أدمنته وليته يعلم ( روايات ليبية )

حلقة 6🔥

أدمنته وليته يعلم ..

الحلقة السادسة ")
 
هدرزت مع بنات خوالهم ودرنا جوو سمح ..
لما روحوا هل العريسعااد من التلبيسه انقلبت الدنيا ألعاب ناريه وتشتاي وجوو يهبل معش عرفت نفرح ولا نبكي :(
ع العمووم روحوا .. وكملنا حفلتناا ..وروحنا للحوش الحمد الله اللي ماحقيت زين ربي يحبني ..وحي حددوا العرس بعد 6 شهوور مبرووك ع حبيبي
ههههههه بس رغم  كل شي واجعني زين اللي هذي مقداره .. ولله ماتستاهله :/  يلا ربي يهنيه ماعندي ما نقوول ..
.
~~~~~~~~~~~~~
بعد شهر ..
زين خاطب ندى هههههههه اكثر كته ضحكتني .. وانا كل يووم فالقاهير ع  العموم ماعلينااا .. بكرا ماشين نخطبوا في نجلاء لمنير ^^ طيب فيهم .. والحمد الله منير اختار وحده عسسل ما كيف طيحت  زين ..
منار : موتيه روحك لبكرا ؟؟
انا : طبع امتى عمره موضوع كان فيه نجلاء ومانسقدش روحي :3
منار : باه كويس
.
ليوم مش كله كسااد ..
نضت ثانييوم كالعده فطرت قعمزت وتغديت ^_^ وتوا بنوتي روحي ونمشوا لنجلاء .. يارب ان شاء الله مانتلاقى بزين :3 منقطعه عليه كلياا اناااا .. ع العموم وتينا ارواحنا ومشيناا ..
خشينا سلمنا ع العيله و جا دور نسلم انا ع زين :3 خسارة نحط يدي في يده ><  سلمت عليه اجباري وخلاص وهو قالب وجه طبعا تقول قتلتله هله .. قعمزنا وجت نجلاء ^^
انا : كنتنا طالعه طرف اليوم عيني ما اضرك <3
نجلاء : اسكتي بلا احراجاات ههههههه العقبالك
انا : دخيلوا الخجلان ههههههه سلمك
ودووا هلي بالرسمي مع عمي وطبعا وافقوا اكيد ..^^ مافيش بيناتنا جو رسميات نحن وعيت عمي عيله وحده .. لكن الله يسامح زين بسببه معش خشيت لحوش عمي الا فالمناسبه ..
بابا : هي يا شباب وبنات بنروحوووا
نحن : حاظر يا بابا
روحناا متأخر ع 11 انا كل مانزعل نفش قلبي فالنووم ..
~~~~~~~~~~~~~
بعد اسبوعين ..
المهم زين خطب .. واعره .. قلبي معش نحس بيه لكم مادام ربي فالوجود حياخذلي حقي .. انا نيتي عمرها ماكانت سيئه اتجاه حد بس
نستنى فالدنيا لما الدوور .. وكما تدين تدان .. نجلاء قوت علاقتها بزين لما تعاركت معاه .. كنت انا اقرب وحده له لكن توا اخته هي
اللي تصبي معاه .. نجلاء عمرها ما دست عليا حاجه وهي ماتبيش تحكيلي ع زين وكيف سعيد مع خطيبته .. لعند  مازلت فالكلام وفضولي قتلني
نسمع اخباره .. مهما كنا متعقدين من انسان لكن مادمنا نحبوه نقعدوا نتبعوا في اخباره اول بأول ..
