سندي انت♡ (مكتملة)

البارت العاشر

□□□□□□□□□□□□□□□□□□□□□□□□□□□□□

#سندي انت ♡

_________________________________

امير :ولك هذا غير فلم هندي شنيهااي

علي:عمي اني بكلشي مختلف

امير:اي وهسة شلون راح تكللهة احبج

على:(يقلد على امير ويعوج بحلكة)احبج احبج جا هوة هيج اني مو مثلك غثيث غير اسويلهة مفاجئة ورد أحمر جو كلة شموع

امير:(يباوع صفح لعلي)ولك انتة غير ساقط شني هاااي شنو جو شنو بطيخ

علي:شو دنجب يخوي خلي اروحلهة هاااي غبية هسة الكيهة ميتة من البجي

امير: ياا ولك جا شبيهة هاااي ليش تبجي

علي:ولك مو صيحت عليها كبالك ومن فتحتلك الباب هم رزلتهة يعني صارت عدنة جملة مال رزايل اليوم وهاااي طكة ونص

امير:واللة وكت خلة على يرزل ويصيح ويطي أوامر

على:هااا جا شعبالك

امير:ياللة امشي ولي

على:ياللة بعد سلامة

راح علي وإني صافن بسالفتة معقولة يجذب علية بس لا على كلشي يكلي وهاااي لبنية مبين شكلهة شريفة طبعا مرت الأيام وطاب أبو لبنية ورجعو للعراق لأن يخاف خاف يرجع يتمرض مرة ثانية وين يخلي بتة رحت اني وعلي وياهم للمطار وعلي بس يخوزر بالبنية وهية بس تباوعلة صفح كلساع يريد يروحلهة وإني امنعة

علي:ولك خوية ماتخليني اروحلهة

امير:بوية عيب من أبوها وبعدين انتة شعليك بيهة ترة لبنية حرة

علي:اي مشوف شلابسة ولك اني اعرفهة كلش زين عود تسوي عناد وياي من تسوي هيج

امير:عوفهة كافي اكعد راحة

بالكوة لازمة لعلي كلساع يريد يكوم يحاجيهة على ملابسهة بس اني اشوف ملابسهة مستورة بس هذا خبل شلون ماسمعت كلمتة من هسة يريد يمشيهة على كيفة بس هية معاندة ويا ودائما تذكرني بتصرفاتة بميامي كلش شتاقيتلهة مرت الأيام والأسابيع والأشهر على كمل الأحمد للة ونجح ودائما على تواصل وي تبارك وليل ونهار يتعاركون هوة مايقبل تطلع وهية ماتقبل يطلع ودائما توصيني بس اني الخباثة فول حتى لو مطالع اكللهة طالع وتشتعل النار بينهم وبعدين اكللهة جذب مادري ليش هذا الثنائي كلش مونسيني طبعا مااعرف أخبار ميامي ولا أي واحد من البيت وخاصة الي اكرهم موصي آلاء ماتسولفلي عليهم المهم صار اليوم الي لازم بي نرجع للعراق رجعنا ومادري ليش حسيت بهمومي رجعت وياي اني و علي صح من نفس المحافظة بس الأماكن مالتنة تختلف واحد بعيد عن الثاني فلهذا اني رحت وحدي وعلي راح وحدة هذا الحجي من وصلنة للبصرة اول مادخلت للبيت