One Week Of Its Best✔ (COMPLETED)

Best 7

A/N: sorry sa mga typo and grammatical error. Happy reading!

==========

September 28, 2019

First rose, first love

Nagising ako dahil sa paghilab ng tiyan ko. Patakbo akong tumungo sa banyo at sumuka. Umupo ako sa sahig ng banyo at sumandal sa pader tsaka pumikit dahil nahihilo pa sa sakit ng ulo.

"Sh*t! Hindi na talaga ko iinom." Hindi pa ako nagmiminutong nakaupo ay muli nanaman akong nasuka.

Habang nakayuko at sumusuka ay may biglang humahaplos ng likod ko. Gusto kong lingonin pero hindi ko magawa. Patay ako kapag si Mama 'to. Sana si Papa dahil pagsasabihan lang ako at hindi papagalitan.

Magsasalita sana ako para mag-sorry pero inabotan ako ng isang basong tubig. Tinanggap ko at nagmumog.

Pumipintig ang ulo ko sa sakit at nahihilo kaya muli akong napasandal sa pader at pumikit para indahin ang sakit.

Ilang sandali pa ay naramdaman kong may bumuhat sa akin. Dumilat ako at nakitang lalaki iyon. Si papa. Agad akong pumikit nang lilingon ito sa akin. I need to ready myself for explaination.

Ibinalik ako ni papa sa kama ko at pinahiga. Nanatili akong nakapikit hanggang hindi ko siya nakakalabas. Takot ko lang.

"Kukuha lang ako kakainin mo."

Dumilat lang ako nang marinig ang pagbukas at sara ng pinto ng kwarto.

Bakit iba yata ang boses ni papa ngayon?

Muli akong pumikit nang makarinig ng yabag.

"Get up," si Papa ba talaga 'to? Kailan pa nag English si papa? "You should eat and take your med."

Inalalayan niya akong umupo. Isang maliit na bowl na may lamang noodles na umuusok pa ang bumungad sa aking harapan.

Kukunin ko na sana para ako na pero iniwas ni iyon "Let me." Napabaling naman ako kay rito para asarin dahil nag-e-english pero iba ang nakita ko.

Nanlalaki ang mata ko sa nakita. Why is he here? Ewan pero bigla nalang nawala ang kalasingan ko nang makita si Teddy sa harap ko.

Agad akong napabangon sa gulat kaya medyo natapon sa akin ang laman ng bowl. Hindi ko na nga inalintana ang init niyon pero siya parang nataranta sa kakapunas sa hita ko gamit ang kamay niya.

Dumoble ang lakas ng pintig ng puso ko nang maramdaman ang maiinit niyang palad na lumapat sa balat ko. Agad ko namang iniiwas ang sarili sa kaniya.

"What are you doing here?" Hindi pa siya nakakasagot ay lumabas na ako para hagilapin sina mama at papa pero tahimik ang bahay.

"Where are they?" Nilibot ko na ang bahay pero wala akong nakita ni anino nila. Pati mga kapatid ko wala. "Asan ba sila?"

"Nakina Sir Antonio." Sagot niya kahit hindi siya ang tinatanong ko.

"Bakit?" Humakbang siya ng isang beses kaya napahakbang din ako paatras ng isang beses. Nang makita ang ginawa ko ay huminto siya at nanatili nalang sa kinatatayoan.

"Birthday ng uncle mo diba?"

Birthday? Napatingin ako sa kalendaryo sa likod ng pinto na nakasara. September 28. Birthday nga ni Uncle Juanito!

"K-kung ganon. Anong g-ginagawa mo d-dito?" Hindi ako makatingin ng deritso sa kaniya.

"You're drunk." He simply answered. Para bang iyon ang sagot sa lahat ng tanong ko.

Napalunok ako sa kaba. "O-okay na ako. P-pwede ka ng umalis." Bakit ba ako nauutal?

Eh ano naman kung lasing ako? As if naman may pake siya diba?