أدمنته وليته يعلم ( روايات ليبية )

حلقة 2🔥

ادمنته وليته يعلم
الحلقة الثانية ")
زين : الموضوع اللي نبيك فيه واثق انك انتي اللي حتساعديني
انا : امممم خليني نفهم شن الموضوع قبل مش خير ؟ :-D
زين : ههههههه بكرا عيد ميلاد ندى
انا : من ندى ؟ اهاااا وياهي :3
زين : ونبي ناخذلها هدية بس مشعارف شن اللي يحبنه البنات :/
انا : وانا شن المطلوب مني ؟ احكي ديروحك متحشم :3
زين : هههههه نبيك تطلعي معاي للسوق ناخذولها هدية ع ذووقك
اخر شي كنت نتوقعه 😳نمشي نختار لحبيبة حبيبي هديه .. اووو نووو حنقعد مجنونه لو درتها هههههه
انا : ليش ماتاخذ نجلاء انا عندي قرايه
زين : خيبتي ظني يا بنت العم مش كل يوم نطلب منك انا 😒
انا : نجلاء ؟ :/
زين : فوتي خلاص نجلاء معش تنسى الموضوع بكل
انا : باهي خلاص موافقة
زين : مرطزتيني -_-
انا : :/
زين : امي تبيني نشيلها لمحل امشي معانا مش حنطولوا
انا : تمام
امال : زين نطلعوا ؟
زين : بناخذ معانا وعد
امال : تمام  تغير جوو .. هي بيش نروحوا بدري
انا : حنكلم ماما بيش نقوللها ..
وكلمت ماما وحكيتلها وهي وافقت طبعا نحن وعيت عمي عيشين يالا بعظنا وديما مع بعظنا ..
وركبنا في  سيارة زين ومشينا لمول .. خشت اعميمه امال لمحل تبيه ..
زين : امي ماطوليش واجد باهي ^^
امال : ان شاء الله
انا : بيلي اللي ماديما تشيل فيها :3
زين : هي قوليلي شن تحبن انتن
انا : البنات يحبن الملابس اكثر شي والدبدوب والشكولاته والورد وانت وذوقك هي ^^
زين : لا ساعدتيني -_-
انا : ههههههه ظروري من ذوقك عاد
زين : نا وياك عليها :3
انا : تم :3 عموما انا بنساعد عميمه امال وانت خوذ اللي تبيه اعتبره اختبار ^^ شن ديما بتقعد عابي عليا مثلا :/
زين : ههههه تو تشوفي
انا : هيا بلا كثرة دووا تسقد :3
بصراحة ماقدرتش نختارلها انا الغيره نار >< كثر خيري اللي مازلت صامده بس ..
خذت عميمه امال اللي تبيه و البرنس زين طلع بصندوق كبير مغلفه :3 وحطه فالسياره قبل ماتحقه امه ديروحه متحشم :3
.
وصلنا للفيلا انا استأذنتهم عشان نروح ..
انا : نستأذنكم
زين : ارجي نبيك
انا : شن في اخرا ؟
زين : كنه راقيلك بس ؟
انا : جعانه :-D كان حسيت ان مزاجك تغير للنكد فالجوع هو العامل الرئيسي :-D
زين : ههههههه باهي اقنعتيني عندك الحق من كثر الحماس ماتكيتش ع مطعم
انا : مش مشكله اكيد موتين غادي العشاء
زين : خليك تعشي معانا
انا : بيلي بكرا جمعه نعسانه بنتعشا ونرقد
زين : باهي براحتك
انا : ماقتليش شن تبي ؟
زين : قبل نسيت .. نبي نوريك شن خذيت
مصر بينكد عليااا هههههههههه
انا : اتحفني هي :-D
وفتح الصندوق .. وواخذلها فستان احمر بالأسود قصير ع الركبه ويديه شيفون في قمة الرقي .. وواخذ كعب اسود تحفه حتى هو ودبدوب ابيض في قلب احمر ياعيني ..
زين : مازال الشوكلاته
انا : بصراحه في قمة الرووعه عندك ذووق عالي ..عطيتك 9.5 ع ال 10 :-D
زين : ههههههه منورة بس النص وين :3
انا : ههههههه اسرار دوله :3
احمد ربك اللي نقصت نص بس :3 لأسباب خاصه عشان غيرتي 😢
زين : ابله ظالمه
انا : :3 هي بنروح
زين : اوكي ردبالك من روحك
انا : تمام انتلاقوا
زين : تم
روحت وانا حاسه بخيبه كبيره :( مشعارفه لعند امتى بنجامل بس !
منار : وينك هذا كله
انا : عديت مع زين وعميمه امال للسوق
منار : عليك جوو
انا : وين الجو مانك كل يوم طالعه للسوق :/
منار : بس مش مع زين وعميمه
انا : شن تفرق
منار : كنك من مضايقة
انا : لاشي .. هي بنرقد نعسانه تصبحي ع خير
منار : تعشي قبل مخساره مانك راقده امبدري
انا : تعبانه وبنرقد .. ماعنديش نيه صحتين
منار : وانتي من اهله
وركبت لداري وانا منتهيه مش عشان نعسانه لا عشان اللي صار اليوم .. اول ماحطيت راسي ع المخده مشيت في غيبوبه .. ونضت ع قصاد ال 6 فطرت وقريت شويا وطلعت في بلكوني داري  . . حقيت زين متأنق وماسك الصندوق وركب سيارته ومشى .. جمعه لا اله الا الله الساعه 7 الا .. دزيتله مسج .. ( علي مهلك بس .. وراجي ظهر الجمعه بعدها توكل يا العاشق الولهان ) . بعد 5 دقايق رن علياا ..
