هديه الحياه إنسان

البارت السادس عشر

راسي حطيته عَ صدره و تيهت گاع الله وين ☹️♥️

هديه الحياه إنسان
البارت السادس عشر
الكاتبه سماح الخليفاوي ... ✍

متابعه+تصويت= توصلوها للمراتب الاولى 😒😐

سرى: فات جدو كمت سلمت وراه يخوزر عزيز والمفاجأه من فات ورة عزيز غيث الغثيث ورجل ميعاد حطيت شال على شعري

ابو ضرغام رجل ميعاد: السلام عليكم...وفات باس راس بيبي

اني تسحبت وطلعت حته اصعد لكيت سجى بلمطبخ صاحتني سرى

سرى: هااا سجى اريد ابدل

سجى: ييي تعاي اخذي جنطتج هاي

رحت جبتها ويه مااريد اصعد الدرج واحد سحب ايدي انداريت واوف

غيث: شونج مالونج متسلمين مو ابن عمج وخطيبج

نترت ايدي منه: باحلاااامك تصير خطيبي لو يصير قحط الزلم مباوعلك فهمت لوو اااعيييد ...طلع عزيز يخوزر

عزيز: شكو حسكم عاالي متكولون اوادم عدنه

سرى : شووف ابن عمك لجاي يبيع براسي دور الخطيب والله لو ميبقه على الكاع زلم غيرة ماااا اخذة ماا ااخذة فهمه الكلام زين ..سحبت جنطه وصعدت واسمع

عزيز: شسولفت وخليتها تكًب هيج

غيث: هاااي وتالي ويه لسااانها مو اكصه الها بس سلمت لو لعبت بيه جوله

فتحت باب الغرفه شمرت جنطه واني مفوله اخذت دشداشه مرتبه ونازكه رصاصي وبيهه شغل من الصدر ابيض وحضرت ملابس وسبحت ومشطت ولبست شال ونزلت واروح للمطبخ الكه ايناس كاعدة تسوي زلاطه عود وعيونها عل برة لان صايرة مقابيل باب المطبخ الخارجي وشال لومالابسته احسن شعرها كله طالع خل يجي عزرائيل يشوف اخته لو ميشوف بس سرى!!

وعمه فوزيه توزع طرشي بالكوس وسجى كاعدة ويمها نجانه عجين فاتت نوسه من برة ملثمه كالت

نوسه: سجرت تنور يله نطني العجين اشنكًك فضني راح يكول الله اكبر واريد اخلص شمس تسمط

سجى: اني عنج اني اشنك هسه بساع ...سحبت صينيه وبيها طحين وكالت ..سريوة طاسه مي بسرعه حته اكطع الشنك

جبت الهه طاسه مي وكعدت يم ميعاد اللي دتنزف خضراوات

سرى: اساعدج

ميعاد: لا حبيبه هنه خضورات شيحتاجلهن ..بس انتي حليوة وتنحبين اول نوبه اشوفج واشوف جمال بنت عمي المانعرفه

سرى: عيونج الحلوة

ميعاد: اكلج سريوة شمالج ويه غيث ترا والله خوش ولد و..

سرى قاطعتها: رجاءا ام ضرغام سدي الموضوع

ايناس: ييي عيني سدي مشايفتها شلون تتبطر علنعمه لج بنات العرب هينه يرولن عل شكل مثل غيث