أدمنته وليته يعلم ( روايات ليبية )

حلقة 1🔥

أدمنته وليته يعلم
الحلقة الأولى ")
ماما : وعد
انا : نعم ؟؟
ماما : شن وتيتي روحك ؟
انا : طبعا طبعا  في #سري معقوله بنشوف الغالي ونطول _
ماما : باهي هيا حتى منار وتت
انا : هيا واتيه لا اله الا الله
وطلعت برا للجنان نستنى ..
انا : مناروو ماما هيااا
ماما : طلعنا هي
انا : كل مشية تقولولي وتي روحك وانتم مطول سريبكم
منار : مطوول السانك ماتسكتي بكل 
انا : هههههههههـ وراثه طلعتلك
وجاا عمك معاذ يجري
معاذ : وين مشيات ؟؟
انا : لعمي محمد
معاذ : كنك تحكي من راس خشمك
انا : شي
منار : شن في اخرا ؟
معاذ : توكلن وجك انتي ويااه
انا : عيب احترم امك
معاذ : اسكتي بلاا سواسه امك فاهمتني
ماما : را والله نقول مافيش مشي
منار & انا : تم تم
وطلعناا ..
احمم نعرفكم بروحي اسمي وعد م 97 صف ثالث ثانوي
عندي اخت وحده منار م 95 و3 خوت معاذ م 96 ع روس بعظنا هذا عليش شحنات بينا  و منير م92ومؤيد م 2002 كلهم ميم ماعدا ناا  وعمي محمد عنده 2 شباب و3 بنات عكسنا ^^
فاطمه م 88 ومتجوزة و نجلاء م 96 وميار م 2004 اخر العنقود والشباب خالد م 90 وخاطب و زين م 91 ♥_ ♥ أكيد فهمتووا القلوب شن معناهن ههههههـ انا وزين مقربين من بعظنا يعني تصدقوا ولد عمي ويحكيلي في اسراره من وانا صغيره كنت متعلقه بيه عشان كنت نلعب مع نجلاء اخته ومرات يشاركنا هذا عليش علاقتنا ببعضنا قوويه من طفولتنا .. والمشكله الكبيره والكارثه ان انا انا انا  حبيته بكل عرم  ونقوللكم حاجه  حتى هو يحب ^^ بس مش انا  مكبد ع فرخة >< اهئ اهئ .. نبيش انوضع عليا المواجع تووا .. اها ماقتلكمش فيلات عيت عمي لاصقه في فيلتنا ^^ يعني نمشوا ونجوا علي بعظنا وااجد ..
.
مشينا لعيت عمي وفتحتلنا الباب خدمتهم وخشينا ..
امال : مرحبتين بيكم أنستوو
امال هذي مرات عمي وام الغالي _
ماما : كيف حالكم وشن اخباركم ؟
سلمنا علي بعظنا كلنا ونهينا التراحيب .. وكالعاده انا ونجلاء ديما مع بعظناا مانفترقوش من طفولتنا ^^
نجلاء : كيف حاله ؟ ^^
( طبعا نجلاء مكبده ع خويا منير متاع م 92 ^^ علاقات حميمه بيناتنا لدرجة البنات يحبن عويل عمهن ^^ ) .
انا : علي من قصدك ؟؟ ^^
نجلاء : بلا عباطه
انا : هههههههههـ كوويس الحمد الله فالجامعه ماشفتش اليوم
نجلاء : نجيه ليا ربي يوفقه
انا : آميين .. أحممم ^^
نجلاء : كوويس ما عندك عليش أتحممي
انا : ههههههههههه باهي تمام
زين : نجلاااء
انا : بسم الله ابن الحلال عند زكروا بيبان
نجلاء : حس بيك هههههههههههههههـ
انا : اها بكل من حبه ليا
وجانا زين طبعا كنا مقعمزين فالجنان برا ..