انا : صباح الخير
زين : صباح الورد .. يا ابراج المراقبة
انا : حرام عليك اي ابراج .نايضه نقرا
زين : شاطره .. هلها رقدين توا ههههههه
انا : يا فرحتك
زين : ههههههه قلت نصبح عليك هي سلام
انا : سلام
يعوينهاا ندى هذي انا عيد ميلادي الشهر الجاي حنشوف كني نصه صح
كملت الصبح وانا نقرا لعند الظهر صلينا وتغدينا  . وع قصاد الساعه 4 رن الجرس وكانت الجايه نجلاء ..
انا نزلت نجري لما قالوا نجلاء جت .
انا : نجول بيلي جيتي
نجلاء : معقوله تمشي امس قبل ماتحكي معايا
انا : امس كنت تعبانه وعارفتيني اول ما نزعل نرقد
نجلاء : باهي تعالي نقعمزوا فالجنان
انا : تمام
انا ونجلاء نحبوا القعده فالجنان ..
نجلاء : احكيلي
انا : تخايلي مشيت مع زين نختار في هدية لحبيبته ههههه
نجلاء : موعرها تخايلي نمشي مع منير عشان نختارله هديه لحبيبته والله ما انديرهاا ههههههه
انا : الله غالب تخايلي مازلت متأمله انهم يفترقوا مع ان انا اكثر وحده عارفه قديش زين يحب ندى
نجلاء : باهي عايشه ع امل كوويس خير من بلاش
منير : وووعد
انا : من جا ينادي فياا
نجلاء : هههه قلبي الصغير لايتحمل
انا : تعال يا منير قاعده فالجنان من لاورا
وجا منير عاد ..
منير : وعد قتلك ...
وشاف نجلاء انسته ونجلاء انستهت فيه >< نشم في بنة عشق
انا : باهي شن تبئ تقول ؟
وسلم ع نجلاء
منير : نسيت تو لما نذكر نجيك ههههه انا : خليها بعدين مادام نجلاء هنا تو يصيرلك زهايمر هههههه
وخبطتني نخلاء برجلها .. اما منير تخشم وعدا هههههه بحب العطيب .
نجلاء : فكينا من الاحراجات :3
انا : ههههههه مكبد
نجلاء : احمم ماتخلينيش نفرخ ^^
انا : فرحتي واللي صار صار العقبه ليا مع ان عارفتها مستحيل
نجلاء : ان شاء الله غر ماتيأسيش
انا : عموما عندي امتحان يوم الاحد وماعنديش نيه نقرا
نجلاء : حتى انا نفس جوك
انا : لاحقتك السنه الجايه
نجلاء : مرحبتين بيك تنوري
طبعا نجلاء اول سنه فالطب وانا لاحقتها العام الجاي ومنير اقتصاد وزين هندسه .. طبعا عيلتنا كلنا سماح .. الشباب طوال ويهبلول ونحن البنات سماح بس مش طوال ولا قصيرات متوسطات .. واحسن حاجه فينا عاقلات ^^
انا : شنجوه زين
زين : تمام
انا : ×_× امتى جيت انت
زين : ههههههه توا
فجعني احسبته من بدري جاي
انا : وجك منتفخ شكلك هذا وين نضت
زين : ههههههه هذا وين نضت
انا : باهي ع جبتها ؟
زين : مش خبر عجبتها :-D
انا : بااهي تمام
زين : كنه جوك مش عاجبني ؟
انا : القرايه مطيحتلي سعدي
زين : موفقه
انا : اجمعين
زين : هي بنروح غر كنت نبي منير في موضوع
انا : اها باهي مربوح
زين : انتلاقوا
انا : تمام
نجلاء : استنى بنروح معاك يا زين
انا : ليش خليكي قاعده
نجلاء : خلاص بنقرا ونسيبك تقري مانبيش نلهيك المهم اطمنت عليك
انا : اوك براحتك
نجلاء : سلام
انا: سلام
زين : قطعتنا ياعيت حنه هيا -_-
نجلاء : جيتك -_-
وعدت نجلاء وانا رقيت طحت ع سريري تقول مريضه بجد انا مريضه من جوا :( من طفولتي كان زين شي خاص بالنسبه لياا .. لكن هذي له سنتين بس معاها -_- وميت فيها مووت عليك عشق :3 ماعمريش حقيت زين بالطريقه هذي ..><
عدا باقي اليوم قرايه وتفكير وخلاص ..
ثاني يوم نضت وقعدت نقرا .. فالعشيه جاني فوون من زين ×_×
انا : هلا
زين : شنجوك ؟
انا : الحمدالله .وانت ،
زين : الحمد الله .. قتلك !
انا : نعم ؟
زين: بكرا جايه ندى
انا : كيف ؟؟؟؟ :o
زين : كنك ؟
انا : سامحني تفاجئت
زين :هههههه ولايهمك
انا : باهي شن المطلوب مني ؟
زين : نبيك تجي وتنسقي مع نجلاء ع اساس صديقة نجلاء
انا : سامحنى بس مش حنكجب ع هلك احكي لنجلاء
زين : كنك ترفضي واجد ؟؟
انا : مش هكي بس عارفني مانعرفش نكذب -_-
زين : نسقي مع نجلاء يا نصي انتي اللي عابي عليك .
انا : تم حنسق اوك نستأذنك
زين : منورة يا صقع
انا : بوجودك -_-
وصكرت منه .. قهرني وسط عمري كل يوم طالعلي بحاجه اصلا عادي تعودت ع مفاجأته .. بس والله تووجع و واعره ><  يعني بكرا الأنسه جايه .. مشعارفه كيف بنجاملها بس متشوقه نعرفهااا ونعرف اسلوبهاا  ×_×
.#يتبع...