أدمنته وليته يعلم ( روايات ليبية )

حلقة 7🔥 ما قبل النهاية 🔥

ادمنته وليته يعلم

الحلقة السابعه ")

نجلاء : عميتلك قلبك ندى .. المهم صلح مادرت
زين : تو نمشيله بكرا نحكي معها
نجلاء : بسببك معش جت هنا بكل
زين : خلاص نقولك ظميري وانتي لكلوك ماتسكتيش بكل
نجلاء : تم
.
~~~~~~~~~
كنت مقعمزة نرسم كالعاده .. لعند ماجتني منار وصدمتني ..
منار : وعد يبك زين
انا : من يبيني ؟؟
منار : ين رفيقك ياحنه
انا: تو نجيه
منار : اوك
صدمتني قالتلي زين شن يبي فيه هذا .. ماعلي الا ننزله ونشوفه كان بيش مايشكوش هلي ان في حاجه بينا .. لكن اول مانلزت تفاجئت بمنظر وجه الباين ان داير عركه .. نحكي معاه براس خشمي ..
زين : خير ياوعد
انا : اهلين
زين : كيف حالك ؟
انا : بخير كيف مانك شايف .. بلا تطويل كلام شن تبي ؟
زين : كنك تحكي معايا هكي ؟
انا : مالا كيف تبيني نحكي بعد اللي درته فيا
زين : جآي بنعتذر منك يا وعد
انا : كثر خيرك والله مافيش داعي للأعتذار طلعتك من عقلب من زمان
زين : وعد سقمي اسلوبك معايا
انا : اها متعود ع وعد اللي ديما مصبيه معاك ومهتمه بيك
زين : نقولك ناادم
انا : مايفيدش الندم .. بس قتلني فظولي نعرف شن اللي غير رايك لما كنت تحكي من راس خشمك معايا وتفشك بحبيبتك الملائكة شن صار توا
زين : تبي تقبلي اعتذاري ولا ؟
انا : ماعطيتش اعتذارك اهميه بيش نقبله اساسا ومازلت تحكي من راس خشمك واتواطى
زين : انتي تحبيني وحتسامحيني
انا : هه كنت نحبك من زماان اذكرت ؟؟ قبل ماتشلفطني بكفوف الذل لكن توا طلع من راسك التكير هذا
زين : وعد والله ماعاد تصير انا عارف ان غلطان وانتي قدرك كبير والله
انا : ماينفعش الكلام هذاا تووا انت كسرت خاطري ووجعتني ا
زين : باهي شن تبيني اندير اكثر من هكي ؟؟
ومالقيتش روحي الا منهاره ونبكي ..
انا : انت عارف اني حبيتك اكثر من نفسي ؟؟ عارف ان ضحكتك عندي باالدنياا ؟؟ طلعت معاك للسوق عشان ندى وانا من جوا نشفشف كأنك عطيتني كف .. نشارك فيك في كل شي بيش مانزعلكش تقبلت ندى بكل نيه صافيه وهدرزت معاها لما جتكم وحتى لما عرفتها مش تمام سكتت مش عشان معنديش لسان ؟ لا عشان زين مايزعلش وجعتني فيك انها تلعب عليك وجيت حكيتلك نبيك تصدقني شن درت انت ؟؟ مشيت ذليتني وهزبتني عشانها انا من اول ماوعيت فالدنيا وانت جنبي مانمشيش في يوم الا ونسمع صوتك كنت مستعده نحقك مع غيري المهم تكون سعيد وبخير انتحمل فيا ولا فيك رغم اني حبيتك بجنووون لكن ماحبيتش نبيلك غير اخوتي وصدقتي لك نقول مانبيش نخسره هو اغلى حد عندي .. عندي كلهم يسيبوني عادي المهم زين جنبي .. انا غلطت وندمت واستحقرت روحي عشان حبيتك وعطيتك قلبي .. انا مش رخيصه كيف اللي عندك .. ماقدرتش نكون كيف اللي تحبها انت اكتفيت ان نكون بشخصيتي وبالك نحصل قلبك ..
انت حتى يوم اللي طحت وشالوني المستشفى بسببك ماكلفتش روحك تجي وتجبر بخاطري .. رغم انك جرحتني الا ان اول ماجوا العيله ندور ع زين بينهم بنشوفه بنحس انه مهتم بيه بنحس ان زين مستحيل يتخلى علي نصه .. لكن من اول موقف بيني وبينك سيبتني ..