نجلاء جتني .. عشان معش نمشيلهم طبعاا .. بس الغريب ان هلي مافطنوش .. لكن بنات عمي فطنن اني معش جيتهن واقنعتهن ان معش نحب نطلع واجد وهكي بيش
صدقن عااد .. مع  ان كان الكذب عليهن صعب وانا ديما عندهم ..
انا : كسااد بكل غر امتى تبدى الجامعه ( نجحت من 3 ثانوي وتوا ماشيه للجامعه عااد )
نجلاء : لنقانه راحة خلاص لشهر الجاي تبدا
انا : متحمسه هههههه
نجلاء : تو تخشيلها تكرهي معيشتك -_-
انا : شكر ع التحطيم من توا :3
نجلاء : هههههههههه نحكي فالحق انااا
انا : والحق ديما وجاع :( ( قصدي الحقيقه ان زين يحب ندى :( في كل حاجه مدخله زين :3 )
نجلاء : انا نحكي في موال وانتي في موال :3
انا : حسن حاجه فاهمتيني هههههـ
نجلاء : معقووله ولوو عااد عشرة عمر
انا : تصدقي رغم كل شي لكن خاطري نحكي مع الزين ورايفت ع جوونا القديم
نجلاء : كان حكي معاك تحكي ؟؟
انا : يقعد خاطري نحكي لكن مش حنحكي
نجلاء : ليش ؟؟
انا : جرحني :(
نجلاء : معاك الحق
انا : صار سعيده مع منير تريحت عليك ههههههه
نجلاء : نفس شعوري مع زين
انا : مافهمتش .. كيف يعني ؟؟
نجلاء : قصدي يعني
انا : كنك تلكلكي احكي :3 مش حنزعل
نجلاء : قصدي لما نشوف زين فرحان نفرح بغض النظر عن ندي .. مانبيش نقولك سعيد مع ندى نبيكش تزعلي
انا : ههههه نجك لي نجوول .. انا عاررفته سعيد معاها مش جديده ما عشانه تعارك معايا
نجلاء : ماحبيتش نذكرك بس
انا : تأقلمت خلاص
نجلاء : ان شاء الله خير ..
انا : ان شاء الله
نجلاء : بكرا ماشيلهاا
انا: باهي اي خطيب يشيلخطيبته :/
نجلاء : لا .. بس هي ماتندريش
انا : كيف يعني ؟
نجلاء : دايرلها سبرايس مفاجآة :3
انا : اهاااا باهي تمام
نجلاء : واخذلها عرم ورد وعرم شكلاطه ودباديب بيديرلها مفاجآة
انا : ربي يخليهم لبعظهم ان شاء الله
نجلاء : والله ماتستاهله
انا : الله غالب اختياره
نجلاء : قهرررتني وسط عمري يحسابها ملاك وهي شيطان رجيم
انا : ربي يكشفها ان شاء الله
نجلاء : ان شاء الله
جاا منير وخش علينااا ..
انا : مرحبتييين
منير : وبيك مرحباا .. اوو كبيدتي هناا
نجلاء : اس عيب هههههه
انا : آحممم :3
منير : تعالي نحكي معاك ي نجلاء
انا : اوو لزة عيني عينك تو نمشي انا عليش انتم :3
وطلعت رقيت لداري .. مضايقه .. بكرا دايرلها مفاجآة هههههه  ياريت نقدر ننساه قعدت كيف الهبله نضحك وخلاص بدال م نبكي ع حرق دمي

