هديه الحياه إنسان

البارت الرابع والعشرون

ومدري منين الله العاشك يعذرة.،
وقيامتنه ندى وعالورد ماكو احساب،،
يشفعله الفراش وحوبه الفقرة وتدنالي همس عميان
وفضحتني شمس تموز..
وشبكني برضاتك سنه من الحرمان
راودني جرح حته اشتهيك انسان 🙊
تستغفر عليمن كلشي ما ممنوع
ذنب اهل العشك ما حرمه القران،،،👍

مساء العافيه لعيونكم، ،،❤😊

هديه الحياه إنسان
بقلم الكاتبه سماح ✍
البارت الرابع والعشرون

متابعه لحسابيsmjank@

تنويه* نزلت هذا البارت لان البارت ٢٣ عبر الخمسين صوت وبقى الموضوع يمكم كل بارت يتجاوز الخمسين صوت انزل الكم ...يعني مو تنزيل يومي لا يعتمد عالتفاعل بالقصه،،،

قراءة ممتعه وبارت مطول لعيونكم الحلوة😘

* دكتور نهاد صديق اكرم وعامر ارجعو لبدايه البارتات.

جنى:
اني منا دكتور نهاد كلما يشوفني يذكر عامر ويترحمله ومنا ايه منهارة خلصت طريق منهارة بعدنه منازلين من سيارة اكرم كال وصلنه ريسن شخط بريك ووكفت السيارة ونزل واسمع صوت عباس يلعلع ..ايه بحظني تبجي بطلت بجي واني وياها وام اكرم باوعنه بالجامه ليورة عباس ديتعارك هوة وكم ولد وياه من اخوانه وولد عمه ويه ناس منعرفهم واكرم وبابا وحته صديقه دكتور نهاد وابو فلاح اخو اكرم وهوايه يفاككوهم مشوار يله هدو وفلاح واخوان عباس سحبو عباس بعيد شوي اجانه اكرم فتح الباب حته تنزل ايه كالتله امه

ام اكرم: يايمه شبي هذا المتسودن فشلنه ويه الناس

اكرم بعصبيه بس بهدوء دينزل ايه: يمه هذا طايح حظ من يومه وما وراه غير الطلايب ذوله ناس هم جاين لاربعينيه كرابتهم لان الارعن هوة ليسوق ساحب بريك وطاخه بسيارتهم ونزل يدور مشاكل فوك شينه كوات عينه استغفر الله ..يله نزلو ..

نزل ايه واني نزلت وطلعت الكرسي اكرم كالي عوفي اني اشيلها وفعلا وصلنه لكًبر مالتهم وطاقتي انهارت وايه شلون سوت بنفسها وخوات عمو ياسر وسلفات خاله هند وام عمو ياسر كلمن يبجي اللي عل عمو ياسر واللي عل ولد عامر وعمار وماما تنوح عل خاله هند والزلم تسكت وميفيد اني كاعدة يم ايه واكرم حاظنها يهدي بيهه ومفاد اني مدري من الهوسه هاي مدري بجي ايه طول طريق لو الشمس البوجهي دخت غوشت عيوني ودموعي تنزل مخس غير صرت بحظن بابا طلع مراقبني شلون افترت دنيا بي اسمع اكرم يحجي

اكرم: هاا ابو جنى شبيهه بس لا تخربطت

بابا بخوف: يمكن ..طبطب لوجهي ،،جناوتي بنتي شو فتحي عيونج لتفجعيني بيج بابا اروحلج فدوة شو فتحي حسيت ايه لزمت ايدي وتضغط قوي

ايه بجي: جنوو كعدي الله عليج ..

ماما وام خيدر جابولي مي بابا غسل وجهي شوي صحصحت رجعت اغسل بوجهي وجهي حار وشربت مي ..باوعت جتي عيني بعين عباس لجان صافن شكد كرهت هلجيه لان هوة بيها وخرت عيوني منه لكيت ام اكرم مدمعه وتباوعلي