أدمنته وليته يعلم ( روايات ليبية )

حلقة 8🔥 النهاية 🔥

وليته يعلم

الحلقة الثامنة والأخيرة ")

بعد ماروحوا عيت عمي بنص ساعه رنت عليا نجلاء .. ومنار مقعمزة يالايا ..
انا : رايفتي هههههههه
بس ردت عليا نجلاء وهي تبكي ..
نجلاء : وعد آآه يا وعد زين يا وعد
انا اول ماسمعت اسمه وهي تبكي رجليا انشلن ..
انا : نجلاء شن في كنك اهدي واحكيلي ؟؟
نجلاء : ززززين
انا : كنه زين نجلاء احكي ؟؟
نجلاء : زين مظروب الرصاص وقاعد فالمستشفى
انا : كيف ؟؟؟ زين مظروب وبالرصاص ؟؟؟!!
حطيت الفون يالايا وحطيت يدي ع قلبي .. انا صاح باينه قوويه وعزمي قوي وصباره لكن في قلبي من جوا ضعف واول مانزعل نحس في ألم فيه وأول ماقلتلي
زين فالمستشفى قلبي وجعني حطيت يدي وضغطت عليه وطبست راسي ومحوتك مانلقط فالنفس ..
منار : وعد كنك شن في ؟؟
انا : قلبي ( نحكي وانا داهشه )
منار : شن قالت نجلاء ؟
انا : زين مظروب برصاص
منار : كيف ؟؟؟؟؟
انا : منار قلبي
منار نادت هلي ومشينا للمستشفى .. وسطير قلبي خف .. لقيت عيت عمي ولما سألناهم ع زين قالوا مظروب برصاصتين وحده في رجله والثانيه في كتفه ..
انا هنا خلاص انسوني معش ادوروني انهرت وكملتها بكاا .. ياريتني سامحته ياريتني ماعاندت وصكرت راسي ياريتني عطيته فرصه .. كلا مني انا طلع راقيله
من كلامي .. آآآه يازين ربيينجيك لياا سامحني .. وكملتها كلها بكاء .. لما عرفته حالته خطيره ندمت عشان ماعطيتش فرصه .. خفت نخسره
ديما نفكروا في مصللحتنا ومانحسبوش فالموت وان الحياة فانيه وقصيره .. ياريتني سامحته ..
لقيت نجلاء واضبطتهاا وقعدت نبي معاهاا ..
انا : كله مني يا نجلاء كله مني
نجلاء : يازين ياريتها فيا ولا فيك يا خوويا
عمي وته أجراءاته وثاني يوم طلع بيه لمالطا دغري .. كلهم عدوا .. وانا ومنير مشينا معاهم .. مش حنقدر نسيبه مش حنقدر نعيشبلاه آآه يازين كان تردلي بس
وعد ماعاد نزعلك ..
وصلنا لمالطا وبدوا في علاج زين .. داروله عمليات وقد فالمستشفى قريب شهر .. وبعد شهر بدا يتحسن وخير من قبل ..ماحكيتش معاه بكل لكن
هله حكو معاه وانا نبحت من بعيد وخلاص .. ولما شد روحه وقعد كوويس قريب طرت من فرحتي دغريبديت نرسم في احلام المستقبل معااه ..
انا : الحمد الله ع السلامه
زين : الله يسلمك
انا : كيف حالك توا كويس ؟
زين : بشوفتك وحق ربي كويس ^^ وانتي ؟
انا : هههههه ماعمريش فرحت كيف فرحتي بتحسنك
زين : ماسمعتش عاودي ؟؟
انا : رديت لحناطتك :3
زين : ياريتني انظربت من زمان .. قصدك خفتي عليا ؟؟
انا : بلا عباطه :/ انهرت اهيار مش خوف بس >< أصعب ايام حياتي وانت تعبان
زين : يعني سامحتيني ؟؟
انا : سامحتك اكيد المهم عندي انت
زين : والله ندمت يا وعد مشعارف كيف صدقتها وماهمنيش راي حد غيرها انا عارف روحي غلطان بس نبيك تعطيني فرصه وصدقيني مستحيل يتكرر مره ثانيه الشي هذا
انا : مصح وجك وانت مكرره :3
زين : ههههههه صافي يالبن ؟
انا : حليب يا قشطه ^^
زين : انحبك
الكلمه هذي تخلي في قلبيبيطلع من مكانه ><
انا : اس را يسمعك حد
زين : اللي بيسمع خليه يسمع غر نروحوا ونخطبك رسميبعد ماناخذ ثاري
يخطبني ؟؟ الشخص اللي حبيته من طفولتي X_X ... بس شنو ثاره ؟؟؟؟
انا : ثارك ؟؟؟
