أدمنته وليته يعلم ( روايات ليبية )

حلقة 3🔥

.
ادمنته وليته يعلم

الحلقة الثالثه ")

زين : منورة يا صقع
انا : بوجودك -_-
وصكرت منه .. قهرني وسط عمري كل يوم طالعلي بحاجه اصلا عادي تعودت ع مفاجأته .. بس والله تووجع و واعره >< يعني بكرا الأنسه جايه .. مشعارفه كيف بنجاملها بس متشوقه نعرفهااا ونعرف اسلوبهاا ×_×
" عندما أظهر لك غيرتي .. ذكرني بأننا أصدقاء " :(
مسكت فووني ورنيت ع نجلاء ..
انا : نجوول
نجلاء : آهليين شنجوك ؟
انا : مش تمام :3
نجلاء : ليش ؟ :O
انا : خوكي هذا بيجلطني ع فكره x_x
نجلاء : ليش شن دار اخرى .. عارفته هبل
انا : كان نحكيلك شن طلب مني تقوليلي مابعدك
نجلاء : احكي شوقتيني !!
انا : ندى .. بكرا جيتكم :/
نجلاء : كيف ؟؟
انا : كي ماسمعتي :3 بكرا احتمال زين يطرح السجاد الأحمر لهاا
نجلاء : ههههههههـ باهي كيف حيصير
انا : طبعا انا مش حنكذب .. خوك تحملي مسؤليته .. ع اساس ندى صحبتك وجايتك .. اوك ؟
نجلاء : ماعمري لاشفتها ولاحقيتها كيف بنعرفها ع هلي ع اساس صحبتي ><
انا : هي م 95 ع اساس معاك فالجامعه وخلاص .. خوك عارفني مانقدرش نرفضله طلب ادلل واجد :3
نجلاء : تو نصرف .. بس لنقانك هبله ترضي فيزين ع حساب قلبك
انا : راهوو زين هذا يا نجول x_x
نجلاء : ههههههـ  باهي كيدك ع قلبك متشوقة للشحنات :3
انا : فكينا منهن اجواء الشحنات .. الا زين :3
نجلاء : عرفينك ماتحملي فيه حاجه غر اثقلي شويا مافيش داعي كل مره تلعبي دور الصديقه وانتي تحبيه -_-
انا : شن نبي ندير مانقدرش نزعله !!
نجلاء : حكالك عليها وبعشقه وقلنا باهي شالك معاه تشريلها هديه وقلنا باهي تبي تجي لحوش حبيبها وقلنا باهي .. لنفترض جاك وقالك امشي مع هلي لخطبتها توافقي؟؟
انا : آهاا
نجلاء : وااو مقوى عزمك يا وعد .. كان انا يطلب مني منير هكي نقتله هو كبيدته ><
انا : ههههههههـ دموويه
نجلاء : حتى انتي عندك قلب يا بنت
انا : خلاص فتحتيلنا مسلسل تركي -_- اي حاجه تسعد زين حنديرها ونقظة انتهى صكري ع الموضوع :3
نجلاء : باه براحتك .. الساعه كم جايه بكرا ؟
انا : بعد مانروح من المدرسة
نجلاء : اوكي نتلاقوا معناها
انا : تمام .. سلام
نجلاء : تمام
وصكرت من نجلاء.. وكملت قرايتي ورقدت عشان المدرسة ..
نضت ثاني يوم راجعت امتحاني وفطرت ومشيت للمدرسة ودرت امتحان والحمد الله جا حلوو وخفيف ..
روحت من المدرسة تغديت كالعادة ووتيت روحي عشان مقابلة اليوم :3 متشوووووقه :D
وتيت روحي ولبست جينز احمر وبدي اسود بالأبيض مخطط وفوق منه صديري جلد اسود وسرحت شعري ذيل حصان ولبست اكسسواري و وطلعت .. ومشيت لفيلت عمي .. فتحلي زين ..
انا : هههههههـ مزلط مانيش ندوش انا :P
زين : هههههههه اسكتييا طشه بلا احراجات ☺
انا : وين ع الأناقة ^^ ياريت ندى كل يوم جايه ههههههههـ
زين : را تحكي هك قدامها بس !! :3
انا : هههههههـ هبل
زين : ماتبيش تخشي ولا بتقعدي ع الباب ؟؟
ههههههههـ انستهت فيه طالع يهبل واحلى حاجة جاكة الجلد لباس  العطيب <3
انا : طبعا حنخش ☺
وخشيت لوسط الجنان وسمعت الجرس رن >< وفتح زين الباب برمت وجهي وشفت المنظر وياريتني ماشفته :(
ماسك في يدها وسارح فيها وعيونه قلووب x_x
خشيت نجري قبل ما تنزل الدمعه من عيني :'( لاقتني نجلاء
نجلاء : أهلين جيتي ؟؟
انا : لا مازلت غادي
نجلاء : حناطه :3 كنك مضايقة ؟
انا : البرنسيسة شرفت
نجلاء : تمام حنستقبلها انا وانتي حولي وشاحك وابرمي ع روحك اخر برمه .. مانبوهش تفشك ولا تحساب روحها ملكة جمال اوروبا :3
انا : هههههههـ عطك الهنا اووك
