انثى

1

" في ليلة من ليالي الشتاء حوالي عشرة مساء قاعدة في الغرفة كالعادة ومجدعة كمية من الكتب قدامي وبقرا ومندمجة في القراية سمعت صوت امي بتنادي قفلت الكتاب وجريت ليها "
امي : سمر يا بت هااا ما سامعاني بنبح من قبيل 😒
انا : ااااانا كنت بقرا عععشان كدا 😥
امي : وبعدين معاك مش قلت ليك ارقدي اتخمدي بكرة عندك مدرسة ولا الا تكملي عولاقك البتقري فيو دا
انا : مممماااممم ااااااممممم" قاطعتني قبل م ارد عليها "
امي: طيري اتخمدي م دايرة اسمع كلمة وبعد شوية بجي م القاك صاحية اختك شبعت نوم وانتي لافة لي هسا يلا طيري 😠 " فعلا قمت جارية ورجعت الغرفة لملمت كتبي سريع سريع وطفيت النور ورقدت بس م قدرت انوم بفكر في القصة الكنت بقرا فيها حيحصل شنو يا ربي ......؟! يلا اعرفكم على نفسي انا سمر بت قروية وبسيطة من ضواحي الجزيرة بقرا في خامس أساس طبعا انا عندي هواية واحدة واليوم كلو بكون بعمل فيها اللهي القراية بقراااا قصص كتييييير نهار وليل طبعا بعد انتهي من دروسي م بهمل دروسي وشاطرة في مدرستي الأولى من دخلت لحدي اللحظة دي والأساتذة دايما بشكروني في كل شي خلقة وأخلاق وطالبة مثالية على عكس اختي او بالاحرى تومتي سجى بتهمل دروسها دايما عشان كدا هي م بتطيقني نهائي وفي كل صغيرة وكبيرة بتتنزفر فيني بس انا م شغالة بيها ودايما برخي منها وامي بتقيف معاها دايما ودي الحاجة البتوجعني💔 انا وسجى الشبه بيناتنا بسيط  يعني الا تدقق حتى تعرف اننا توأم بس عندنا نفس العيون اللي هي عيون ابونا الواسعات ونفس لون السمرة وتاني عندنا اخت أكبر مننا اسمها سهى يلا دي بتريدني شديد وبتقيف معاي دايما ولمن يكون عندنا اجتماع أو نتائج واحتفال في المدرسة هي البتمشي معاي دايما يلا هي قرت لحدي تامن وقعدت في البيت ياها عادات وتقاليد اهل القرى يعني لو كانت بتقرا المفروض تكون ممتحنة الشهادة عمرها 17سنة كانو ح يعرسو ليها اعمامي بالغصب بس ابوي حنين علينا ووقف ف وشهم ابووي بحبنا كلنا شديييد من غير فرق على عكس امي سهى دي جات على شبه امي بس شايلة لون ابوي وتاني عندنا أكبر واحد اسمو سعد ودا مغترب برا السودان بجينا سنة ورا سنة بس مواصلنا بالتلفون سعد دا شايل من امي كل شي اللون الفاتح والشبه وحتى الطبع يعني زي ما بقولوا ولد امو حتى كانت بتحرضو على ابوي وهي السفرتو مع انو كان شغال مع ابوي في امانتين لله بس ياهو حال ود امو يعني نحن كلنا ٤ وبي امي وابوي ٦ يلا عايشين مع ناس جدو واعمامي في بيت واحد ياهوو حال الاسر حوشنا فيو غرفتين وعريشة بتاعت زنك بتعوس فيها امي وفي نفس حوشنا حبوبة وجدو عندهم غرفتين وتاني في حيطة نظام فاصل وفيها باب والحوش التاني اعمامي محمد ومهدي بي نسوانهم عمي محمد عندو ولدو في تامن اسمو عمر انا ما بطيقو نهائي يمكن لانو بتنزفر طول الوقت ويمكن لانو صعب زي ابوهو وعمي مهدي عندو بت قدر سهى اختي اسمها منى وهم صحبات شديييد وسبحان الله تحس انهم اخوات يعني فيهم شبه من بعض الحلة كلها بتتكلم عن صحبتهم منى وسهى من قامو سوا .....