زين : امالا بتمشي ضربتي هكي هباء
انا : زين انسى الموضوع وفكنا من المشاكل
زين : مايصيرش شي
انا : شن سبب العركه ؟
زين : كنت طالع وخبطت في واحد كان راقيلي .. اللي خبطت فيه بدا يعيط ويسب لنقاني ماتحملت ظربته طلع مسدس وظربني
انا : زين خلااص انساها القصه وفكنا من المشاكل بعد ماربي نجاك وسلمك
زين : لا مستحيل
انا : والله كان ماطلعت من راسك موضوع الثار هذا .. والله ماعاد حاكيه معاك طوول حياتي
زين : هدي روحك خلاص تم تم حنطلعه ماصدقنا ردينا نحن
انا : تم ^^
وخشت نجلاء ..
نجلاء : اوو عصافير العشق تلاقن
انا : اسكتي بلا احراجات :3
زين : ههههه كان تقبل بنت عمك ترتبط بياا بس معش نبي شي
انا دوروني ماتلقوني ازلطت وتحشمت وماصار فيا خير .. صاح نحبه ومستنيه اللحظه هذي من زمان بس متوقعتهش بالشكل المحرج هذا
نجلاء : متخافش خليها شوري :D
زين : تخزرطت ههههههه
نجلاء : اتحشمي منا يا هبله انا صحبتك واختك وهذا حبيبك
انا : شكلك ماتبيش تسيبيني في حالي :3
زين : وعد
انا : نعم ؟
زين : والله نحبك وحنجي نخطبك لما نصح بالكامل .. خليك معايا ديما
انا : اصلا قاعده معاك
زين : نبيك حبيبه مش صديقه شن رايك ؟؟
نجلاء : سمعتها قالتلك بااه :D
زين : ههههههه
انا : ههههه آحمم بااه ^^
زين : كيف ؟؟ o.O قصدك وافقتي ؟؟
انا : آهاا ^^
نجلاء : وافقت واخير
زين : نجلاء كلمي هلك بنروح خلاص
انا &نجلاء : هههههههه
انا : وينهم خطرها ؟
نجلاء : فالفندق قريب يجوا
انا : ومنير ؟
نجلاء : فالكافي شوي ويركب
انا : باهي تمام
زين : كبيدتي
انا انفجعت ههههههه
انا : من ؟؟
نجلاء : هههههه
زين : خلاص بلا طروح حشم من يوم وغادي نحن واحد
انا : تمام ^^
~~~~~~~~~~~~
بعد اسبوع .. روحنا وثاني يوم درنا حفله عشان سلامة زين وجو اقاربهم ودرنا جوو سمح كان يووم يهبل ..بس المفاجأة كانت ثاني يوم مفاجأة صدمتنا اخر حاجه نتوقعوها او تخطر ع البال ..
انا : هي مناروش بنعدي أحقيني انتي وهلك
منار : وانتي مستعجله مازلت انا خلاص عدي تو نلحقوك
انا : اووك مشيت
ومشيت لعيت عمي وسلمت عليهم ..
انا : وين زين يا نجول ؟
نجلاء : في داره
رقيت لزين في داره ودقيت الباب ..
زين : آيووه ؟؟
انا : انا وعد
زين فتحلي الباب ..
زين : شنجووك اليوم ؟
انا : تمام .. شن ادير ؟
زين : نلم فالدبش اللي نبيه
انا : كيف وين ماشي ؟
زين : طالع برا البلاد انا وجماعتي
انا : كيف كيف ؟؟ مازلت ماصحيت
زين : ههههه ماتخافيش علياا يا روحي اسبوع و مروح
انا : اسبوع منبيش نشوفك ؟؟
زين : سكنولي واجد يبوني نغير جو معاهم
انا : باهي براحتك
زين : ماتزعليش بس
انا : را تمشي عينك هك ولا هك :3
زين : بدينا فالغيره هههههه
انا : لا هذي مش غيره بعدين من قالك نغار ؟
زين : هههههه صدقتك .. تعالي ننزلوا لوطا
انا : تمام :3
ونزلنا لوطا هدرزنا مع العيله وضحكنا وغيرنا جوو ..
نجلاء : تعالوا نطلعوا فالجنان
انا : ياريت
زين : مشعارف شن قصتكن مع الجنان
انا : مافيش داعي تجي معانا كان ماتبيش :3
زين : جاي معاكن :3
طلعنا وقعمزنا برا وبعد ربع ساعه رن الجرس .. وفتح زين وماتصدقوش من اللي جاا انا ونجلاء انصددمناا ..
نجلاء : مش معقوله بحتي يا وعد من جا
انا : هييي :O عليك صحة وجه .