زين انصدم من كلامي منسته فيا وخلاص
زين : وعد وعد والله مانحساب شعورك اتجاهي هكي والله عار روحي غلطت مانبيش نخسرك
انا : خسرتني واللي صار صار
زين : والله يا وعد كنت مسحور فيها مانندري علي شي خاطيها عمتني عليك سوسه
انا : شن صاير معاك عشان تحكي ع حبيبتك هكي ؟
زين : مش مهم شن صاير المهم اني ناادم والله نادم نبيك معايا ول ماشعرت بضعفي اليوم خطرتي علياا انتي انا كنت هبل وضيعتك من بين يدياا وعد والله كان يعود بيا الزمان بس الزمان
انا : شن كنت حدير ؟؟
زين : مستحيل نضيعك من يدي كنت ..
انا : زين خلاص ساد انت جرحتني مانقدرش نرد كيف ماكنت معاك زمان ابدا ضربات قاضيه عطيتهن لياا ..
زين : وعد سامحيني
انا : ماعمريش كرهتك ولا حنكرهك بس طلعتك من اولوياتي ... يسامحك الله .. بنرقد تصبح ع خير
زين : بس يا وعد
خشيت وسيبته .. يحسابني باربي بين ايديه امتى مايبي يعزقها وامتى مايبي يردهاا .. خساره يا زين .. دغري رنيت ع نجلاء بنشوفها شن فيبالك تعرف ..
انا : نجول عارفه شن صار ؟
نجلاء : زين اعتذر منك ؟؟
انا : كيف عرفتي ؟
وحكتلي القصه كلهاا ..
انا : كذابه تحكي جد ؟؟؟
نجلاء : والله .. نيتك تخدم يا غلاتي
انا : اللهم لاشماته بس فرحانه لزين
نجلاء : حاولي تسامحيه ؟
انا : مستحيييييل
نجلاء : كلنا نغلطوا يا وعد
انا : قارني بوحده ماتسوش يا نجلاء
نجلاء : كلنا عارفين لحب اعمي عااد والمهم ان اعتذر وماكابرش
انا : عاد قلبي ومايريد في جرح في قلبي جوا نتمنا يبرا لكن مافيش فايده
نجلاء : عطيه فرصه يا وعد
انا : يقدر يسامح ندى ؟
نجلاء : لا مستحيل يردلهاا .. بس ماتقارنيش روحك بيهاا هو متذع في قلبه منهاا ورغم همومه اذكرك انتي اول وحده دليل ع ان مقدارك كبير عنده
انا : مانقارنش في روحي نسأل فيك بس .. مايصيرششي
نجلاء : راسك يابس يا وعد كان ماني مصدقته وحاسه بيه را ماحكيتلك
انا : سامحيني يا نجلاء مستحييل نردله كيف قبل
نجلاء : باهي براحتك .. هي سلام
انا : سلام
~~~~~~~~~~~~~~~~~
زين : ماقدرتيش تقنعيها ؟
نجلاء : للأسف لا
زين : قصصصه
نجلاء : معاها حق البنت .. بعدين لنفترض سامحاتك شن تبي اخرا مستحيل تقنعني انك حبيتها ؟
زين : اول ماشفت ندى بالمنظر هذك كرهتهاا واستحقرتها كان خاطري نقتلهاا من حقدي وكرهي كل الحب انقلب كره .. لكن لما اخطرت عليا وعد حسيت بحاجه بردة علي قلبي وتأملت انها تسامحني وتردلي كيف قبل ونبدا معاها قصة حب لأنها بجد لو ضيعتهاا حنندم ومستحيل نحط الثقه في بنت غيرهاا لما حكتلي علي في قلبها امبدري تمنيتها تظربني ولا تجرحني وتردلي مادرتلها لكن حكت معاياا بدون ماتجرحني ولما شفتها تبكي بسببي استحقرت نفسي
نجلاء : آآه يازين الجرح واعر
زين : حنحاول معاهاا
نجلاء : بالك ترضى
~~~~~~~~~~~~~
واخيرا حاجه بردت علياا اعتذاره مني فرحني نوعا ما بس امبدري نهرت قدامه بدون مانحس لكن هو يطلب مني في شي صعب بكل
جرحي طازه :3 بس اللي قطعت تفكيري مسج ومن زين ؟؟
زين ( حايس من دونك يا نصي نشكي غير مواطي حسي )
دزيتله .. ^^
جرحني ويبيني نداويه .. ويبيني ننسا مافات
اللي جارحني في ماضيه .. ويبيني نرجع هيهات
اللي بايعني مانشريه .. ولا نبقى لقدري شحات
بعد كنت غلاكم نبيه .. اليوم غلاكم عندي مات
دزلي ( وحق ربي و اجعني نترزا في عمري ناااادم غلطت وسامحيني )
معش بيت اندزله شي .. صاح انا طيبه بس مش لدرجه ان نسامحه دغري ..