زين : اوو بنت العم شنجووك ؟؟
انا : تمام وين كنت ادور
زين : كلبشيني بالمره
انا : نكتفي معاك بتحقيق بس
زين : ههههههههههـ وين بنكون فالجامعه اللي ضيعت شبابنا
انا : شباب اخر زمن قعدت الجامعه تضيع الشباب وانتم ع اساس ماشيلها للدراسه يعني
زين : ههههههههههـ لنقانك صدقتي شوفت الكبيده غادي خير من الدنيا ومافيها _
انا : آحممممم أحترمووونا  ههههههههههـ
زين : متعووده انتي عاد رسميات يقعد فيها جو شين
انا : هههههههههـ لا انبصر خوذ راحتك
نجلاء : كملتوا
انا : كيف صار كنتي مصكر وذانك
نجلاء : هههههـ حناطه
زين : نبي نعدي ندير حمام ونطلع
انا & نجلاء : تمام
زين : بنات مافيكنش جوو بكل
انا : ع اساس انت اللي فيك جوو
زين : خرفن للصبح رأيكم مايهمش
انا : باهي وراي الكبيده ؟
زين : ههههههههههـ لابروحهاا
انا : عليك عشق ان شاء الله تستاهل :3
زين : بلا حقد آآآيووه فكونا ياا
انا : مافي حد حاقدك مغير توكل :3
زين : هيا اوكي
انا : اوكي
يحكي معايا وبدلاله اخرا .. حاليا شايطه فيا النار هنا ♥ ياريت نبادله في نفس شعور الأخوة ياريت :( بختي الله غالب مشعارف لعند امتى بنقعد نجامل واندير في روحي اخته وانا نحبه ><
عموما سرحت شويا وبحتت في نجلاء لقيتها سارحه وحاطه يدها ع خدها ..
انا : غر من اللي واخذ عقلك :3
نجلاء : محد -_-
انا : صدقتك :3
نجلاء : غر امتى ربي بيحن عليك ويفكك من هالحناطه بس !!
انا : الساعه السعيده ههههههههـ
نجلاء : هههههههههـ لا جت ولا ريناها
انا : اي والله
نجلاء : زعمك يحبني ؟؟
انا : علمي علمك
نجلاء : ماخساره ماخوك :3
انا : اخته مش قلبه :3
نجلاء : باهي لعند امتى بنقعد هك انا ><
انا : باهي حالك خير من حالي ><
نجلاء : ليش شن يفرق
انا : تحقي في علاقتي مع زين صداقه لأبعد الحدود وانا نحبه وعارفته يحب غيري ومجنون فيها .. مش كيفك انتي ماتندريش .. انا قاعده نشفشف من جووا >< االلي تحقي فيا هاديه -_-
انا : يانعليا :(
نجلاء : ربي معاك يا حنه ماقالك حد تحبي خوويا الهبل هههههـ
انا : هههههههههه هبل لكن يهبل
وطلع زين من جووا بسرعه ..
انا : غر بشويش بشويش
زين : اسكتي يا طشه
انا : معش تقولها ليا -_-
زين : مااتخافيش حتى اختي نفسك اقزام خخخخ
انا : الهازي مبتلي راه :3
زين : اسكتي يا عزوز تأخرت
انا : تي وين ماشي بالأناقه هذي كلها بس والعطر الفايح
زين : نقولك سر ؟ :D
انا : اللي هو :D
زين : عندي موعد ^^
اول ماقالي الكلمه صارلي احباط تاام بكل معنى الكلمة حاجه تكسرت من جووا عذاب بكككل ياارب ليش حبيته بس !!
انا : اوو مع من ؟ :3
زين : الكبيده ههههههههههـ ماشيه للمول بنمشي غادي ^^
انا : اهااا ربي يخليكم لبعظكم ( مش من قلبي بكككككل ) ردبالك من الطريق بس !!
زين : احسن بنت عم والله نتلاقووا يا طشه
انا : تمام
لعند امتى بس :(
نجلاء : وعد :(
انا : نجلاء :(
نجلاء : تزعليش :(
انا : باه تو نضحك ونلعب :(
نجلاء : هههههههـ بلا سماطه
انا : ههههههههههـ تعالي والله نحكي جد هي نركبوا لدارك ونولعوا أغاني وننكلبوا انا نرقص عشان حبيبي يبي يقابل كبيدته وانتي ارقصي ع مواجعك ههههههههـ
نجلاء : هيااا هههههههههههـ هبله والله
ركبت انا ونجلاء لدارهاا ولعنا كل مره أغنيه وقعدنا نرقصووا من طياح السعد -_-
نجلاء : خلاص خلاص تعبت
انا : بااه هي ننزلوا معاهن لوطا
نجلاء : تمام
ونزلنا لوطا مع العيله .. وجابت خدامتهم باقي العزومه وكلينا ..
