمد لله بس ما اكول شي ثاني
ليان
للمغرب ...
اجا عمو وياه ولد بكدي
عم ليان ام محمد
هلا هلا باليان هلا بنتي شلونج باباتي
ليان
هلو عمووو شلونكم كولش مشتاقتلك طولت علينا
عم ليان
اعذريني عمو اجيناكم بلا خبر تعرفين بعدنا معدنا بيت بالعراق اتحملينا كم يوم ههههه
ليان
لا عمو صدوك جذب لبيت بيتك شنو هالحجي
نور
لا يالله وينج ماما ح يبقون عدنا بابا انت وينك
عم ليان
تعالي ليان اعرفج على ابن عمج هذا علي اخر العنقود تذكريه جنتوا تلعبون سوى اكبر منج بسنه وحده ههه
ليان
اهلا علي شلونك ابن عمي اعذرني ما اذكرك هههه
نور
ليان متذكر اخوانها تذكر قبل 20 سنه ويامن تلعب هههه
علي ابن عم ليان
ههههه ولا اني اذكر عندي بنت عم هيج حلوه جان ما سفرت ههههه
نور
يااا عزاا هاي شبيه شكد لوكي
ليان ترى هاي عليج حجي شوفي شلون يباوعلج
ليان
انجبي نور دايشاقه وياج غبيه
عم ليان
شنو عموو وين لاهل
زوجة عم ليان
كولهم برااا رجلنا حضره يا ابو محمد وضحكت ضحكه شكبرها
ليان
اباوع كولهم يضحكون و ماخذين راحتهم و وقت مغرب يعني عشا

نور شراح اسويلهم اكل
نور
اش دراني خابري على بابا بلكي يجيب من برا
ليان

داتصل على بابا مدا يجاوب ...
نور اخاف اخابر على لماما و تنقهر !؟
نور
شراح نسوي هسه ؟؟؟؟هفففف منين طلعونا هذولي عشر سنوات ما اجوي من ماما راحت اجوي
^^^^^^
<عائلة مصطفى >
مصطفى
قررت أراقب ليان بنفسي و اروح على منطقتهم و اعرف شنو كلام ناس عنهم
بعد م سالت هوايه ناس
محد يعرف عند بيت دكتور اياد بنت ؟؟؟ هاي شنوو معقوله يعني لبنيه ما تطلع مناسبات ؟ حفلات ؟ لويش محد يعرف
سالت و سالت
الى الكل مدح الي ب اخلاق هاي عائله و ثقافتهم و ما الهم علاقه ب احد
بعد المدح السمعته من المنطقه ومن الكليه صرت احسد ابن عم ليان عليه
اخذ بنت صعبه بعد اكو منها بالدنيا
من القهر و الضوجه الصارت عندي رجعت على بيت كبل بلا ما اروح هيج او هيج
ام مصطفى
هلا هلا بجيت ابني هلا بالعريس
مصطفى
امي يااا عريس رحمه لاهلج خليني بحالي
ام مصطفى
شبيك امي
مصطفى
ماما تعبان ح اصعد انام والله ما الي خولك
ام مصطفى
امي بس عندي موضوع وياك شفتلك بنيه مثل ما تريدها ناقصني بس تقبل و اروح للجماعه
مصطفى
رحمه لاهلج امي عوفيني يا زواج هذا

ماااا اريد اتزوج !!! افتهميييييييي

يتبع •••••