نحب الرسم يخفف علياا واجد .. قعمزت نرسم وخلاص لعند لقيت روحي راقده .. علاقتي بالنووم علاقة عشق ديما راقده ..
نضت ع قصاد الـ 7 الصبح اول حاجه ندير فيها نطلع للجنان نقعمز عشان نسمة الصبح نعشقهاا .. قعمزت وقعدت نرسم كالعادة ..
نحكي اللي ي قلبي بالرسم ..
.
.
علي قصاد المغرب ~)
زين : نجلاء بنطلع توا
نجلاء : والله ماتستاهل هذا كله كن مربوح
زين : نكد نكد كلا انتي فوتيني وخليني في حالي .. نحب ندى مش ظروري نحب صحبتك عشان تحبني
نجلاء : هي صح حباتك بس يكوون في علمك هي كانت تحب تسعدك اكثر من نفسها وانت عارف الشي هذا .. وهي نادمه عشان حباتك ..
زين : فكيني من الكلام الفاضي وخليني نطلع ديما منكده علي وجي
نجلاء : عدي محد ماسكك
وطلع زين ومشالهاا لكن لما طق في حوشهم هنا الضربه القاضيه .. ماسك حاجاته ونزل من السيارة ولما دق الباب فتحت وكانت في كامل جمالها
زين : اوو طالعه طرف مالا كنتي عارفه اني جايك
ندى : قصدي لا لـلا مش مش عارفه
زين : كنك متوتره .. ماتبيش تخششيني نسلم ع هلك ونوريك شن جبتلك ؟؟
ندى : لاا هلي مش قعدين
زين : برووحك ؟؟؟
ندى : اهاا
....: ندوووش
زين : هذا صووت راجل ؟؟؟ من اللي جووا ؟؟ ندى ؟؟
ندى : لا محد
وخش للحوش بكل قوه واندفاع ..
زين : من انت ؟؟؟
..: انت اللي من ؟؟ ولا مستأجر العصفورة هذي ؟ظ
زين : علي من تحكي انت ؟؟
...: ندى
زين : هذي خطيبتي يا _____
وتعارك مع الراجل المجهول عركه باهيه
زين : انتي بنت صايعه ومتاع شوارع رخيصه و ... و...
عطاها هزيبه تمسح كبد اللي مقهور وروح ..
.
نجلاء : زين كنه وجك شن صار معاك ؟؟؟
زين : ....
نجلاء : حكي كنك ساكت شن صاير معاك ؟؟
زين : نادم
نجلاء : علي شنووو ؟؟
زين : وعد كانت صادقه لما حكت علي ندى
نجلاء : عرفتها صادقه .. بس احكيلي شن صاير معاك ؟
زين : طلعت جايبه راجل فالحوش
نجلاء : ههييي :o
زين : كانت تكذب علياا لنا قريب 3 سنين علاقة حب وشهر مخطوبين طلعت تكذب
نجلاء : تحب فلوسك ماتحبكش انت حاولنا نقنعوك لكن مافيش فايده .. وشن اخرا ؟
زين : البات والام اللي ورتهم لنا طلعوا ناس غرباء لا هلها لاشي عايشه هي وخواتها
نجلاء : ووه يارب احفظنا .. مش قتلك .. مشيت هزبت وعد ومسحت بكرامتها الوطا وجرحتها .. الي حباتك اكثر من نفسها وتسعد فيك ع حساب قلبها
زين : نجلاء : خلاص اسككتي
نجلاء : المهم عرفتها ع حقيقتهاا بس
زين : ظميري يأنب فيا عشان وعد
نجلاء : عدي اعتذر منها بالك تقدر ترقع مادرت
زين : مستحيل تسامحني
نجلاء : وعد قلبها طيب جرب انت شن خاسر
زين : مازالت تحبني ؟
نجلاء : مشعارفه بصراحة انت حطمتلها قلبها عشان ندى كأنها سحراتك البنت
زين : مع ان حبيتها
نجلاء : انت طلعت يهمك الجمال والبنات متاع هاي وياي .. مع ان وعد اجمل من ندى بواجد بكل لكن وعد عاقله وماعندهش ع الدلع
زين : والله مافي منها هي بس كنت نعدها اختي ماعمريش فكرت فيها كحبيبه بكل
نجلاء : عميتلك قلبك ندى .. المهم صلح مادرت
زين : تو نمشيله بكرا نحكي معها
نجلاء : بسببك معش جت هنا بكل
زين : خلاص نقولك ظميري وانتي لكلوك ماتسكتيش بكل
نجلاء : تم
.
#يتبع ..