هديه الحياه إنسان

البارت السابع عشر

ي ريحة خبز مبيوگ من عمال متعوبين
ي طاري العشگ وأنجاب بين جنود مشتآگين🙊💜

راح انشر بعد لان اني اريد انشر بقت تصويت انتو وضميركم المايحس مو للكل هالكلام بس لليغلس يعني بربكم نسبه كل بارت فوك ال 100 وتصويت ٢٥ واذا حيل ٣٠ لعد شكد اني اتعب وانتو تقدرون ها😒

سرى؛ فات عزيز وركض ثائر يكوله بابا ..شنو يعني عزيز متزوج عمه كالت

عمه فوزيه: يمه منك عياار توك متلفلف بحضن سريوة

عزيز شاله رفعه بالهوا: هووباا هبااا يمه هذا تربيت خالتي غيرت طباعه بلشهرين الراحهن ..

فاتت ايناس سلمت ونوسه تحاجييني واني بس اريد اصعد

نوسه: ذبي جنطتج وفوتي بقرفه امي سلمي على عمتج ام وطبان جانت باربيل تعالج ثائر وتلكين سهاد سلمي عليها هاي بنت عمج خليل واكبر وحدة يله صيري سباعيه وسلمي لو تيديهم يحجون بنت بغداد ويجيبون ويلطخون

شاورتها: نوسه مكدر ظهري موتني اريد اروح للحمام

باوعتلي: اجتج

هزيت راسي يي ساعدتني خذت جنطه وكالت

نوسه: دوسي عل نفسج وسلمي ذني كَنكَانه ومن الله يتمنن الزله فوتي سلمي بساع

فتت للغرفه كلت السلام عليكم وفتت بوستهن وجانت مرت وطبان هم اهنا بختصار اهل رحمن كلهم موجودين سلمت بس سهاد مدري لان جبيرة مو مثل ميعاد تحجي جديات ونوب عمه نضال اخت عمه فوزيه زوجه عمو امجد يبعني اخوان متزوجين خوات هاي كصتني كص سلمت وطلعت وهذا ثائر يبجي وعمه فوزيه تسكته وهوة قافل صعدت خذت برنص وبسرعه للحمام فتت اسبح بلثلث ساعه يله شوي ظهري تحسن لفيت نفسي وركزت عزااا مجبت ملابس اهووو غسلت ملابسي بلغساله وفتحت باب الحمام عل كيف ماكو احد طكيتها ركض للغرفه واني متلفلفه بلبرنص جان افتح الباب وسديته بسرعه واشوفلك عزيز لازم ثائر بحظنه ونوسه واكفه يم الكنتور مالها تضم بجنسيه مدري شنو

من شافوني بلمنظر نوسه حست

نوسه: يله عزيز اطلع خل البنيه تاخذ راحتها

عزيز خزرني وطلع هوة وثائر

سرى مديت ايدي بتجاه الباب: نوسه وانتي همات يله

نوسه: بس لا مستحيه

سرى: ييي والله يله طلعي بس ابدل كلشي ملابسه جوة البرنص وباردة فطلعي

تقربت تبتسم بخبث : هاا يعني ملابسه شي خوش لعد مطلع اليوم

بسرعه كمزت برة الغرفه شفت عزيز يريد ينزل وكفته صحت عزيز

عزيز وشايل ثائر: هااا ..باوعلي ..شو ممبدله

سرى افرك بيدي: شوف نوسه متطلع حته ابدل صيح بيها حباب