وخشيت برمت ع روحي وطلعت لقيتها مقعمزة فالصالون .. وكانت حلووة لابسة جينز بيج وجاكة قهويا وبدي اسود من جووه حلووة من برا لكن من جوا يصير خير :3 .. خشيت سلمت عليهاا ..
انا : اهلين
ندى : هااي كيفك ؟
نجلاء بحتت فيا ومسكتنا ضحكه .. صاح انا وبنت عمى من الطبقة الغنية والراقيه بس بصراحة اسلوبنا في قمة التواضع .. والبدايه تبشر شكلها :3
انا : الحمد الله
نجلاء : هذي وعد اقرب انسانه ليا وعسل عيلتنا كلهاا
ندى : آآه حلوو ربي يحفظه لك
انا : تشرفت بيك زين ديما يحكيلي عليك :)
ندى : مجنون فياا زين هههههه
نجلاء : وعد ممكن لحظه معايا بناخذ رايك في حاجه .. نستأذنك يا ندى
ندى : اوك
انا ترددت فالتصبايه مع نجلاء عيب .. بس طلعت مع نجلاء
انا : نجلاء كنك ؟؟
نجلاء : خليني انتنفس شويا ونضحك ع راحتي ههههههههههههـ
انا : هههههههههـ عيب هي .. بس للحظه شكيت انها مش ليبيه :3
نجلاء : مشعارفه كيف زين يحبها هذي x_x
انا : هههههههههـ قرمه لا هي نردوا للبنت
نجلاء : ههههههـ اوك
وردينا قعمزنا معاهاا .. لقيناها ماسكه فوونها وتراسل
نجلاء : جينا ☺
ندى : هااي مره ثانيه ههههههه
قصدكم هذي حناطتهاا ؟؟ ههههههـ ربي يعاون
نجلاء : -_- ههههه
انا : هههههه :3
انا : اكيد تعرفتي ع باقي بنات عمي ؟
ندى : أي شفتهم حلووين
هذي تحكي غرباوي ولا سوري ؟؟ معش فهمت o.O
انا : :)
ورن فوونهاا ..
ندى : لحظه عن اذنكن
انا & نجلاء : اوك .. تفضلي
وطلعت ..
انا : نجيب شحن فووني من الدار ونجي ^^
نجلاء : تماام
ومشيت للدار اللي جنب الصالون حتى هي قعده .. ماحسبتش ندى فيها عشان باب الدار متواري ع الصالون توقعتها طلعت للجنان بس اللي لفتلي سمعي ومن دون قصد .. x_x :O
ندى : مادو حبيبي قتلك عند خالتو شوي ونروح .. وراك تنسى بكرا عيد ميلادي
احسبت روحي نتخايل او هكي ولا موسوسه معش فهمت شي قريب اغمى عليا .. طلعت تلعب ع زين ؟؟؟؟ وبكرا عيد ميلادها ؟؟؟ كم انولدت يوم فالشهر هذي ؟؟ خلاص من كثر الصدمه طاح فوني .. صكرت وشدتني من يدي وخششتني للدار وصكرت الباب ..
ندى : هذي اخرتها يا بنت العائلات الراقيه ؟؟ تتسمعي ع دوتي ؟؟
انا : كان الموقف بالغلط -_-
ندى : أي واضح بالغلط انتي تتسمعي علياا
البنت ثارت ووجها انحمر .. وحش قعدت x_x
انا : اسمعيني يا اختي انا مانبيش انتناقش معاك ع خطر عيوون زين وياريت انتي تتفهمي بكل ذووق يعني
ندى : أأي فهمت انتي تحبي زين !!!
البنت فاجئتني كيف عرفت ؟؟ شكلها برفسورا فالعلاقات ><
انا : انا وزين من طفولتنا اخووة .. لذلك بطلي الكلام الفاضي اللي تحكي عليه
ندى : تو تشوفي شن حنحكي لزين
انا : انتي تلعبي ع ولد عمي وسمعتك بعيووني وتهددي فيا ؟؟
ندى : حتشوفي يا وعد ما نبقى ندى لو كان استمريتي مع زين هكي
انا : تفضلي احكي اللي يعجبك زين مستحيل يقرني بيك وحنشوف شن حيدير لما يعرف انك تلعبي عليه
ندى : ماشي حنشوفوا
وكنت بنطلع لكن مازلت تحكي ..
ندى : نقولك حاجه ؟؟
انا : اكتفيت شكرا
ندى : كل اللي سمعتيه مزبوط وانا نلعب ع الشباب كلهم مش بس زين وخصوصا الرتش :*
عليك سوسه عارفها روحها تقدر هذا عليش حكت وهي مطمنه
انا : ههههههـ كنت عارفه لكن اثبتيلي انك رخيصة بجد .. خساره يا زين والله ما تستاهل
ندى : هههههآآي رخيصة غالية هذي حاجة ترجعلي .. أه وكيف ماقتلك حتشوفي شن يصيرلك من حبيبك :*
انا : اعلى مافي خيلك اركبي .. نستناا ;)
وطلعت لبست وشاحيوبنروح .. مسكتني نجلاء
نجلاء : وعد وين ؟
انا : الانسه اللي عندكم مقدارهاا لزة من الحوش لكن الشينه مش صنعتنا .. نتلاقوا نجلاء
نجلاء : وعد استني احكيلي كنك ؟؟
انا : مره ثانيه نجول
وسلمت عليها وروحت ..