يلا نرجع لقصتنا الصباح صحيت قبل سجى طلعت هدوم المدرسة ودخلتهم الحمام وشلت الجردل مليتو اتزكرت اني نسيت فرشتي ختيتو جمب باب الحمام و رجعت الغرفة عشان اجيبها لقيت سجى ماف شكلها صحت وطلعت برا الغرفة شلت الفرشة وطلعت اجشيل الجردل لقيت سجى شالتو وداخلة الحمام طوالي وقفتها قلت ليها دا شنو يا سجى انا ختيت الجردل وصحيت قبالك قالت لي ما عندي شغلة مش جيت لقيت الحمام فاضي قلت ليها كيف يعني مش انا المليت الجردل وختيتو هنا يلا شوفي ليك جردل تاني ومسكت منها الجردل قعدت تكوورك لي امي وبقت تقالع فيني عشان تشيل الجردل انت يالجردل أقع في الواطة وشووووو💦 الموية اتكشحت وامي جات مع التايم طوالي سجى بقت تبكي وقالت لي امي حميتها تدخل الحمام ودفقت ليها الموية امي من دون أي مقدمات ضربتني كف وقالت لي كيف تحميها البيت دا حقك ولا الحمام حقك شوفي يا بت هووي اقعدي بي ادبك والا والله احميك المدرسة دي في النهاية البت نهايتها راجل يعني م ممكن كل يوم انبح معاك صباح ومسا لي اصلو شنو وهسي دي شيلي الجردل دا أملي موية ودخلي ليها الحمام قلت ليها بس ياااااا يمةة هي الغلطانة م انا وووحتى كمان شوفي هدومي في الحمام لو بكذب عليك تاني كشطتني ليك كف طااااخ👋 وكمان بتجادليني شيلي الزفت دا قلت ليك طوالي انا شلتو ومليتو موية ودخلتو الحمام ورجعت الغرفة رقدت في السرير واتفقعت بالبكاء يعني معقولة دي امي انا ولدتني من بطنها وبتعاملني بالطريقة دي انا عملت ليها شنو في الدنيا دي قتلت ليها منو عشان تعاملني بالطريقة دي يعني يا جماعة شوفو انا صغيرة كيف وطريقة تفكيري كيف والله صحي الدنيا دي ظالمة يعني في الوقت المفروض اكون فيو بقضي طفولتي ومستمتعة بحنان الام بفكر في انو انا عملت شنو لي امي عشان بتعمل فيني كدا لي يا ربي انا بس لي💔💔💔 ....كملت البكى وجات داخلة سجى طوالي طلعت من الغرفة مشيت الحمام لقيت هدومي حقت المدرسة في الواطة ومبلولة وملانة تراب رفعتهم غسلتهم وشريتهم في السرير ودخلت استحميت واتسوكت واتوضيت رجعت الغرفة لقيت سجى طالعة و لابسة هدوم المدرسة قالت لي انا اتاخرتا م ح انتظرك قلت ليها امشي انا اصلا م ماشة وفرشت المصلاية صليت عاينت لقيت سهى لسة نايمة وقلت احسن شي ارجع أواصل قراية عشان افرق الهم العلي دا وفعلا بديت قراية كدا امي جات وقفت لي في راسى وقالت لي دي قلة ادب جديدة من متين م بتمشي المدرسة عشان ضربتك قلت ليها بس يا يمة هدومي وقعت عشان كدا بس قالت لي يعني سجي بتكذب سهى رفعت رأسها وقالت ليها اي بتكذب لاني سمعت الكلام القالتو سمر ل سجي امي قالت ليها اصلكم انتو الاتنين كدا وفاتت خلتنا طوالي اتفقت بالبكاء وجات سهى حضنتني قالت لي م تشتغلي بيهم الاتنين بس انا عملت شنو يا سهى كل يوم نقاشات معاهم كل يوم الحلة كلها بتسمع كلام امي الكعب البتقولو لي