.
ثاني يوم هلي بيعدوا لعيت عمي .. ومشيت معاهم وسلمنا ع العيله وهدرزنا جا زين >< سلم علينا ونادتني نجلاء للجنان ..
طلعت معاها لحقن زين ..
انا : شن يا نجول ؟
وخشت وسيبتني مع زين ..
زين : وعد فرصه اولى واخيره والله مانضيعهاا
انا : مستحيييل ... وزعلت ع اللي صار معاك
زين : وعد بنقولك شي مهم
خشيت وسيبته .. وطلعتله نجلاء
نجلاء : شن قلتلها ؟
زين : ماعطتنيش فرصه
نجلاء : اعترفلها بحبك هي حتتفاجئ لكن اعترلها
زين : الحب مايستأذنش بعدين كيف نقدر مانحبهش بعد اللي داراته معايا . شن بنقول ولا نقول .. بالك تعطيني فرصه
نجلاء : ماتيأسش بس
زين :تمام
~~~~~~~~~~~~~~~~~~~~
بعد اسبوع ...
الاسبوع اللي فات كله محاولات من زين عشان نسامحه لكن لاسامحته ولاعطيته فرصه حتى .. جوونا وقعدين عندنا تووا ..وكالعاده نادتني نجلاء ووقعت فالفخ -_-
انا : زين مستحيل
زين : وعد انا نحبك
كيف امتي ليش ..؟؟؟
انا : كيف ؟؟؟
زين : حبيتك يا وعد فرضتي حبك علياا
رغم كل شي بس لم قالها ليااا مانقدرش ووصف شعور يهبل بكل بكل تمتيتها في ظروف احسن ..
انا : هههههه عليك سرعه -_-
زين : الحب مالاشي لا موعد ولاسرعه محدده
انا : باه سلام
وخشيت لكن زين انفعل ومسكني من يدي ..
انا : بنخش اطلقني
زين : انا كل يوم نذل في نفسي اكثر عشانك ليش ماتسامحيني ربك يغفر لعبده يبال انتي ؟؟ وعد اوقضي لنفسك وبطلي حركات دلع .. انا نحبك وناادم شن تبي اكثر من هكي ؟؟ وانتي تحبيني ليش نضيعوا في وقتنا ؟؟ خلينا ننسوا
انا انصدمت من تعلاي صوته علياا وهرجته ..
انا : من زمان كنت نحبك .. ما طلبتش منك تعتذر ..
وطلق يدي بالقوة وعدا شايط ومنفعل ..
قلبي وجعني عشانه .. مازلت نحبه اصلا انبليت بيه وخلاص :(
.
وروحوا عيت عمي مناا ..
~~~~~~~~~~~~~
امال مرات عمي : الوو من معايا ؟
...: .........
امال : كيف ؟؟ لاااا زين ولدي
وطاحت اغمى عليها ماناظت الا بعد ربع ساعه ..
نجلاء : ماما كنك شن في ؟؟؟
امال : زيييييين يا نجلاء زيييييييييين يا شبابي اللي ضاع بسررعه كلمي باتك وخوتك زين فالعنااااايه مضروووب رصاص
نجلاء : كيف ؟؟؟ لاااااااا زين مستحيييل لا خووويا
~~~~~~~~~~~
بعد نص ساعه من مرواحتهم رنت عليا نجلاء ..
انا : رايفتي ؟ ههههههههه
نجلاء : .....
.
#يتبع ..