انثى

16

#انثى-16
بقلم: سمر مختار

رقدت كدا حسام اتصل علي ويينكك يا برلوومةة😁 قلت ليو خلاص بدينا خليني انزل الجامعة اول قال لي ككيف اليوم كان قلت ليو اسكت ساي جنس سخانة و....حكيت ليو الحصل بعدها قال لي ع فكرة صحبي قرب يجي ح ارسل ليك هدية معاهوو قلت ليو وانت☹💔 قال لي لسة بدري علي وصحبي جاي زاتو عشان عندنا مشكلة في الشركة المتعاقدين معاها ويشوف البناء بتاع شركتنا ماشي كيف وح يرجع طوالي قلت ليو طيب م تجي زاتو ارتحت كدا قال لي مادة بوزككك كدا لشنو قلت ليو م ملاحظ انو ليك تلاتة سنة ودخلت في الرابعة بي شهر قال لي قربت خلاص هانت بس الشركة تكتمل وح ارجع نهائي وبالله شوفي لي مووززههه من صحباتكك قلت ليوو تفووو عليك 💦 هتفضل طول عمرك بتاع طرح ..اتونسنا وقفلت بعدها بشوية اتصلت علي مآب قلت ليها هاااا خيير مالكك قالت لي م وريتك البت القبيل طلعت بت المديرة تتزكريها قلت ليها ياتا مديرهه قالت لي المديرة الشاكلها ابوك ف تامن قلت ليها شنوووو م جادههه طبعا دي هي اتغيرت كدا كيف دي م كانت تلاتة سنة قالت لي مؤؤبالغةة والعجب اللبس يهناية شكلها هتقابلك لانها بتقرا معانا في الجامعة قلت ليها م عندي بيها شغلة ح اوقفها ف حدها الموووهم اتونسنا وقفلت منها رقدت نمت...