كل يوم بتضربني بسبب بتها يعني انا جايبيني من الشارع وريني ذنبي شنو 💔 قالت لي معليش ي اختي ربنا كريم ودايرة اقول ليك حاجة انتي عارفة انا من زمان نفسي في شنو صاح هزيت ليها راسي بمعني صاح قالت لي وانا كل يوم بعيد ليك نفس الكلام عارفة لشنو قلت ليها لا قالت لي عشان تحققي انتي الشي الما حققتو انا قلت ليها يعني قصدك انا اقرا الجامعة وابقى دكتورة ؟! قالت لي اي لكن م شرط دكتورة المهم بس تقري الجامعة وتقري حاجة تفيدك انتي وترفعي بيها راسك ورأس ابونا قلت ليها انتي عارفة انو ماف زول ح يخليني اقرأ جامعة قالت لي ودي الأفكار والعقليات المتخلفة العند أهلنا والكلام دا المفروض ينتهي لانو دا كلام ناس جاهلة وم متعلمة وانتي ان شاء الله ح تقري وتتخرجي وترفعي نفسك اوع تخلي قرايتك عشان زول مستقبلك اهم من العالم كلو وم تبني تعاستك ع سعادة زول وم تبني سعادتك ع تعاسة زول قلت ليها م فهمتك ضحكت وقالت لي ح تفهمي لمن تكبري يلا انا ماشة الحمام كملي قرايتك طلعت فاتت وانا م قدرت اركز ف الكتاب تاني بقيت بفكر في كلامها لي شوية كدا ابوي جاني داخل وقعد جمبي قال لي السمحة الليلة مالها م فاتت المدرسة قلت ليو ساي بس وابتسمت قال لي سبحان الله طالعة زي ابوك م بتعرفي تكذبي بظهر ف عينك حضنتو وبقيت ببكي رفع لي راسي ومسح دموعي وقال لي طول م انا عايش دموعك غاليه وم ح تنزل وم تبكي ع شي تافه وفري دموعك بتحتاجي ليها في الفرح والكره بالرغم من أني م فهمت كلامو برضو ابتسمت ليو شوية كدا جات سهى وشايلة تلاتة كبابي شاي وزلابية فرحت فرح قعدنا نشرب ونتونس وابوي يحكي لينا قصصو الزمان ونحن متنا ضحك يعني يجماعة والله الاب الحنين والاخت الحنينة نعمة حافظوا عليها 💙 ....شويتين ابوي فات الحواشات وامي قعدت في صاج العواسة وانا نضفت مع سهى البيت قعدنا نتونس جاتنا منى واتونست معانا لمن يتلمو منى وسهى خلاص الموضوع أنتهى عشان كدا مسكت الكتاب وتميت قصتي ... بعد الظهر سجى اختي رجعت وانا كنت نايمة غيرت هدومها وزاتها نامت صحينا العصر استحمينا وطلعنا كوولنا انا وسجى وسهى ومنى مشينا الجناين طبعا الطلعة دي عشان سهى بتريد ليها واحد من حلتنا اسمو علي جا عشان يلاقيها وجاب معاهوو اخوهو عثمان اكبر منو بسنتين وناس محترمين شديد سلمو علينا علي قال لي سهى اها يا سهى بعدا انا داير اعرسك قالت ليو م كلمت امي بالموضوع لسة لكن بفتحو معاها الليلة قال ليها خلاص لحدي يوم بكرة م اتكلمتي معاها طوالي بجيب ابوي وبجيكم م بنتظرك قالت ليو خلاص طيب وع كدا رجعنا البيت مع المغرب لقينا ابوي يداب جاي من الحواشات سلمنا عليهوو ودخلنا جهزنا العشاء اتعشينا كلنا مع بعض طبعا سهى م بتتفق مع امي عشان كدا قررت تصارح ابوي طوالي قالت ليو يابا انا بدور اكلمك قال ليها خير يا بنية قالت ليو......

‏يا الله إن ابي كفايتي من النعم ومستقر روحي اجعله دائماً بخير لأن خير الحياة منه وفيه 💕

ابقوو عافية🖤