جا عمي محمد .. سلم ع اختي وماما ..
عمي محمد : اوووو بنيتنا شنو حالك ؟
انا : تماام يا عمي شن مداير وشن اخبارك ؟؟
عمي : بخير والله بشوفتكم
.
~~~~~~~~~~~~~~~~
روحنا من عيت عمي ع قصاد الساعه 9 .. كلا انا اغمى عليا ودخت رقدت عشان زعلانه .. وبيش انوض للمدرسه بدري ..
.
نضت ثاني يوم فطرت ومشيت للمدرسه .. لقيت الشله ..
انا : هآآآايات يا بنات
البنات : أهلين شنجووك ؟
انا : تماام بخير
طبعا شلتي 9 بنات وانا الـ 10 مافيش مقربه مني خاطي نجلاء بس كلنا جونا حلوو مع بعظنا .. واسرارنا مع بعظناا ..
.
كملن الحصص الأولى وطلعناا للفطوور ..
انا : تعالن نبشركن :D
مريم : شن زين بيخطب ؟؟
انا : قريب ان شاء الله هههههههههـ
أسماء : مبرووك عليك يا حنه
انا : عليه هو مش علياا -_-
سلمى : مش انتي الخطيبه :O
انا : لاااا كبيدته دايرلي معاها موعد امس -_-
نور : اووو ضربه قاضيه :O
انا : اس ماتحكيلي بكل :/
منال : رن الجرس صبن -_-
انا : انتي ماشاطره غير توقضي فينا ع الجرس بااهي :/
.
وخشينا بيش نكملوا اليوم الدراسي الممل كالعاده -_- الحمد الله اللي السنه الجايه جامعه :3
.
~~~~~~~~~~~~~~~~~~~~
روحت للحوش تغديت وقيلت وقريت ورقدت بيش نوعا لليوم الثاني ونضت ومشيت للمدرسة وروحت وتغديت كالعاده -_-
رن فووني ... وااو زين _
انا : شايفني في منامك امالا
زين : تي اي منام الساعه 5 تووا
انا : انا عندي قايله :3
زين : اها والمغرب ع قصاد الساعه 9 مااه -_-
انا : شفت حبيبتك ؟
زين : يس :D
انا : طيب فيك :3
زين : مش شايفتيها ؟؟
انا : ومهدرزة معاها اخرا -_-
زين : هههههههه تعالي نوريك صورتها
انا : دزتلك صورتها :O
زين : كنك تفاجئتي شن المشكله
انا : لا مافي مشكله
زين : تبي تجي ؟ ونبيك في موضوع
انا : حنجي اكيد ^^
.
وكملت مكالمتي معاه .
مشعارفه ليش حبيته بس ونعذب في روحي لدرجة ان كان نلقى يفترقوا :( ماعمريش حملت نوايا سيئه لحد لكن المره هذي كان نلقى يفترقوا .. بجد تعبت >< .. ومشعارفه كيف ادز صورتها :/ البنات مايخافن بكل شي .. وشن الموضوع اللي يبيني فيه :3
المهم لبست جينز امريكي وعليه بدي طويل سمائي مرسومه عليه ميني ماوس بالأسود ولبست شوز اسود و لبست وشاحي وطلعت ..
.
دقيت الباب .. فتح زين
انا : غرريبه فتحت انت عهدي بيك تنبال :3
زين : جاية الطشه معقوله مانفتحش
انا : ^^ وترتلي اعصابي احكي شن الموضوع
زين : هيا هي
وقعمزنا ع الطاوله فالجنان تحت الشجره .. و يبي يوريني صورة حبيبته في فونه ..
انا : قصدك بتوريها ليا ؟؟
زين : اها كنك ماتبيش ؟
انا : مش هكي بس بالك خصوصيات
زين : ههههههههههـ يا مؤدبه انتي نصي
انا : هههههههه^^
ووراها لياا .. الله اكبر عليك جمال .. طولها متوسط وعيونها عسليات وبيضا ..
انا : ماشاء الله عليهاا ربي يحفظها لك
زين : جميله اه ^^
انا : ماشاء الله .. هذا هو الموضوع ؟؟
زين : لا مش هذا
انا : .....يتبع