الايام جارية وطبعا م مشيت اي سوق عشان اشتري وامور البرالمة ديك بس اكتفيت بي ترتيب الدولاب لاني اشتريتها سلفا مع حسام قبل تلاتة سنة ونعمت بشرتي وعملت ماسكات الاسبوع أنتهى وجا اول يوم جامعة كنت حاسة بالايجابية شدديد وم حاسة بي اي توتر يمكن عشان كان همي وهدفي قدامي ولازم احققو لبست اسكيرت رمادي وقميص رمادي بي اسود مخطط وطرحة واسبوت كبدي وساعة كبدية وشنطة رمادية نزلت تحت لقيتهم جهزوا السفرة قعدت شربت كباية عصير وودعتهم وطلعت مع عمو ماهر وصلني وفات الوكالة اتصلت علي مآب قالت لي وين انتي قلت ليها ف باب الجامعة لسة م دخلت قالت لي انا قريبة م تدخلي انتظريني قلت ليها طيب م تتاخري وقفلت منها بقيت منتظراها بعد دقيقتين حسيت بي يد بتغمض لي عيوني انفعلت شديد كنت قايلاها ماب بس لما زحيتها كانت بت المديرة ديكك قلت ليها انتي بياتو حق بتعملي لي كدا وبتعرفيني من وين اصلا وريني واحدة مووتخلفة م اكتر قالت لي هه انا لو عارفاك دي انتي م كان قربت منك اسي الا اعقم يدي قلت ليها ياأااي طيب المرة الجاية اعملي حسابك واحدة موووتخلفة حمرت لي ومشت شوية ماب جات طبعا شاكلتها لانها وقفتني وكدا😹 حكيت ليها الموقف الحصل اتغاظت غيظ بعدها دخلنا القاعة وقعدنا في البينش التاني والقاعة كوولها بتعاين لي استغربت شويتين الدكتور جا وبدأ المحاضرة هو زاتو بعاين لي وبعاين ورا عمل الحركة دي مرتين وواصل محاضرتو بعد خلص وهو طالع قال لينا على فكرة م الا الناس تلبس سوا عشان يعرفوهم بحبو بعض ومشى كان بعاين لي وبقول في الكلام دا استغربت وطبعا القاعة بقت جايطة والاولاد صفرو بعدها الناس بدت تطلع وانا ومآب قاعدين قلت ليها الناس دي مالها قالت لي بري🤷‍♀️ سمعنا صوت شاب قال لينا سلام عليكم رفعت راسي واتفاجأت بقينا انا ومآب بنعاين لي بعض الولد كان اسممرر قريب لي لوني والمفاجأة انو كان لابس نفس قميصي المخطط بالأسود والرمادي وبنطلون رمادي واسبورت كبدي قلنا ليو عليكم السلام قال لينا ممكن اقعد مآب قالت ليو اتفضل قال لينا انا وضاح وتقريبا الناس فهمتنا غلط وحكك راسوو😁 مآب فككت الضحكة قالت عشان كدا الناس بتعاين ساي والله يا حبشية انا مية مرة قلت ليك طلعي محمد ولد الجواك دا هدا دخلتي في فتيل قلت ليها انتي عارفة انو اخر اهتماماتي كلام الناس لبسي وانا حرة والشركة م صنعت لي براي 😒 وضاح قال لينا واضح انو الناس مفتكرة اننا مرتبطين قلت ليو م بهمني قال لي وانا برضو م بهمني بس انتي عارفة ح استفيد من النقطة دي بتقدري تساعديني قلت ليو والمعني قال لي .......... هااا اتفقنا قلت ليو البت ح تطير منك م خايف تخسرها قال لي خليها تتأدب يومين تلاتة مش بتسمع لي كلام صحبتها اها ح تساعديني قلت ليو طيب مآب قالت لي بعدين انا برا منها قلت ليها اصلك واتييةة😒 وضاح قال لي يلا ومد لي يدو مسكتها وطلعنا من القاعة ماسكين يدين بعض والناس تعاين لينا ساي مشينا الكفتيريا وقعدنا سوا مشى جاب سندوتشات وعصير وقعد بقينا نتونس ونضحك والله طلع ظريف بس في نص الونسة جات بت وقفت قدامنا وعيونها ملانة دموع بتعاين لي وضاح ساي و معاها بت المديرة ديكك وهو ولا هاميهو عاين ليها ورجع يتونس معاي ضرحت وضربت الطاولة قالت ليو يعني م شايفني ودا شنو البتعمل فيو دا ودي منو يعني بقيت بالنسبة ليك ولا حاجة صاح في ثانية كل شي انتهى يا وضاح قام على حيلو وقال ليها انتي شايفة شنو مش صحبتكك الجمبك دي بتقول ليك انا بتاع بنات وصدقتي ياهوو كلامها صاح انا بثبت ليك بس البت اتفقعت بالبكاء وبقت تصرخ فيو وبتلزو يعني حبي ليك ولا حاجة صاح اخترتها وخليتني تخليني عشانها هي يا وضاح بت المديرة مسكتها قالت ليها ارح خليو نفضت يدها وقال ليها اخليو كيف يا عناب م شايفاهو بخون فيني قال ليها لو بخون فيك م كان مسكت يدها قدام الناس كلها وبعدين نحن انتهينا لو م متذكرة انا وانتي انتهينا وانتي الاخترتي كدا مسكني من يدي وطلعنا من الكفتيريا كان في قعدات حلوة وفيها شجررر كتييير قعدنا وكان باين عليو انو متضايق قلت ليو طالما بتحبها لي بتعذب نفسك وبتعذبها معاك قال لي انا تعبت منها يا حنيين كل مرة بتجرحني بي كلامها دا صحبتها دي انا م بطيقها كم مرة قلت ليها اختيها بس أبت كل مرة بتملا ليها راسها والشي الفهمتو انها م بتثق فيني ف حبيت اخليها تحس بالشي البتعملو فيني قلت ليو بس كدا ح تخسرها قال لي م ح نصل للدرجة دي اتكلمناا كتيير بعدها رجعنا القاعة وكملنا المحاضرات نهاية اليوم قال لي اهااا بكرة ح نلبس شنو ضحكت قال لي جادي انا قلت ليو مزاجي بجي الصباح انا قال لي خلاص اديني رقمك اديتو ليو وطلعنا انا ومآب والطريق كلو نتكلم ف القصة وصلت البيت وحكيت للحجة يومي كان كيف وصراحة كنت تعبانة طوالي رقدت نمت .....